গীতসংহিতা 38:11 - Chakma Bible

¹¹ মর্ এ অবস্থাগান দেগিনে সমাজ্যেগুনে মত্তুন্ দূরোত্ দূরোত্ থান্, এন্ কি, মর্ গেদি-গুট্টিগুনে দূরোত্ সুরি থান্।

গীতসংহিতা 38:11 ပူးပေါင်းရင်းမြစ်များ

গীতসংহিতা 22:16

মর্ চেরোকিত্তে একদল শদান্ মানুচ্ কুগুরো ধোক্ক্যেন্ মরে ঘিরি ধোজ্যন্; তারা মঅ আঢ্‌‌তানি আর টেঙানিত্ কামেড়েয়োন।

গীতসংহিতা 31:11

শত্রুগুনে মরে চোগোশাল্ ইজেবে দেগদন্, মর্ সমাজ্যেগুনো ইদু সিয়েনি গোজ্যন্। চিনে পরিচয় মানুচ্চুনো ইদু মুই এক্কো দর্‍গরেপারা; মানুচ্চুনে মরে পদথ্ দেগিলে ধেই যান্।

গীতসংহিতা 88:18

মঅ সমাজ্যে যিগুন, কোচ্‌পেইয়্যে যিগুন, তারারে তুই মত্তুন্ নেযেয়োচ্; ইক্কিনে আন্ধারানই মর্ সমাজ্যে।

যিশাইয় 53:4

ঘেচ্চেকগুরি, তেয়ই আমার বেক পিড়েগানি তুলি নেযেয়্যে আর আমা যন্ত্রনাগান বুয়োই নেযেয়্যে; মাত্তর্ আমি মনে গোজ্যেই গোজেনে তারে আঘাত্ গোজ্যে, তারে মাজ্যে আর দুঘ্ দিয়্যে।

যিশাইয় 53:8

অত্যেচার আর অন্যেয় বিচের্ গুরি তারে মারে ফেলা ওইয়্যে। সেই সময়োত্ মানুচ্চুনো ভিদিরে কন্না খিয়েল্ গোজ্যে যে, মঅ মানুচ্চুনোর্ পাপত্তে তারে জেদা মানুচ্চুনোর দেজত্তুন্ শেজ্ গুরি ফেলা ওইয়্যে? সেই সাজাগান দঅ তারাত্তুন্ পাওনা এলঅ।

মথি লেখ্যে গম্ হবর্ 26:56

মাত্তর্ ইয়েনি বেক্কানি ঘুদিলো যেন পবিত্র বোইবোত্ ভাববাদীগুনে যিয়েনি লেখ্যন্ সিয়েনি পূরোণ্ অয়।” শিচ্চ্যগুনে বেক্কুনে সেক্কে যীশুরে ফেলেইনে ধেই গেলাক্।

লূকে লেখ্যে গম্ হবর্ 22:54

সেক্কে তারা যীশুরে ধুরিনে আঝল্ ধর্মগুরুবো ঘরত্ নেযেলাক্। পিতরে দূরোত্তুন্ পিজে পিজে যার্।

লূকে লেখ্যে গম্ হবর্ 23:49

যিগুনে যীশুরে চিনিদাক্ আর যে মিলেগুনে গালীলত্তুন্ ধুরি তা সমারে সমারে এচ্চ্যন্ তারা বেক্কুনে দূরোত্ থিয়্যেইনে বেক্কানি দেক্ক্যন্।

যোহন 16:32

চঅ, সেই সময়ান্ এজের্, এন্‌ কি লুম্মেগি, যেক্কে তুমি দল-নেইয়্যে ওইনে মরে গায় গায় ফেলেইনে যে যার্ জাগাত্ যেবাগোই। তো মুই গায় গায় নয়, কিয়া বাবা মঅ সমারে সমারে আঘে।