গীতসংহিতা 32:9 - Chakma Bible

⁹ তুমি ঘোড়া বা গাধা ধোক্ক্যেন ন-ওয়ো যিগুনোর বুঝিবার খেমতা নেই; মুয়োত্ লাগাম আর দুড়িলোই তারারে দোঙেই রাগা পড়ে, সিয়েনি ন-দিলে তারা তমা ইদু ন-এবাক্।

গীতসংহিতা 32:9 ပူးပေါင်းရင်းမြစ်များ

ইয়োব 30:11

গোজেনে মরে বলনেইয়্যে গোজ্য আর মরে দুগোত্ ফেলেয়্যে; সেনত্তে তারা কনঅ মানা ন-মানিনে মঅ বিরুদ্ধে উঠ্যন্।

ইয়োব 35:11

তে দঅ পিত্‌থিমীর এ্যমানুনোত্তুন্ বেশ্ আমারে শিক্ষ্যে দে আর আগাজ পেক্কুনোত্তুন্ বেশ্ জ্ঞান দান গরে।’

ইয়োব 41:13

তা কিয়্যের্ চামানি কন্না খুলি দি পারে? কন্না তার্ দাদঅ সিলুম্মো ফাদি দি পারে?

গম্ উপদেজ্ 26:3

ঘোড়াত্তে চাবুক্, গাধার গত্তনাবোত্তে লাগাম, আর বিবেচনা নেইয়্যে গুনোর পিদোত্তে লুদিক্।

যিরমিয় 31:18

মুই ঘেচ্চেকগুরি ইফ্রয়িমর এই নরম রবো শুন্যং, তুই মরে অবাধ্য গোরু ছঅ ধোক্ক্যেন গুরি শাজন্ গোজ্যস্, আর সিয়েনর ফলে মুই সাজা পেইয়োং। মরে ফিরে, সেক্কে মুই ফিরিম, কিত্তে তুয়ই মর্ গোজেন লগেপ্রভু।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যাকোব 3:3

ঘোড়াবোরে কামত্ লাগেবাত্যে আমি তা মুয়োনত্ দুড়ি বানি দিই, আর সেক্কে তারে যিধু মনে কয় সিধু চালেই নি পারিই।