গীতসংহিতা 38:1 - Chakma Bible

¹ ও লগেপ্রভু, রাগে তুই মরে গেইল্ ন-দিচ্, বা বেজার্ ওইনে মরে শাজন্ ন-গুরিচ্;

গীতসংহিতা 38:1 ပူးပေါင်းရင်းမြစ်များ

গীতসংহিতা 6:1

ও লগেপ্রভু, রাগ্ গুরিনে তুই মরে গেইল্ ন-দিচ্; বেজার্ ওইনে মরে শাজন্ ন-গুরিচ্।

গীতসংহিতা 70:1

ও গোজেন, মরে বাঁজা; ও লগেপ্রভু, মরে বল্ দিবাত্যে যাদি আয়।

গীতসংহিতা 88:7

তঅ রাগ্‌কান মঅ উগুরে অমকদ আঘে; তর্ বেগ রাগর টেলায় তুই মরে ভাজে নেযর্।

যিশাইয় 27:8

তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে।

যিশাইয় 54:8

রাগে কানক্কনত্তে তত্তুন্ মুই মুয়োন ফিরেয়োং, মাত্তর্ উমর কোচ্‌পানালোই মুই তঅ উগুরে মেয়্যে গুরিম। মুই তর্ উদ্ধোর গুরিয়্যে লগেপ্রভু এ কধাগান কঙর্। ‍

যিরমিয় 10:24

ও লগেপ্রভু, বানা ন্যায়বিচেরলোই তুই মরে সংশোধন গর্, মাত্তর্ তর্ রাগে সিয়েন ন-গুরিচ্, গুরিলে তুই মরে এক্কুবারে শূন্য গুরি দিবে।

যিরমিয় 30:11

মুই তঅ সমারে সমারে আগং আর মুই তরে উদ্ধোর গুরিম। যিদুক্কুন জাদ ভিদিরে মুই তমারে ছিদি রাগেয়োং মুই তারারে পুরোপুরি গুরিনে ভস্ত গুরিম, মাত্তর্ তমারে মুই পুরোপুরি গুরিনে ভস্ত ন-গুরিম। তো এক্কুবারে সাজা ন-দিলেয়ো মুই তমারে ন-ছাড়িম, মাত্তর্ ন্যায়বিচেরলোই মুই তমারে শাজন্ গুরিম।”

হবক্‌‌‌‌কূক 3:2

ও লগেপ্রভু, মুই তঅ কাম কধা শুনিনে দোরেলুং। ও লগেপ্রভু, আমা সময়োত্ সিয়েনি তুই আরঅ গর্; আমা সময়োত্ তুই সিয়েনি দেগা। রাগর্ সময়োত্ তুই মেয়্যে গুরিবার কধা ভুলি ন-যেচ্।

দ্বি’লম্বর বিররণ 9:19

লগেপ্রভুুর্ অমকদ বেজার্ অনাগান মুই দোরেয়োং, কিত্যে তমারে ভস্ত গুরি ফেলাইদে ধোক্ক্যেন তার্‌ রাগ ওইয়্যে। মাত্তর্‌ এবেরায়ো লগেপ্রভু মঅ কধানি শুন্যে।