গীতসংহিতা 39:7 - Chakma Bible

⁷ ও প্রভু, সালে মুই আর কি আজালোই থেম? মর্ বেক্ আজাগানি দঅ তইদু।

গীতসংহিতা 39:7 ပူးပေါင်းရင်းမြစ်များ

পত্থম 49:18

ও লগেপ্রভু, তুই উদ্ধোর্‌ গুরিবে মুই সিয়েন বাজ্জেই আগং।

ইয়োব 13:15

তে যুনি মরে মারেয়ো ফেলায় তো তা উগুরে মুই আজা রাগেম্‌; মুই হামাক্কাই তা মুজুঙোত্‌ মঅ পক্ষেদি কধা কোম্‌।

ইয়োব 14:2

তে ফুলো ধোক্ক্যেন্ ফুদি উদে সে পরেদি শুগেই যায়; তে ছাবা ধোক্ক্যেন্ আধি যায়, আর ন-থায়।

গীতসংহিতা 119:166

ও লগেপ্রভু, তুই মরে উদ্ধোর্ গুরিবে মুই সে আজায় আগং, আর তঅ উগুমানি পালাঙর্।

গীতসংহিতা 119:81

তুই মরে রোক্ক্যে গুরিবে সিয়েন বাজ্জেই থাগদে থাগদে মর্ বলান কুমি যার্; মুই তর্ কধানিত্ আজা রাগেয়োং।

গীতসংহিতা 38:15

ও লগেপ্রভু, মুই তইন্দি চেই আগং; ও প্রভু, মর্ গোজেন, মর্ জোব্‌‌পান তুয়ই দিবে;

গীতসংহিতা 49:11

তারা মনে গরন্দে তারার ঘর-বাড়ীগানি থিবেবর্ আঘে, তারার থেবার জাগায়ানি বংশর পর বংশ ধুরিনে থেবঅ, সেনত্তেই নিজোর নাঙে তারা সোম্বোত্তিগানির নাঙ্ দুয়োন।

উপদেশক 2:21

ইয়েনর্ কারনান্ অলঅ, জ্ঞান, বুদ্ধি আর যোগ্যতালোই একজনে কাম্ গুরি পারে, মাত্তর্ সে পরেদি তার্ বেক্কানি অধিকার্ ইজেবে এধোক্ক্যেন্ একজনত্তে থোই যাহ্ পুরিবো যে মানুচ্চো তাত্তে কনঅ কাম্ ন-গরে। ইয়েন্অ বাহ্‌জে আর অমকদ দুঘোর্ কধা।

উপদেশক 4:8

কনঅ এক্কো মানুচ্ এক্কুবারে গায় গায়-তার্ পুয়োও নেই, ভেইঅ নেই; তো তার্ কামর্ শেজ্ নেই আর ধন-সোম্বোত্তিলোই তা চোগ্ ন-ভরে। তে পুযোর্ গুরিলো, “কাত্তে মুই কাম্ গরঙর্? কিত্তে রঙ্গ-ফুত্তিত্তুন্ নিজোরে সোরেই রাগেয়োং?” ইয়েন্ বাহ্‌জে, অমকদ দুঘোর্ কধা।

লূকে লেখ্যে গম্ হবর্ 2:25

সেক্কে যিরূশালেমত্ শিমিয়োন নাঙে এক্কো ধার্মিক আর গোজেনভক্ত মানুচ্ এলঅ। গোজেনে কক্কে ইস্রায়েলীয়গুনো দুঃখানি দূর্ গুরিবো সেই সময়ানত্তে তে বাজ্জেই আঘে। পবিত্র আত্মা তা উগুরে এলঅ আর তাইধু ফগদাং গোজ্যেদে যে, মুরি যেবার্ আগেদি তে প্রভুর সেই মশীহরে দেগিবো।

রোমীয় 15:13

যিবে আজা দান গরে সেই গোজেনে তমা বিশ্বেজর্ মাধ্যমে অমকদ হুজিয়ে আর সুগে-শান্দিয়্যে তমারে ভর্‌পুনোং গোরোক্। সালে পবিত্র আত্মার্ খেমতালোই তমা মনানিত্ আজা পুড়েব।