গীতসংহিতা 36:2 - Chakma Bible

² তারা নিজো পৌইদ্যেনে বড়াই গুরি কন্দে, গোজেনে তারার্ পাপ্পানি ন-ধুরিবো, ঘিনাইদে চোগেন্দিয়ো ন-দেগিবো,

গীতসংহিতা 36:2 ပူးပေါင်းရင်းမြစ်များ

গীতসংহিতা 10:3

পাজি মান্‌‌জ্যে তার্ মনর্ ভান্ন্যেই আওজর্ বার্‌বো গরে; লুভি মান্‌‌জ্যে লগেপ্রভুরে অভিশাব দে আর তারে ঈচ্ গরে।

গীতসংহিতা 49:18

যুনিয়ো জিংকানিত্ তে নিজোরে ভাগ্যত্যে বিলিনে মনে গুরিদো মাত্তর্ কারর্ ভালেদি অলে মান্‌জেয়ো তারে ভাগ্যত্যে কন্-

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

যিরমিয় 2:23

তুই কেধোক্ক্যেন গুরি কোই পারচ্ যে, তুই অসিজি নয়, তুই বাল দেবেদাগুনোর পিজেদি ন-যাচ্? ভাবি চাহ্, তুই কলগত্ কেজান্ বেবহার গোজ্যস্; তুই যিয়েনি গোজ্যস্ সিয়েনি চিদে গর্। তুই যেন চেলা উদো সমারে মিজেবাত্তে ইন্দি-উন্দি দাবা দাবা বেড়েয়্যে ফারি উট।

যিরমিয় 36:24

রাজা আর তার যিদুক্কুন মান্‌জ্যে সে কধানি শুনিলাক্ তারা নয়ো দোরেলাক্ বা তারার কাবড়ানিয়ো ন-ফাদিলাক্।

লূকে লেখ্যে গম্ হবর্ 10:29

সেই মাষ্টর্‌বো নিজো সর্মানান্ রোক্ষ্যে গুরিবাত্তে যীশুরে কলঅ, “মঅ পাড়াল্যে কন্না?”

রোমীয় 10:3

গোজেনে মান্‌জ্যরে কেধোক্ক্যেন্ গুরিনে নিদ্দুজি বিলি মানি লয় সে কধাগান মনযোগ্ ন-দিইনে নিজো চেট্ট্যায় তারা তার্ মানি লয়দ্যে ধোক্ক্যেন্ অবাত্তে চেইয়োন। সেনত্তে গোজেনে যেবাবোত্যেগুরি মান্‌জ্যরে নিদ্দুজি বিলি মানি লয় সিয়েন তারা ন-মানন্।

রোমীয় 3:9

ইক্কিনে আমি কি কবং? যিহূদী ইজেবে আমা অবস্থা কি অযিহূদীগুনোত্তুন্ বেশ্ গম্? কন বাবদে নয়। আমি দঅ আগে কোইয়্যেই, যিহূদী-অযিহূদী বেক্কুনে পাপে ভরা

রোমীয় 7:9

মঅ জিংকানিত্ রীতি-সুদোম এবার্ আগেদি মুই বাঁজি এলুং, মাত্তর্ সেই উগুমান্ এজানার্ সমারে সমারে পাপ্ জিনিস্‌চান্অ জেই উদিলো,

দ্বি’লম্বর বিররণ 29:19

এধোক্ক্যেন মানুচ্‌ এ শমক্ গোজ্যে কধানি শুনোনার সলাবোত্‌ যুনি নিজোরে ভাগ্যত্যে বিলিনে মনে গরন্‌ আর মনে মনে ভাবে, নিজোর আওজ্ মজিম চুলিলেয়ো তে গমেডালে থেবঅ, সালে তমার বেক্কুনো উগুরে তে দজা ডাগি আনিবো।