গীতসংহিতা 37:34 - Chakma Bible

³⁴ লগেপ্রভু উগুরে আজা রাগা, তা পধেন্দি আঢিচ্; তে তরে দাঙর্ গুরিবো যেনে তুই দেজর্ ভাগ্ পাজ্। পাজিগুনে ভস্ত অলে তুই সিয়েন দেগিবে।

গীতসংহিতা 37:34 ပူးပေါင်းရင်းမြစ်များ

ইয়োব 17:9

মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

গীতসংহিতা 112:8

তা মনান্ গমেডালে থির্ বিলিনে তে ন-দরায়; যেরেন্দি তে তার শত্রুগুনোরে ওদেই দিবো।

গীতসংহিতা 112:9

তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

গীতসংহিতা 25:13

তে ভালেদির ভিদিরে তা জিংকানিগান্ কাদেব, আর তা বংশধরুনে দেজর্ গিরোজ্ অবাক্।

গীতসংহিতা 27:14

তুমি লগেপ্রভুর উগুরে আজা রাগেয়ো; মনবল্ আন আর বুগোত্ সাহস বান আর লগেপ্রভু উগুরে আজা রাগ।

গীতসংহিতা 37:3

লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

গীতসংহিতা 37:7

লগেপ্রভুর মুজুঙোত্ শান্ত অ; ধৈর্য্য ধুরিনে তাত্তেই বাজ্জেই থাগঅ। নিজোর্ কামানি ফোলেবাত্তে যে মানুচ্চো তার্ পাজি সল্লাগান কামত্ লাগায়, সিয়েনত্তে তুই মনান্ যাগুলুগ্ ন-গুরিচ্।

গীতসংহিতা 37:9

পাজি মানুচ্চুনোরে ভস্ত গরা অবঅ, মাত্তর্ লগেপ্রভু উগুরে যিগুনে আজা রাগান্ তারা দেজর্ ভাগ্ পান।

গীতসংহিতা 91:8

পাজি মানুচ্চুনে কেজান্ পাওনা পান তুই বানা সিয়েন চোগেন্দি দেগিবে।

গীতসংহিতা 92:12

গোজেন ভক্তগুনে খাজোর গাজ ধোক্ক্যেন্ ফুলে-গুলোগুলিয়ে ভুরি উদিবাক্; তে লেবাননর্ এরস গাজ ধোক্ক্যেন দাঙর্ অবাক্।

গম্ উপদেজ্ 16:17

ভান্ন্যেয়ত্তুন্ সুরি যানাগান অলঅ গম্ মান্‌‌জ্যর জিংকানির পথ; যে মানুচ্চো তা জিংকানির পধ ইন্দি খিয়েল রাগায় তে তা পরাণান্ রোক্ষ্যে গরে।

গম্ উপদেজ্ 20:22

তুই ন-কোজ্, “এ অন্যেয়ানর হেনা শুজিম্।” লগেপ্রভুত্তে বাজ্জেই থাগ্, তে সেই দজানত্তুন্ তরে রোক্ষ্যে গুরিবো।

গম্ উপদেজ্ 29:16

পাজি মানুচ্চুন্ বাড়িলে পাপ বেজ্ অয়, মাত্তর্ গোজন ভক্ত মান্‌‌জ্যে তারার ভস্তগান দেগন্।

যিশাইয় 57:13

সাহায্যত্তে যেক্কে তুই কানিবে সেক্কে তর্ তুবেয়্যে মুত্তিগুনে তরে রোক্ষ্যে গোরোদোক্। বোইয়্যেরানে তারারে বেক্কুনোরে বুয়োই নেযেব; চিগোন এক্কো নিযেজে তারারে উড়েই নেযেব। মাত্তর্ যে মানুচ্চো মঅ আশ্রয় নেযায় তে দেজর্ আর মঅ সুদ্ধো-সাংগ মুড়োবোর অধিকার পেবঅ।”

মথি লেখ্যে গম্ হবর্ 24:13

মাত্তর্ যে থুম্ সং থির্ থেবঅ তে উদ্ধোর্ পেবঅ।

লূকে লেখ্যে গম্ হবর্ 14:11

যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ পিতর 5:6

সেনত্যে গোজেন খেমতার্ মুজুঙোত্ নিজোরে তলে গরঅ, যেন ঠিগ্ সময়োত্ তমারে অজল্ গরে।