গীতসংহিতা 37:30 - Chakma Bible

³⁰ গোজেন ভক্তগুনোর্ মুয়োনিয়ে জ্ঞানর কধা ফগদাং গরে; তারার্ জিলানিয়ে ন্যায়বিচেরর্ কধা কয়।

গীতসংহিতা 37:30 ပူးပေါင်းရင်းမြစ်များ

কলসীয় 4:6

তমার্ কধাবাত্তানি নিত্য মধু আর নুন্-দিয়্যে হানা ধোক্ক্যেন যগাজ্জ্যে ওক্, যেন কারে কেধোক্ক্যেন গুরি জোব্ দিবা সিয়েন তুমি বুঝি পারঅ।

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

গম্ উপদেজ্ 15:7

জ্ঞানীগুনোর্ মুয়োনিয়ে জ্ঞান ছিদি দে, মাত্তর্ জ্ঞাননেইয়্যেগুনোর মনানি সিয়েনি ন-গরে।

মথি লেখ্যে গম্ হবর্ 12:35

গম্ মানুচ্ তা মনত্তুন্ গম্ কধা নিগিলেই, আর বজং মানুচ্ তা মনত্তুন্ ভান্ন্যেই কধা নিগিলেই।

গম্ উপদেজ্ 10:21

গোজেন ভক্তগুনোর্ মুয়োনিয়ে ভালোক্ জনরে পালায়, মাত্তর্ বুদ্ধির অভাবে বাজে মানুচ্চুনে মুরি যান্।

গম্ উপদেজ্ 10:31

গোজেন ভক্তগুনোর্ মুয়োনিত্তুন্ জ্ঞান কধা নিগিলি এজে, মাত্তর্ যে জিলানে বেঙা বেঙা কধা কয় সিয়েন কাবি ফেলা অবঅ।

গীতসংহিতা 71:15

তর্ ন্যায় কাম আর তর্ উদ্ধোর কামর কধানি দিনভর্ মঅ মুয়োন্দি থেবঅ, কিত্তেই সিয়েনি কোই কোই থুম্ গরা ন-যায়।

গম্ উপদেজ্ 27:9

তুম্বাজ্ তেল আর আগর্‌বাট্টি্‌‌বো মনানরে হুজি রাগায়; ঠিগ্ সেধোক্ক্যেন সমাজ্যের্ দিয়্যে উবদেজ্ সমাজ্যে ইদু মিদে লাগে।

গীতসংহিতা 71:24

মর্ মুয়োনে সারা দিন্নো তর্ ন্যায় কামর কধানি কবঅ, কিত্তেই যিগুনে মরে দযাত্ ফেলেবার চেট্টাদ্ আগন তারা লাজত্ পোজ্যন আর অগমান ওইয়োন্।

গম্ উপদেজ্ 10:20

গোজেন ভক্তগুনোর্ জিলানি আজল্ রূবো ধোক্ক্যেন, মাত্তর্ পাজিগুনোর মনানি দাম কম।