গীতসংহিতা 38:12 - Chakma Bible

¹² মরে যিগুনে মারে ফেলেবাত্তে চান্ তারা মত্তে ফাল্ পাত্যন্; যিগুনে মরে ক্ষেতি গুরিবাত্তে চান তারা মরে ভস্ত অবার্ দর্ দেগান; পুরো দিন্নো তারা বানা মরে ঠোগেবার ফন্দি গরন্।

গীতসংহিতা 38:12 ပူးပေါင်းရင်းမြစ်များ

ইয়োব 19:13

তে মত্তুন্‌ মঅ ভেইয়ুনোরে ফারগ্‌ গুরি দিয়্যে; মরে চিন্যে মানুচ্চুনে ন-চিনেদে ধোক্ক্যেন্ বেবহার গরন্‌।

গীতসংহিতা 10:9

তে আন্দলত্তুন্ সিংহ ধোক্ক্যেন্ গুরি হাফ্ দি থায়; দুঘি মানুচ্চোরে ধুরিবাত্তে তে সিয়েন গরে, জালত্ ফেলেইনে তে তারে ধরে।

গীতসংহিতা 119:110

পাজিগুনে মত্তে ফাল্ পাত্ত্যন্, মাত্তর্ মুই তর্ সুদোমানিত্তুন্ সুরি ন-যাং।

গীতসংহিতা 140:5

বাড়্‌বো গুরিয়্যে মানুচ্চুন্ মত্তে ফাল্ আর দুড়ি ঠিগ্ গুরি রাগেয়ো; তারা পধ কুরে তারার্ জালানি বিজেই রাগেয়োন্ আর মত্তে ফাল্ পাত্যন্।

গীতসংহিতা 141:9

তারা মত্তে যে জালান্ পাত্যন্ সিয়েনত্তুন মরে রোক্ক্যে গর; অন্যেইগুরিয়্যেগুনোর্ পাদি রাগেয়্যে ফালত্তুন্ মরে রোক্ক্যে গর্।

গীতসংহিতা 31:12

মরা মান্‌জ্যরে মান্‌জ্যে যেধোক্ক্যেন্ ভুলি যান্ সেধোক্ক্যেন্ গুরি তারা মরে ভুলি যেইয়োন্; মুই যেন এক্কো ভাঙা পিলে ধোক্ক্যেন্।

গীতসংহিতা 35:20

তারার্ কধানি গমত্তে নয়; দেজত্ যিগুনে সুগ্-শান্দিত্তে বজত্তি গত্তন্ তারা বিরুদ্ধে তারা ছলনালোই ভোজ্যে কুজুরোমি গরন্।

গীতসংহিতা 35:4

যিগুনে মরে মারে ফেলেবাত্তে চাদন্ তারা লাজত্ আর অসর্মানত্ পোড়োদোক্; যিগুনে মর্ সর্বনাশর কুজুরোমি গত্তন্ তারা অগমান্ ওইনে ফিরি যাদন্।

গীতসংহিতা 41:5

মর্ শত্রুগুনে মর্ অমংগল চেইনে কন্, “তে কক্কে মুরিবো? কক্কে তা নাঙান্ বাদ যেবঅ?”

গীতসংহিতা 54:3

অন্যজাদর্ মানুচ্চুনে মর্ বিরুদ্ধে লাক্যন্; অত্যেচারিগুনে মর্ পরাণান্ নিবাত্তে চেট্ট্যা গোজ্যন্; গোজেন উগুরে এ মানুচ্চুনোর কনঅ ভোক্তি নেই।

গীতসংহিতা 69:9

তঅ ঘরানত্তে মর্ যে গভিন কোচ্‌পানা, সেই কোচ্‌পানাগানে মঅ মনানরে জ্বালেয়্যে। যিগুনে তরে অগমান গরন্ তারার বেক্ অগমানানি মঅ উগুরে পোজ্যে।

গীতসংহিতা 88:9

দুঘে মঅ চোগ্‌কুন ফেজেরা ওই যেয়োন্। ও লগেপ্রভু, পত্তিদিন মুই তরে ডাগং; মুই তইদু মঅ আঢ্‌তান বাবেই দুয়োং।

গম্ উপদেজ্ 19:7

নাঢা মান্‌জ্যরে তা কুদুম্মোগুনে বেক্কুনে যেক্কে চোগেদি ন-দেগন্ সেক্কেনে ইয়েন ঘেচ্চেক্‌গুরি তা সমাজ্যেগুনে তাত্তুন্ দূরোত্ থেবাক্; তা কোজোলীলোই তারা কান ন-পাদিবাক্।