গীতসংহিতা 38:4 - Chakma Bible

⁴ মর্ অন্যেয়ানি ভিদিরে মুই চোম্মোংগোই; সিয়েনি এমন্ গুয়োর ওইয়্যে যিয়েনি মুই বুয়োই ন-পারং।

গীতসংহিতা 38:4 ပူးပေါင်းရင်းမြစ်များ

ইষ্রা 9:6

ও মর্ গোজেন, তইন্দি মর্ মুয়োন তুলোদে ভারী লাজাঙর্, কিত্যে আমা পাপ্পানি আমা মাঢা উগুরে উঠ্যেগোই আর আমা ‍দুষ্‌‌চানি আগাজত্ লুম্মেগোই।

ইয়োব 33:19

মানুচ্ পীড়ের কারনে যন্ত্রণালোই শাজা পান; তা আরুনো ভিদিরে আমিঝা পীড়ে অয়।

গীতসংহিতা 107:17

যিগুনোর মনানি বাজে সিগুনে তারার উল্লোমিগানিত্তে আর অন্যেয়ত্তে দুঘ্ পেলাক্।

গীতসংহিতা 40:12

কিয়া ভালোক্কানি দযায় মরে ঘিরিনে ধোজ্যে; পাপে মঅ পিজেন্দি লড়ার্ মঅ উগুরে লুম্মেগি। মুই ন-দেগঙর্; সিয়নি মর্ চুলানিত্তুন্‌অ বেশ্; সাহস কদে মর্ আর্ কিচ্ছু নেই।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

আবিলেচ্ 1:14

মর্ বেক পাপ্‌‌‌পানি তে জুঙোল ধোক্ক্যেন বান্যে: তে আঢ্‌তোই সিয়েনি একসমারে বুন্যে। সিয়েনি মঅ গত্তনাবো উগুরে দিয়্যে ওইয়্যে; লগেপ্রভু মঅ খেমতাগানরে বল্‌পোজ্যে গোজ্যে। যিগুনোরে মুই মানা গুরি ন-পারং তারা আঢত্ তে মরে তুলি দিয়্যে।

লেবীয় 7:18

যুনি সে য়েরাগান্‌ তিন দিনেয়ো হা অয়্‌ ছালে লগেপ্রভু সে উৎসর্ববো মানি ন-লবঅ। উৎসর্ব গুরিয়্যেবোর্‌ পক্ষে সিবে ধরা ন-অবঅ, কিত্তে সেই য়েরাগান্‌ সেক্কে এক্কান্‌ ফি-বলা জিনিস ওই যেবঅ। যে সেই য়েরাগান্‌ হেবঅ তারে সে অন্যেয়ত্তে দায়ী গরা অবঅ।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।