গীতসংহিতা 33:4 - Chakma Bible

⁴ লগেপ্রভুর্ কধানি সত্য, তার্ বেক্ কামানিত্ তে বিশ্বেজি।

গীতসংহিতা 33:4 ပူးပေါင်းရင်းမြစ်များ

পত্থম 24:27

“ধৈন্য লগেপ্রভু, যিবে মর্‌ গিরোজ্‌ অব্রাহামর গোজেন! তে মঅ গিরোজ্‌সোরে তার দিয়্যে কধাগান রাগেবাত্তে আর বিশ্বেজছান্‌ দেগেবাত্তে ভুলি ন-যায়। মরেয়ো তে পথতান্‌ দেগেইনে মর্‌ গিরোজ ভেইবো ঘরত্‌ আন্যে।”

গীতসংহিতা 119:128

তর্ বেক সুদোমানি মুই ঠিগ্ বিলিনে মনে গরং, আর বেক মিজে পধ্‌থানি মুই গম ন-পাং।

গীতসংহিতা 119:75

ও লগেপ্রভু, মুই হবর্ পাং তর্ সুদোমানি অমকদ গম্; তুই বিশ্বেজি বিলিনে মরে দুঘ্ দুয়োচ্।

গীতসংহিতা 12:6

লগেপ্রভুর কধাত্ ভেজাল্ নেই; সিয়েন্ যেন আগুন্দোই পুজ্যে রুবো, সাত্পল্লা গুরি শুদ্ধো গোজ্যে রুবো।

গীতসংহিতা 19:8

লগেপ্রভুর বেক্ সুদোমানিয়ে উজু পধেদি চালায় আর মনানরে হুজি রাগায়। লগেপ্রভুর উগুমান খাটি, সিয়েনে মনানরে ফোট্‌‌ফোট্যে রাগায়।

গীতসংহিতা 25:10

লগেপ্রভুর বেবস্থা আর রীদি-সুুদোম মজিম্ যিগুনে আঢন্, তারা ইদু তার বেক্ পথ্‌তানিত্ অমকদ কোচ্‌‌পানা আর বিশ্বেজে ভরা।

গীতসংহিতা 96:13

তারা লগেপ্রভুর মুজুঙোত্ গীদ্ গেবাক্, কিত্তে তে এজের্। তে দুনিয়েগানর বিচের গুরিবাত্তে এজের্। তে গমেডালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো বিশ্বেজ্ গুরিনে।

গম্ উপদেজ্ 30:5

গোজেনর বেক্ কধানি খাটি বিলিনে প্রমান্ ওইয়্যে; যিগুনে তাইদু আশ্রয় নেযান্ তে তারার ঢাল্ অয়।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

মীখা 2:7

ও যাকোবর বংশ, তমার্ এ কধাগান কনা উজিত্ নয়, “লগেপ্রভুর আত্মাগান অধৈয্য ন-অয়; তে এ কামানি ন-গরে।” লগেপ্রভু কত্তে, “যিগুনে ন্যায় পধেদি চলন্ বানা তারা উগুরে মঅ কধানিয়ে ভালেদি আনে।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

রোমীয় 7:12

মাত্তর্ এ কধাগান্ ঠিগ্ যে, আইন-কানুনানি পবিত্র আর তার্ উগুমানিয়ো পবিত্র, ঠিগ্ আর উপকারি।

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।

তীত 1:2

উমর্‌‌অ জিংকানি পেবার আজালোই মুই খ্রীষ্টরে সেবা গুরি যাঙর্। জগদ্‌‌তান সৃট্টি অবার আগেদি গোজেনে, যিবে মিজে কধা ন-কয়, তে এই জিংকানিগান দিবার এগেম্ গোজ্জ্যে।