গীতসংহিতা 42:5 - Chakma Bible

⁵ ও মর্ পরাণান্, কিত্তেই তুই আজা আরেয়োজ্? কিত্তেই এদক্ চোত্‌‌পোত্যে ওইয়োচ্? গোজেন উগুরে আজা রাগা, কিত্যে তেয়ই মরে উদ্ধোর্ গুরিবো; সেনত্তে মুই আরঅ তার বাঈনী গুরিম।

গীতসংহিতা 42:5 ပူးပေါင်းရင်းမြစ်များ

ইয়োব 13:15

তে যুনি মরে মারেয়ো ফেলায় তো তা উগুরে মুই আজা রাগেম্‌; মুই হামাক্কাই তা মুজুঙোত্‌ মঅ পক্ষেদি কধা কোম্‌।

গীতসংহিতা 35:14

ভেই আর সমাজ্যে আরেবার ধোক্ক্যেন্ মুই তারাত্তে আবিলেচ্ হেইয়োং; আবিলেচ্ হেবার্ সময়োত্ মা আরাইদে ধোক্ক্যেন্ মাঢা নিগিজ্যং।

গীতসংহিতা 37:7

লগেপ্রভুর মুজুঙোত্ শান্ত অ; ধৈর্য্য ধুরিনে তাত্তেই বাজ্জেই থাগঅ। নিজোর্ কামানি ফোলেবাত্তে যে মানুচ্চো তার্ পাজি সল্লাগান কামত্ লাগায়, সিয়েনত্তে তুই মনান্ যাগুলুগ্ ন-গুরিচ্।

গীতসংহিতা 38:6

মুই গুজোং ওই যেইয়োং, এক্কুবারে ঢুলি পোজ্যং; পুরো দিন্নো মুই মনত্ দুখ্ গুরিনে বেড়াং।

গীতসংহিতা 42:11

ও মর্ পরাণান, কিত্তেই তুই আজা আরেয়োজ্? কিত্তেই এদক্ ওলোমোত্য ওইয়োজ্? গোজেন উগুরে আজা রাগা, কিয়া মুই আরঅ তার বাঈনী গুরিম; তে মর্ উদ্ধোর্ গুরিয়্যে আর মর্ গোজেন।

গীতসংহিতা 43:5

ও মর্ পরাণান, কিত্তেই তুই আজা আরেয়োজ্? কিত্তেই এদক্ চুলুবুলু ওইয়োচ্? গোজেন উগুরে আজা রাগা, কিয়া মুই আরঅ তার্ বাঈনী গুরিম; তেয়ই মর্ উদ্ধোরগুরিয়্যে আর মর্ গোজেন।

গীতসংহিতা 44:3

তারা নিজো তলোয়ারলোই এ দেজ্‌ছান গজক্ ন-গরন, নিজো বল্লোই নয়ও জিদোন্; তর্ বল্লোই, অয়, তর্ বল্লোই; আর তর্ মহিমালোই সিয়েনি গোজ্যন্, কিয়া তারা উগুরে তর্ দোয়্যে এলঅ।

গীতসংহিতা 56:11

মুই তা উগুরে বিশ্বেজ্ গরং; মুই ন-দোরেম, মান্‌জ্যে মরে কি গুরি পারন্?

গীতসংহিতা 56:3

মনত্ দর্‌বুক্ লাগিলে মুই তঅ উগুরে বিশ্বেজ্ গুরিম।

গীতসংহিতা 61:2

মুই যেক্কেনে নিরাজায়্ ভাঙি পড়ং সেক্কেনে পিত্‌থিমীর শেজ্ দুযিত্ থেলেয়ো সিয়োত্তুন্ মুই তরে ডাগিম। মরে তুই এন্ কনঅ অজল্ আশ্রয়-মুড়োত নেযেইনে রাগা যিয়েন মর্ নাগালর বারেন্দি।

গীতসংহিতা 71:14

মাত্তর্ মুই নিত্য তঅ উগুরে ভরসা গুরিম, তর্ বাঈনী উগুরে বাঈনী গুরি গুরি থেম্।

গীতসংহিতা 77:3

মুই যেক্কেনে গোজেন কধা ইদোত্ তুলিদুং সেক্কে দুঘে ফোবেদুং; চিদে গত্তে গত্তে মুই আজা আরাং।

যিশাইয় 30:29

সুদ্ধো-সাংগ পরব্ পালানা রেদো ধোক্ক্যেন্ তুমি গান গেবা। মান্‌জ্যে যেক্কে বাশিলোই লগেপ্রভুর্ মুড়োবো উগুরে উদিনে ইস্রায়েলর আশ্রয়-মুড়োবো ইদু এজন্ সেক্কে যেবাবোত্যে হুজি অন্ সেবাবোত্যেগুরি তমার্ মনানিয়ো হুজি অবঅ।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

গণাণা 6:26

লগেপ্রভু তাঁর মুয়োন্‌ তইন্দি ফিরোক্‌ আর তরে সাজা দুয়োক্।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 26:38

তে তারারে কলঅ, “দুঘে যেন মঅ পরাণান্ নিগিলি যার্। তুমি ইয়েনত্ থাগঅ আর মঅ সমারে জাগি থাগঅ।”

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

১ শমূয়েল 30:6

সেক্কে দায়ূদে দাঙর্ দজাত্‌ পোজ্যে, কিত্যে ঝি-পূঅগুনোত্তে তার মানুচ্চুনোর্‌ মনান্‌ দায়ূদো উগুরে এন্‌ তিদে ওই উঠ্যে, তারা দায়ূদোরে পাত্তর্‌ মারিবার্‌ কধানি কুয়োকি গত্তন্‌। মাত্তর্‌ দায়ূদে তার্‌ গোজেন লগেপ্রভুর উগুরে নির্ভর গুরিনে মনত্‌ বল্‌ পেলঅ।