গীতসংহিতা 41:9 - Chakma Bible

⁹ এন্ কি, যে মর্ পরাণর দাংগু, যিবে উগুরে মর্ এদক্ বিশ্বেজ্, যে মর্ সমারে হানা-দানা গরে, তেয়ো মঅ বিরুদ্ধে টেঙ্ তুল্যে।

গীতসংহিতা 41:9 ပူးပေါင်းရင်းမြစ်များ

২ শমূয়েল 15:12

উৎসর্ব গুরিবার্‌ অক্তত্‌ অবশালোমে দায়ূদোর গীলোনীয় মন্ত্রী অহীথোফলরে তা আদাম গীলোত্তুন্‌ ডাগিনে আনিলো। কুজুরোমিগান বেশ্ দাঙর্‌ ওই উদিলো, কিত্যে অবশালোম পক্ষেন্দি মানুচ্চুন্‌ বেজত্তুন বেশ্‌ বাড়া ধুরিলাক্।

ইয়োব 19:13

তে মত্তুন্‌ মঅ ভেইয়ুনোরে ফারগ্‌ গুরি দিয়্যে; মরে চিন্যে মানুচ্চুনে ন-চিনেদে ধোক্ক্যেন্ বেবহার গরন্‌।

ইয়োব 19:19

মর্‌ বেক্‌ সদর্ সমাজ্যেগুনে মরে ঘিনেন্‌; মুই যিগুনোরে কোচ্‌পাং তারা মঅ বিরুদ্ধে থিয়্যেইয়োন।

গীতসংহিতা 101:3

মুই বজঙ্ কনঅ কিজু মঅ চোগো মুজুঙোত্ ন-রাগেবে। বজঙ্ পধেদি যেয়্যে মানুচ্চুনোর কামানি মর্ চোগোছাল্; সিয়েনিয়ে মরে আক্‌সো রাগেই ন-পারিবো।

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

ওবদিয় 1:7

তর্ বেক সমাজ্যেগুনো-রেজ্যগানিত্ তর্ ধেই যেইয়্যে মানুচ্চুনোরে তারা দুযিত্ সোমেবাত্তে ন-দিবে। তঅ সমাজ্যেগুনে তরে ঠোগেবাক্ আর তরে ভিরেবাক্, যিগুনে তঅ হানা খান্ তারা তত্যেই ফাল্ ফাদিবাক্ মাত্তর্ তুই কিচ্চু বুঝি ন-পারিবে।”

মীখা 7:5

কনঅ পাড়াল্যে উগুরে ভরসা ন-গোজ্য, কনঅ সমাজ্যে উগুরে বিশ্বেজ্ থিদেবর্ ন-গোজ্য; এমন কি, যে মিলেবো তঅ বুগো উগুরে পড়ি থায় তাইদু কধা কদে উজিয়ার অ,

মথি লেখ্যে গম্ হবর্ 26:23

জোবত্ তে তারারে কলঅ, “যে মঅ সমারে পিলেবোত্ আঢ্‌তান দের্ তেয়ই মরে ধুরি দিবো।

যোহন 13:18

“মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’

দ্বি’লম্বর বিররণ 32:15

মাত্তর্‌ পক্তা ওই যিশুরূণে লাদি মারিলো। ও যিশুরূণ, তুই অমকদ হেইনে গুয়োর্ আর পক্তা ওইয়োচ্‌। সে পরেন্দি তে তার সৃট্টিগুরিয়্যে গোজেনরে ফেলেই গেলঅ, আর চিগোন গুরি দেগিলো তার জিরেবার-মুড়োবোরে।