গীতসংহিতা 41:12 - Chakma Bible

¹² মর্ গম্ কামানিত্তে তুই মরে ধুরি রাগেয়োচ্; তুই উমরত্তে মরে তর্ মুজুঙোত্ থিদেবর্ গোজ্যস।

গীতসংহিতা 41:12 ပူးပေါင်းရင်းမြစ်များ

ইয়োব 36:7

তে নিদ্দুযি মানুচ্চুনোত্তুন্ তা চোগ্‌কুন ফিরেই ন-নেযায়; তে রাজাগুনো সমারে তারারে বোজেই দে আর উমরত্তে তারারে সর্মান গরে।

গীতসংহিতা 16:11

জিংকানির পথ্‌তান্ তুই মরে জানেয়োচ্; তইদু থানা মানে পুরোপুরি হুজিয়ে থানা আর তর্ ডেনেদি রোইয়্যেদে উমরর্ সুখ।

গীতসংহিতা 17:15

মাত্তর্ মুই যেন নিদ্দুজি ওইনে তঅ মুজুঙোত্ থেই পারং, যেন মরণত্তুন্ জাগি উদিনে তরে দেগিনে মুই হুজি অং।

গীতসংহিতা 25:21

মর্ গম আর ন্যায় কামানিয়ে মরে রোক্ষ্যে গোরোক্, কিত্যে মুই তঅ উগুরে মর্ আজাগান রাগেয়োং।

গীতসংহিতা 30:2

ও লগেপ্রভু, মর্ গোজেন, বল্ পেবাত্তে তরে ডাক্যং আর তুই মরে গম্ গোজ্যস্।

গীতসংহিতা 34:15

যিগুনে ন্যায়র্ পধেদি চলন্ তারা উগুরে লগেপ্রভুর চোখ্ আঘে; তারার্ ডাগনিগানি শুনিবাত্তে তা কানান্ খুলো আঘে।

গীতসংহিতা 37:17

পাজিগুনোর আঢ্‌তানি ভাঙি যেবঅ, মাত্তর্ লগেপ্রভু গোজেন ভক্তগুনোরে ধুরি রাগেব।

গীতসংহিতা 63:8

মর্ পরাণানে তরে আজাবোদে ধোজ্যে; তর্ ডেন আঢ্‌তানে মরে ধুরি রাগেয়্যে।

গীতসংহিতা 94:18

যেক্কেনে মুই ভাবিদুং মঅ টেঙান বিজিদি যার্, সেক্কে ও লগেপ্রভু, তর্ অমকদ কোচ্‌পানাগানে মরে ধুরি রাগায়।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।