গীতসংহিতা 37:11 - Chakma Bible

¹¹ মাত্তর্ নম্র মানুচ্চুনে দেজর্ ভাগ্ পেবাক্; বোউত্ বর্ পেইনে তারা হুজিয়ে নাজি উদিবাক্।

গীতসংহিতা 37:11 ပူးပေါင်းရင်းမြစ်များ

গীতসংহিতা 119:165

যিগুনে তর্ উগুমানি গম্ পান তারা অমকদ সুগ-শান্দি পান্; কনঅ কিজুত্ তারা উজুদো ন-হান্।

গীতসংহিতা 25:13

তে ভালেদির ভিদিরে তা জিংকানিগান্ কাদেব, আর তা বংশধরুনে দেজর্ গিরোজ্ অবাক্।

গীতসংহিতা 36:8

তর্ ঘরর্ নানান্ বাবোত্যে হানা হেইনে তারার্ ঈল্ অয়; তর্ হুজির্-গাঙ পানিগান তুই তারারে হেবাত্তে দে।

গীতসংহিতা 72:7

তা আমলত্ গোজেন ভক্তগুনে যেন বোউত্ আশিদ্‌বাদ পান; যেদকদিন চানান্ থেবঅ সেদকদিন তারার জিংকানিত্ ভালেদিয়্যে ভালেদিয়্যে ভুরি উদোক্।

যিশাইয় 26:3

যিবের্ মনান্ তঅ উগুরে থির্ আঘে তারে তুই পুরো সুগে-শান্দিয়্যে রাগেবে, কিত্তে তে তঅ উগুরে বিশ্বেজ্ গরে।

যিশাইয় 48:18

তুমি যুনি বানা মঅ উগুমো উগুরে মনান্ দিদে সালে তমার শান্দি অদঅ গাঙ ধোক্ক্যেন আর তমা সততাগানি অদঅ সাগর তুবোল ধোক্ক্যেন।

যিশাইয় 57:13

সাহায্যত্তে যেক্কে তুই কানিবে সেক্কে তর্ তুবেয়্যে মুত্তিগুনে তরে রোক্ষ্যে গোরোদোক্। বোইয়্যেরানে তারারে বেক্কুনোরে বুয়োই নেযেব; চিগোন এক্কো নিযেজে তারারে উড়েই নেযেব। মাত্তর্ যে মানুচ্চো মঅ আশ্রয় নেযায় তে দেজর্ আর মঅ সুদ্ধো-সাংগ মুড়োবোর অধিকার পেবঅ।”

মথি লেখ্যে গম্ হবর্ 5:5

যিগুনোর হাচ্চ্যেক্‌কানি চিদে তারা বর্‍‍‍পেইয়্যে, কিয়া পিত্‌থিমীগান তারার্ অবঅ‍‍‍।

যোহন 14:27

মুই তমাত্যে শান্তি থোই যাঙর্, মঅ শান্তিগান্ মুই তমারে দোঙর্; পিত্‌থিমীগানে যেবাবোত্যেগুরি দে মুই সেবাবোত্যেগুরি ন-দুয়োং।

দ্বি’লম্বর বিররণ 5:33

যেনে তুমি বাঁজি থেই পার আর তমার্‌ ভালেদি অয় আর যে দেজ্‌ছান তুমি গজক্ গুরিবা সিদু ভালোক্‌ দিন বাঁজি থেই পার সেনত্যে তমার গোজেন লগেপ্রভু যে পথ্‌তানন্দি তমারে চলিবাত্তে উগুম্‌ দিয়্যে তুমি সে পথ্‌তান ইন্দি চুলিবা।

ফিলিপীয় 4:7

সিয়েনর কারনে, গোজেনর্ দিয়্যে যে শান্তির কধা মানুচ্ চিন্তে গুরিনেয়ো বুঝি ন-পারন, খ্রীষ্ট যীশুর্ মাধ্যমে সেই শান্তি তমা রিবেঙানিরে আর মনানিরে রোক্ষ্যে গুরিবো।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

যাকোব 1:21

ইয়েনত্যে বেক্ ফি-বলাগানি আর যেদক্কানি বজং জিনিস এজঅ তমা জিংকানিত্ আঘে সিয়েনি দূর্ গরঅ। গোজেন কধানির্ বীজ্ যিয়েনি তমা মন ভিদিরে লাগা ওইয়্যে সিয়েনি চিদে ওইনে মানি লঅ। পাপত্তুন্ তমারে উদ্ধোর্ গুরিবার্ খেমতা এ কধানির্ আঘে।

যাকোব 3:13

তমা ভিদিরে জ্ঞানী আর বুদ্ধিবলা কন্না? তে তার্ সৎ জিংকানিলোই জ্ঞানত্তুন্ নিগিলি এচ্চ্যে নম্রতাগান্দোই কাম দেগোক্।