গীতসংহিতা 37:18 - Chakma Bible

¹⁸ নিদ্দুযি মানুচ্চুনোর পত্তিদিনোর জিংকানিগানি লগেপ্রভু হবর্ পায়; তারার্ পাইদে সোম্বোত্তিগানি উমরত্তে থেবঅ।

গীতসংহিতা 37:18 ပူးပေါင်းရင်းမြစ်များ

গীতসংহিতা 1:6

কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

গীতসংহিতা 16:11

জিংকানির পথ্‌তান্ তুই মরে জানেয়োচ্; তইদু থানা মানে পুরোপুরি হুজিয়ে থানা আর তর্ ডেনেদি রোইয়্যেদে উমরর্ সুখ।

গীতসংহিতা 21:4

তে তইদু জিংকানি চেইয়্যে, আর তুই তারে সিয়েন দুয়োচ্; তুই তারে বোউত্ আয়ু দুয়োচ্।

গীতসংহিতা 31:15

তঅ আঢত্ দঅ মর্ জিংকানিগানর বেক্কানি; যিগুনে মরে লোড়েই এজদন্ সেই শত্রুগুনো আঢত্তুন্ তুই মরে বাঁজা।

গীতসংহিতা 31:7

তর্ গভিন্ কোচ্‌পানা পেইয়োং বিলিনে মুই ফুত্তি গুরিম, হুজি ওম; কিত্যে তুই দঅ মর্ দুখ্‌কানি দেখ্যচ্, আর মর্ দুঘোর্ কধানি হবর্ পাজ্।

গীতসংহিতা 37:13

প্রভু হবর্ পায় পাজিগুনোর্ শেজর্ দিনুন্ ঘোনেই এজের্, সেনত্তে তারারে দেগিনে তে আযে।

গীতসংহিতা 49:5

যিগুনে ধন-সোম্বোত্তি উগুরে নির্ভর গরন্ আর বোউত্ ধনর বার্‌বো গরন্, ভাদ রাদত্ সে শত্রুগুনোর অন্যেয়ানিয়ে যেক্কেনে মরে ঘিরিবো, সেক্কেনে মুই কিত্তেই দোরেম্?

গীতসংহিতা 73:24

তর্ উগুম্মোই তুই মরে চালেবে, আর যেরেন্দি তর্ মহিমালোই মরে মানি লবে।

গম্ উপদেজ্ 2:21

গম্ মানুচ্চুনে দেজত্ বজত্তি গুরি পারিবাক্, নিদ্দুযি মানুচ্চুনে সিগুনো ভিদিরে টিগি থেবাক্;

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

মথি লেখ্যে গম্ হবর্ 6:32

সিয়েনি বাদেয়ো তমা স্বর্গর্ বাপ্পো দঅ হবর্ পায়, এই বেক্ জিনিস্‌চানি তমার্ দরকার আঘে।

রোমীয় 5:21

সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

দ্বি’লম্বর বিররণ 33:25

লুয়ো আর পিদোল ডাল্লোই তার কায়কুরে দোরান্‌ বান্যে থেবঅ। যেদকদিন তে বাঁজি থেবঅ সেদকদিন তার কিয়্যেত বল্‌ থেবঅ।”

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

১ যোহন 2:25

ইয়েনই অলঅ উমর্‌‍অ জিংকানি, যিয়েন খ্রীষ্ট আমারে দিবার এগেম্ গোজ্জ্যে।