গীতসংহিতা 42:6 - Chakma Bible

⁶ ও মর্ গোজেন, মর্ পরাণান আজা নেইয়্যে ওইনে পোজ্যে; সেনত্তে দঅ মুই যর্দন গাঙর্ গড়াগানত্ থিয়্যেইনে, হর্মোণ মুড়োবোর মাঢাত্ আর মিৎসিয়র মুরোবোত্ থিয়্যেইনে তর্ কধাগান ভাবঙর্।

গীতসংহিতা 42:6 ပူးပေါင်းရင်းမြစ်များ

২ শমূয়েল 17:22

সেনত্তেই দায়ূদে আর তা সমারে বেক্‌ মানুচ্চুনে নিগিলিলাক্‌ আর যর্দন গাঙান্‌ পার ওই গেলাক্। বেন্যে পহর্‌ অবার আগেন্দি তারা বেক্কুনে যর্দন গাঙান্‌ পার্ ওই গেলাক্, একজনেয়ো বাগি ন-রলাক্।

২ শমূয়েল 17:27

দায়ূদ মহনয়িমত্‌ যানার পরেন্দি অম্মোনীয়গুনোর রব্বা শঅরর্‌ নাহশর পূঅ শোবি, লোদবারর্‌ অম্মীয়েলর পূঅ মাখীর আর রোগলীমোর গিলিয়দীয় বর্সিল্লয় দায়ূদ আর তা সমারে মানুচ্চুনোত্তে বিচ্ছোন, গাবালা আহ্ মাদি পিলে অানিলাক্। দায়ূদ আর তা মানুচ্চুনে হেবাত্তে তারা গম, যেদেনাবিজি, মোয়দ্যা, ভাজা শজ্য, সুমি, মসুর ডেল্, কলাই,

গীতসংহিতা 133:3

মনে অয় সিয়েন হর্মোণ মুড়োবোত্ পোজ্যে শিরপানি যিয়েন ঝুরি পোজ্যে সিয়োন মুড়োবোত্; কিত্তে লগেপ্রভু সিয়েনত্ বর্ দিয়্যে, আর সেই বরান্ অলঅ উমরর্ জিংকানি।

গীতসংহিতা 22:1

গোজেনে মর্, গোজেনে মর্, কিত্তে তুই মরে ছাড়ি যেইয়োচ্? মরে রোক্ষ্যে ন-গুরিনে, মর্ চোগো পানিয়ে-ভোজ্যে তবনাগান ন-শুনিনে, কিত্তে তুই দূরোত্ সুরি আগচ্?

গীতসংহিতা 43:4

যেনে মুই গোজেনর পুজোবো ইদু যেই পারং। তেয়ই মর্ সুখ্ আর হুজি। ও গোজেন, মর্ গোজেন, মুই বীণা বাজেইনে তর্ বাঈনী গুরিম।

গীতসংহিতা 43:5

ও মর্ পরাণান, কিত্তেই তুই আজা আরেয়োজ্? কিত্তেই এদক্ চুলুবুলু ওইয়োচ্? গোজেন উগুরে আজা রাগা, কিয়া মুই আরঅ তার্ বাঈনী গুরিম; তেয়ই মর্ উদ্ধোরগুরিয়্যে আর মর্ গোজেন।

গীতসংহিতা 61:2

মুই যেক্কেনে নিরাজায়্ ভাঙি পড়ং সেক্কেনে পিত্‌থিমীর শেজ্ দুযিত্ থেলেয়ো সিয়োত্তুন্ মুই তরে ডাগিম। মরে তুই এন্ কনঅ অজল্ আশ্রয়-মুড়োত নেযেইনে রাগা যিয়েন মর্ নাগালর বারেন্দি।

যোনা 2:7

“ও লগেপ্রভু, মঅ পরাণান্ যেক্কে যাং যাং ওইয়্যে সেক্কে মুই তরে ইদোত্ তুলিলুং, আর মঅ তবনাগান তইদু, তঅ সুদ্ধো-সাংগ ঘরত্ উঠ্যেগোই।

মথি লেখ্যে গম্ হবর্ 26:39

পরেদি তে কিজু দূরোত্ যেইনে মাদিত্ মাঢা নিগুরিনেই পড়িলো আর তবনা গুরিনে কলঅ, “মর্ বাবা, যুনি সম্ভব্ অয় সালে এই দুঘোর্ গলচ্চো মত্তুন্ দূরোত্ যোক্। তো মর্ আওজ্ মজিম ন-ওক্, তঅ অায়োজ্ মজিম ওক্।”

মথি লেখ্যে গম্ হবর্ 27:46

প্রায় তিন্‌টা সময় যীশু রঅ ছাড়িনে কলঅ, “এলী, এলী, লামা শবক্তানী,” অত্তাৎ “মঅ গোজেন, মঅ গোজেন, কিত্তে তুই মরে ছাড়ি যেইয়োচ্?”