গীতসংহিতা 38:20 - Chakma Bible

²⁰ মুই তারারে যে মংগল গরং সিয়েনর বদলে তারা মরে অমংগল গরন্; মুই যেক্কেনে গমানরে তগাং সেক্কেনে তারা মঅ বিরুদ্ধে থিয়েন্।

গীতসংহিতা 38:20 ပူးပေါင်းရင်းမြစ်များ

গীতসংহিতা 142:7

জেলোত্ থাইদ্যে ধোক্ক্যেন্ এ অবস্থাত্তুন্ তুই মরে উদ্ধোর গর্, যেনে মুই তরে বাঈনী গুরি পারং। গোজেনভক্ত মানুচ্চুনে হুজিয়ে মরে ঘিরি থেবাক্, কিত্তে তুই মরে ভালেদি গুরিবে।

গীতসংহিতা 25:19

রিনি চাহ্, মর্ শত্রু কুদুক্কুন; তারা মরে কি জদবদে ঘিনান্।

গীতসংহিতা 35:12

ভালেদির বদলে তারা মর্ অমংগল গোজ্যন্; হায়, কি দুর্ভাগ্যত্তে মুই!

গীতসংহিতা 35:19

মিজে মিজে গুরি যিগুনে মর্ শত্রু ওইয়োন তুই মরে তারার্ তামাজা গরেদে ধোক্ক্যেন্ অবাত্তে ন-দিচ্; এনেবাদে যিগুনে মরে ঘিনেন্ মর্ বিরুদ্ধে তারা চোখকুন্ চিবেচিবি গুরিবাত্তে ন-দিচ্।

গীতসংহিতা 7:4

যুনি মঅ সমাজ্যেগুনো উগুরে অন্যেয় গুরি থাং, যে এনেবাদে মর্ শত্রু ওইনে উঠ্যন্ মাত্তর্ মুই তারেয়ো উদ্ধোর্ গোজ্যং-

যিরমিয় 18:20

ভালেদির হেনা সুজোনা কি ভান্ন্যেইলোই অবঅ? মাত্তর্ তারা দঅ মত্তে গাদ্ খুজ্যন্। ইদোত্ তুলি চাহ্, তঅ রাগ্‌কান যেনে তারা উগুরেত্তুন ফিরি যায় সেনত্তে মুই তঅ মুজুঙোত্ থিয়্যেইনে তারার তপ্পে ওইনে কধা কঙর্। ‌‌‍‍‍

মথি লেখ্যে গম্ হবর্ 5:10

গোজেনর্ আওজ্ মজিম চলিবাত্তে যেইনে যিগুনে অত্যেচার্ সোজ্য গরন্ তারা বর্‍‍‍পেইয়্যে, কিয়া স্বর্গ-রেজ্যগান্ তারার্।

যোহন 10:32

যীশু তারারে কলঅ, “বাব উগুম্ মজিম্ বোউত্ গম্ গম্ কাম মুই তমারে দেগেয়োং। সিয়েনিত্তুন্ কন্ কামানত্তে তুমি মরে পাত্তর্ মারিবাত্তে চঅ?”

১ পিতর 3:13

গম কাম গুরিবাত্যে যুনি তমার্ আওজ্‌ থায় সালে কন্না তমারে ক্ষতি গুরিবো?

১ যোহন 3:12

সেনত্যে মুই কঙর্, আমি যেন কয়িন ধোক্ক্যেন ন-ওই। কয়িনে শদানর্ মানুচ্‌ এলঅ আর তা ভেইবোরে তে খুন্ গোজ্জ্যে। কিত্ত্যেই তে তারে খুন্ গোজ্জ্যে? কিয়া তে ভান্ন্যেই কাম গত্ত আর তা ভেইবো ন্যায় কাম গুরিদো।

১ শমূয়েল 23:12

সেক্কে দায়ূদে আরঅ পুযোর্‌ গুরিলো, কিয়ীলার মানুচ্চুনে কি মরে আর মর্‌ মানুচ্চুনোরে শৌলর আঢত্‌ তুলি দিবাক্? লগেপ্রভু কলঅ, “অয়, দিবাক্।”

১ শমূয়েল 23:5

দায়ূদে সেক্কে তা মানুচ্চুনোরে নেযেইনে কিয়ীলাদত্‌ গেলাক্ আর পলেষ্টীয়গুনোর লগে যুদ্ধো গুরিনে তারার গোরু -ভেড়া বেক্কুন আনিলাক্। তে পলেষ্টীয়গুনোর বোউত্‌ মান্‌জ্যরে মারে ফেলেইনে কিয়ীলার মানুচ্চুনোরে রোক্ষ্যে গুরিলো।

১ শমূয়েল 25:16

আমি যেদকদিন সং তারা ইদু ভেড়া চোড়েইয়্যেই সেদকদিন সং দিন রেত তারা আমার চেরোকিত্তে রোক্ষ্যে দেবাল ধোক্ক্যেন্‌ এলাক্।

১ শমূয়েল 25:21

ইয়েনর্ কানক্ষণ্ আগেন্দি দায়ূদে কোইয়্যেদে, “অনত্তক্‌ মুই এই মানুচ্চোর্‌ বেক্কানি সে ধূল্যেচর-চাগালাত্‌ চুগি দিইনে মোজ্যংগে যেনে তার কনঅ কিচ্ছু চুর্‌ ন-অয়। মুই তার্‌ গম্ গোজ্যং মাত্তর্‌ তে সিয়েনর্ বদলে মরে ভান্ন্যেই গোজ্যে।