গীতসংহিতা 37:3 - Chakma Bible

³ লগেপ্রভু উগুরে বিশ্বেজ্ রাগা আর গম্ কাম গর্ নিজো দেজত্ বজত্তি গর্, বিশ্বেজ্ গুরিনে জিংকানি কাঢা।

গীতসংহিতা 37:3 ပူးပေါင်းရင်းမြစ်များ

পত্থম 26:2

সেক্কে লগেপ্রভু ইস্‌হাকরে দেগা দিইনে কলঅ, “তুই মিসরত্ ন-যেচ্‌। মুই তরে যে দেজচান কধা কোম্‌ সে দেজত্ থেচ্‌।

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

১ রাজাবলী 19:6

তে চেইনে দেগিলোদে তা মাদাবো কায় গরম পাত্তর্‌লোই সেক্ক্যে এক্কান্‌ রুটি আর এক পিলে পানি আঘে। সিয়েন্‌ হেইনে তে আরঅ ঘুমোত্‌ পড়িলো।

গীতসংহিতা 26:1

ও লগেপ্রভু, মুই যে ন্যায়র পধেদি আগং সিয়েন তুই দেগেই দে, কিত্যে মুই গমেডালে চলং; মুই থির্ গুরিনে লগেপ্রভু উগুরে বিশ্বেজ্ গরং।

গীতসংহিতা 33:19

যেনে মরণত্তুন্ তে তারারে রোক্ষ্যে গুরি পারন্ আর ভাদ রাদত্ বাঁজেই রাগে পারে।

গীতসংহিতা 4:5

যগাজ্যে মনভাব্‌পোই তুমি উৎসর্বর অনুষ্ঠানানি গরঅ, আর লগেপ্রভু উগুরে নির্ভর গরঅ।

গীতসংহিতা 62:8

ও মর্ মানুচ্চুন, গোজেনে আমা আশ্রয়; তুমি নিত্য তা উগুরে নির্ভর গর, তাইদু তমার মনান্ ঢালি দুয়ো।

গম্ উপদেজ্ 3:5

তর্ বেক মনান্ দিইনে লগেপ্রভু উগুরে নির্ভর গর্; তর্ নিজো বিচের বুদ্ধি উগুরে ভরসা ন-গুরিচ্।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

লূকে লেখ্যে গম্ হবর্ 22:35

সে পরেদি যীশু তা শিচ্চ্যগুনোরে কলঅ, “মুই যেক্কে তমারে টেঙার্ থোইল্ল্যা, ঝলা আর জদা ছাড়া দিপাধেয়োং সেক্কে কি তমার্ কনঅ অভাব ওইয়্যে?” শিচ্চ্যগুনে কলাক্, “না, ন-অয়।”

১ শমূয়েল 26:19

মর্‌ মহারাজ, মর্‌ প্রভু, ইক্কিনে দোয়্যে গুরিনে তর্‌ চাগরবোর্‌ কধানি শুন্‌। যুনি লগেপ্রভুই তরে মর্‌ বিরুদ্ধে থিয়্যেই রাগায় সালে মর্‌ গোজ্যে উৎসর্ব তাইদু গুঝি নেযাইদে ধোক্ক্যেন্‌ ওক্। মাত্তর্‌ যুনি মান্‌জ্যে সিয়েন্‌ গুরি থান্‌ সালে তারা উগুরে যেনে লগেপ্রভুর অভিশাব লামি এজে, কিত্যে তারা এচ্চ্যে লগেপ্রভুর দিয়্যে সোম্বোত্তিত্‌ মর্‌ যে ভাক্‌কো আঘে সিয়োত্তুন্‌ মরে ধাবেই দিবার্‌ চেট্ট্যা গত্তন্‌। তারা কদন্দে, ‘আদি যঅ, দেব-দেবেদার পূজো যেইনে গরঅ।’