গীতসংহিতা 4:1 - Chakma Bible

¹ ও মর্ গোজেন, মুই যে তর্ আওজ্ মজিম চলঙর্ সিয়েন তুই দেগেই দুয়োর্; মুই যেক্কেনে তরে ডাগিম সেক্কে তুই মঅ ডাগনিলোই শুনিচ্। দযাগানে মরে ঝাবোদে ধোজ্যে, মাত্তর্ তুই মরে নিজেস্ ফেলেবার্ যু গুরি দুয়োচ্। মঅ উগুরে দোয়্যে গর্, মঅ তবনাগান শুন।

গীতসংহিতা 4:1 ပူးပေါင်းရင်းမြစ်များ

ইয়োব 36:16

দুগোর্ আধত্তুন তে তরে নিগিলেনেই আনিবাত্তে চায়; তে তরে এমন্ দাঙর্ জাগাত্ নেযেবাত্তে চায় যিয়েনত্ কনঅ মানা নেই। সিয়েনত্ তর্ টেবিলান দোল্ দোল্ হানালোই ভরা থেবঅ।

গীতসংহিতা 11:7

লগেপ্রভু গম্ বিলিনে ন্যায়র্ কামানি তে কোচ্‌‌পায়; যিগুনে খাটি তারা তা মুয়োন্ দেগিবাক্।

গীতসংহিতা 116:16

ও লগেপ্রভু, ঘেচ্চেক্‌গুরি মুই তঅ চাগর্, তর্ চাগর, তঅ চাগরানিবোর পুয়ো; তুয়ই মর্ বান্যেগান খুলি দুয়োচ্।

গীতসংহিতা 116:6

লগেপ্রভু সিদেসিদি মানুচ্চুনোরে রোক্ক্যে গরে; মুই অনালর্ ওইয়োং মাত্তর্ তেয়ই মরে উদ্ধোর্ গোজ্যে।

গীতসংহিতা 119:132

যিগুনে তরে কোচ্‌পান তারা উগুরে তুই যেধোক্ক্যেন্ গুরি থাচ্, সেধোক্ক্যেন গুরি তুই মইন্দি ফির্ আর মরে দোয়্যে গর্।

গীতসংহিতা 143:2

তর্ এ সেবাগুরিয়্যেবোর বিচের ন-গুরিচ্, কিত্তে তঅ চোগেদি কনঅ প্রাণী নিদ্দুযি নয়।

গীতসংহিতা 17:6

ও গোজেন, তুই মঅ ডাগনিলোই শুনিবে, সেনত্তে মুই তরে ডাগঙর্; মঅ কধাগান শুন্, মঅ তবনাগান শুন্।

গীতসংহিতা 22:1

গোজেনে মর্, গোজেনে মর্, কিত্তে তুই মরে ছাড়ি যেইয়োচ্? মরে রোক্ষ্যে ন-গুরিনে, মর্ চোগো পানিয়ে-ভোজ্যে তবনাগান ন-শুনিনে, কিত্তে তুই দূরোত্ সুরি আগচ্?

গীতসংহিতা 24:5

তে লগেপ্রভু ইত্তুন্ আশিদবাদ্ পেবঅ; তে যে তার্ আওজ্ মজিম্ চলের্ তার্ উদ্ধোর গুরিয়্যে গোজেনে সিয়েন্ গোজেই দিবো।

গীতসংহিতা 25:16

মন্দি ফির্ আর মঅ উগুরে দোয়্যে গর্, কিত্যে মুই গায় গায় আর বল্‌‍পোজ্যে।

গীতসংহিতা 31:8

তুই শত্রুগুনো আঢত্ মরে আক্‌সোই ন-রাগাচ্, বরং এক্কান খুলো জাগাত্ মরে থিয়্যেই রাগেয়োচ্।

গীতসংহিতা 41:12

মর্ গম্ কামানিত্তে তুই মরে ধুরি রাগেয়োচ্; তুই উমরত্তে মরে তর্ মুজুঙোত্ থিদেবর্ গোজ্যস।

গীতসংহিতা 42:1

উরিঙে যেধোক্ক্যেন আওজ্ গুরিনে পানি নালর্ তিরেচ্ গরন, সেধোক্ক্যেন গুরিনে ও গোজেন, মর্ পরাণান্ তত্তেই আগল্-পাগল্ ওই আঘে।

গীতসংহিতা 45:1

মর্ মনান্ দোল্ চিন্তেধারালোই ভুরি উঠ্যে; রাজার নাঙে মর্ কবিতে সুর্ নিগিলি এজের্; মর্ জিলানে কাবিল লিগিয়্যের্ লেখক ধোক্ক্যেন্ ওই উঠ্যে।

গীতসংহিতা 56:1

ও গোজেন, মঅ উগুরে দোয়্যে গর্, কিত্তেই মান্‌জ্যে মরে লড়াদন্; নিত্য যুদ্ধো গুরিনে তারা মরে দুঘ্ দেদন।

গীতসংহিতা 57:1

মঅ উগুরে দোয়্যে গর্; ও গোজেন, মঅ উগুরে তুই দোয়্যে গর্, কিত্তেই তইদু মুই আশ্রয় নেযেয়োং। তর্ ডুয়োনির ছাবাত্ তলে মুই থেম যেদকদিন সং মঅ উগুরেত্তুন এ দযাগানর ঝড়ান্ সুরি ন-যায়।

গীতসংহিতা 6:1

ও লগেপ্রভু, রাগ্ গুরিনে তুই মরে গেইল্ ন-দিচ্; বেজার্ ওইনে মরে শাজন্ ন-গুরিচ্।

গীতসংহিতা 67:1

ও গোজেন, তুই আমারে দোয়্যে আর আশিদ্‌বাদ গর্; তর্ দোয়্যে-মেয়্যেগান পহ্‌র ধোক্ক্যেন আমা উগুরে পোড়োক্;

গীতসংহিতা 76:1

যিহূদা-রেজ্যত্ বেক্কুনে গোজেনর কধা হবর্ পান; ইস্রায়েল-রেজ্যত্ তা নাঙান দাঙর্।

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

হবক্‌‌‌‌কূক 3:19

প্রভু লগেপ্রভুই মর্ বলান্; তে মঅ টেঙানি উরিঙি টেঙানি ধোক্ক্যেন গুরি দে আর মরে অজল্ অজল্ জাগাত্ যেবার খেমতা দে। গান পরিচালগত্তে। মঅ উগুম্ মজিম্ তারর্ বাজানা সমারে গাহ্ পুরিবো।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

২ করিন্হীয় 1:8

এশিয়া রেজ্যত্ আমি যে দুঘোত্ পোজ্জ্যেই, আমি চেই সিয়েন যেন তুমি কোই পারঅ। সিয়েনত্ সোজ্জ্যর্ বারেদি এমন্‌ চাপ্ আমা উগুরে পোজ্জ্যে, বাঁজিবার্ আজা আমি ছাড়ি দিয়্যেই।

১ শমূয়েল 17:37

দায়ূদে আরঅ কলঅ, “লগেপ্রভু, যিবে মরে সিংহ আর ভালুগো মুয়োত্তুন্‌ রোক্ষ্যে গোজ্যে, তেয়ই মরে সেই পলেষ্টীয়গুনোর আঢত্তুন্‌অ রোক্ষ্যে গুরিবো।” সেক্কে শৌল দায়ূদরে কলঅ, “সালে যাহ্, লগেপ্রভু তর্‌ লগে থোক্।”