গীতসংহিতা 40:5 - Chakma Bible

⁵ ও মর্ গোজেন লগেপ্রভু, গুণি ন-পুরেইয়্যে তর্ আমক্ অবার কামানি! কেধোক্ক্যেন সল্লা গোজ্যস্ আমাত্তে! মুই দঅ ফগদাং গুরিলে, কবাত্তে গেলে, কনদিন্‌অ থুম্ ন-অবঅ। কন্না আঘে তঅ ধোক্ক্যেন্?

গীতসংহিতা 40:5 ပူးပေါင်းရင်းမြစ်များ

ইয়োব 26:14

ইয়েনি তা কামর কিজু ফগদাং, আমি তা পৌইদ্যেনে বানা কিজু কধা শুনিই; তা খেমতার রবো কন্না বুঝি পারে?"

ইয়োব 5:9

তে এবাবোত্যে মহৎ কাম্‌ গরে যিবের্‌ গভীনান্‌ মাবা ন-যায়; তে এন্‌ আমক্‌ অবার্‌ কাম্‌ গরে যিয়েনি গুণিনে থুম্‌ গরা ন-যায়।

ইয়োব 9:10

তে এমন্‌ মহত্‌ কাম্‌ গরে যিয়েনি বুঝো ন-যায় আর এন্‌ আমক্‌ আমক্‌ কাম্‌ গরে যিয়েনি গুণো ন-যায়।

গীতসংহিতা 136:4

যিবে গায় গায় বেক্ দাঙর্ দাঙর্ কামানি গরে তারে ভালেদি জানঅ; -তার কোচ্‌পানাগান উমরত্তে থিদেবর্ গোজ্যে-

গীতসংহিতা 139:6

তর্ এ জ্ঞানান্ মুই বুঝি ন-পারঙর্; সিয়েন অমকদ উগুরে, মঅ খেমতার বারেদি।

গীতসংহিতা 71:15

তর্ ন্যায় কাম আর তর্ উদ্ধোর কামর কধানি দিনভর্ মঅ মুয়োন্দি থেবঅ, কিত্তেই সিয়েনি কোই কোই থুম্ গরা ন-যায়।

গীতসংহিতা 73:28

মাত্তর্ গোজেন সমারে থানা মত্তে মংগল; প্রভু লগেপ্রভুরে মুই মর্ আশ্রয়র জাগা বানেয়োং, যেন তার কামর কধানি মুই ফগদাং গুরি পারং।

গীতসংহিতা 92:5

ও লগেপ্রভু, তর্ বেক কামানি কেজান্ দোল্ আর তর্ চিন্তেগান কত্তমান্ গভিন!

যাত্রা 11:8

তর্‌ এ কাম্‌গুরিয়্যেগুনে এইনে মঅ মুজুঙোত্‌ আদু পাদিনে কবাক্‌, ‘তুই তর্‌ বেক্‌ মানুচ্চুন নেযেইনে নিগিলি যাহ্!’ সে পরেদি মুই যেম্বোই।” এ কধাগান্‌ কোইনে মোশি রাগে আগুন্‌ ধোক্ক্যেন ওইনে ফরৌণ ইধু গেলঅ।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যিরমিয় 29:11

তমাত্তে মর্ পরিকল্পনাগানর্ কধাগান মুয়ই হবর্ পাং; সিয়েন তমা ভালেদিত্তে, ক্ষোতিত্বে নয়। সে পরিকল্পনাগানর ভিদিরেদি তমা ভবিচ্চদর্ আজাগান পূরোণ অবঅ।