গীতসংহিতা 37:5 - Chakma Bible

⁵ তর্ জিংকানি-চলিবার ভারান্ লগেপ্রভু উগুরে ফেলেই দে; তা উগুরে বিশ্বেজ্ গর্, তেয়ই বেক্কানি গুরিবো।

গীতসংহিতা 37:5 ပူးပေါင်းရင်းမြစ်များ

পত্থম 24:12

সে চাগরবো ইয়েন্‌ কোইনে তবনা গুরিলো, “ও লগেপ্রভু, মঅ গিরোজ্‌ অব্রাহামর গোজেন, এচ্চ্যে ইয়েনর বেক্কানি তুই তঅ আদত্‌ নেযা আর মর্‌ গিরোজ্‌ অব্রাহামরে দিয়্যে তঅ কধাগান রাগা।

ইয়োব 22:28

তুই যিয়েন্‌ মনত্‌ ঠিগ্‌ গুরিবে সিয়েন্‌ তত্তেই গরা অবঅ, আর তঅ পথ্‌তান উগুরে পহ্‌র্‌ পুরিবো।

গীতসংহিতা 22:8

তে দঅ লগেপ্রভু উগুরে বিশ্বেজ্ গরে, সালে তেয়ই তারে রোক্ষ্যে গোরোক্; তেয়ই তারে উদ্ধোর্ গুরিবো, কিত্যে তা উগুরে তে হুজি।

গীতসংহিতা 55:22

তর্ বেক্ কামানি তুই লগেপ্রভুর উগুরে ফেলেই দে, তেয়ই তর্ বেবস্থা গুরিবো; তা ভক্তগুনোরে তে কনদিন্‌অ তলে পরিবাত্তে ন দিবো।

গম্ উপদেজ্ 16:3

তুই যিয়েনি গুরিদে সাৎ সিয়েনির ভারান্ লগেপ্রভু উগুরে ছাড়ি দে; সেক্কে তঅ সল্লাগান ফলিবো।

উপদেশক 9:1

সেনত্তে মুই ইয়েনি পৌইদ্যেনে চিদে গুরিলুং আর দেগিলুং, গম্ আর জ্ঞানী মানুচ্চুনে আর তারার্ কামানি বেক্কানি গোজেন আঢত্। কনজনে হবর্ ন-পান্ তাত্তে কি বাজ্জেই আঘে-কোচ্‌পানা না ঘিনেনা।

আবিলেচ্ 3:37

যুনি লগেপ্রভু উগুম ন-দে সালে কন্না মুয়োদি কোইনে কিজু ঘোদেই পারে?

মথি লেখ্যে গম্ হবর্ 6:25

ইয়েনত্তে মুই তমারে কঙর্, কি হেবা বিলি বাঁজি থানা পৌইদ্যেনে বা কি উরিবে বিলি কিয়্যেগান পৌইদ্যেনে চিন্তে ন-গোজ্য। পরাণান্ বানা হানা-দানা বেপার নয়, আর কিয়্যেগান বানা কাবড়-চুগোড়র্ বেপার নয়।

লূকে লেখ্যে গম্ হবর্ 12:22

ইয়েন পরেদি যীশু তা শিচ্চ্যগুনোরে কলঅ, ইয়েনত্যে মুই তমারে কঙর্, কি হেবা বিলি বাঁজি থানা পৌইদ্যেনে বা কি উরিবা বিলি কিয়্যেগান পৌইদ্যেনে চিদে ন-গোজ্য।

যাকোব 4:15

তাত্তুন্ বরং তমার এ কধাগান্ কনা উজিত্, “প্রভু যুনি আওজ্ গরে সালে আমি বাঁজি থেবং আর ইয়েন বা উবোন্ গুরিবোং।”

১ পিতর 5:7

তমার বেক্‌ চিন্তে-ভাবনার ভারান্ তা উগুরে ফেলেই দুয়ো, কিয়া তে তমা পৌইদ্যেনে চিন্তে গরে।

১ শমূয়েল 12:4

মানুচ্চুনে কলাক্, “না, তুই আমার কারঅ উগুরে অত্যেচার ন-গরচ্‌, কারঅ উগুরে ভান্ন্যেই বেবহার ন-গরচ্‌ আর কারত্তুন্‌ কিচ্ছু ন-নেযাচ্‌।”