গীতসংহিতা 37:9 - Chakma Bible

⁹ পাজি মানুচ্চুনোরে ভস্ত গরা অবঅ, মাত্তর্ লগেপ্রভু উগুরে যিগুনে আজা রাগান্ তারা দেজর্ ভাগ্ পান।

গীতসংহিতা 37:9 ပူးပေါင်းရင်းမြစ်များ

গীতসংহিতা 25:13

তে ভালেদির ভিদিরে তা জিংকানিগান্ কাদেব, আর তা বংশধরুনে দেজর্ গিরোজ্ অবাক্।

গীতসংহিতা 37:29

গোজেন ভক্ত মানুচ্চুনে দেজর্ ভাগ পেবাক্ আর সিদু জিংকানিবর্ বজত্তি গুরিবাক্।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গম্ উপদেজ্ 2:21

গম্ মানুচ্চুনে দেজত্ বজত্তি গুরি পারিবাক্, নিদ্দুযি মানুচ্চুনে সিগুনো ভিদিরে টিগি থেবাক্;

যিশাইয় 57:13

সাহায্যত্তে যেক্কে তুই কানিবে সেক্কে তর্ তুবেয়্যে মুত্তিগুনে তরে রোক্ষ্যে গোরোদোক্। বোইয়্যেরানে তারারে বেক্কুনোরে বুয়োই নেযেব; চিগোন এক্কো নিযেজে তারারে উড়েই নেযেব। মাত্তর্ যে মানুচ্চো মঅ আশ্রয় নেযায় তে দেজর্ আর মঅ সুদ্ধো-সাংগ মুড়োবোর অধিকার পেবঅ।”

যিশাইয় 58:14

সালে মরে নিইনে তুমি হুজিয়ে থেবা আর মুই পিত্‌থিমীর বেক্ অজল্ জাগানির অধিকারান্ তমারে দিম। ইয়েনি বাদেয়ো মুই তমা বাব্‌পো যাকোবর অধিকারান্ তমারে ভোগ গুরিবাত্তে দিম্। মুই লগেপ্রভু এ কধাগান কঙর্।‍‌‌‍‌‌”

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

গণাণা 26:65

এই ইস্রায়েলীয়গুনোর্‌ পৌইদ্যেনে লগেপ্রভু কোইয়েদে, তারা হামাক্কায়্‌ ধূল্যেচর-চাগালাত্‌ মারা যেবাক্। আর হামাক্কায় তারা ভিদিরে যিফূন্নির পূঅ কালেব আর নূনোর পূঅ যিহোশূয় বাদে আর কনজনে বাঁজি ন-এলাক্।

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

যিহোশূয় 14:9

সেনত্তে মোশি সেদিন্যে মইদু শমক্‌ খেইনে কোইয়্যেদে, তুই যে জাগায়ান্‌ ঘুরিনে চেই এচ্চ্যস্‌ সিয়েন্‌ উমরত্তে তর্‌ আর তর্‌ বংশধরুনোর্‌ সোম্বোত্তি ওই থেবঅ‌, কিত্যে তুই মর্‌ গোজেন লগেপ্রভুর কধানি পুরোপুরিই মানি চোল্যচ্‌।

ফগদাং পেইয়্যে 5:10

তুই তারারে লোইনে এক্কান রেজ্য বানেয়োচ্ আর আমা গোজেনরে সেবা গুরিবাত্যে ধর্মগুরু বানেয়োচ্। পিত্‌‌থিমীত্ তারা রাজাগিরি গুরিবাক্।”