গীতসংহিতা 32:8 - Chakma Bible

⁸ মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

গীতসংহিতা 32:8 ပူးပေါင်းရင်းမြစ်များ

পত্থম 24:48

সে পরেদি মুই মাদিত্‌ মাদা নিগিরিনে লগেপ্রভুরে মর্‌ মনঅ ভোক্তি জানেলুং। মুই মর্‌ গিরোজ্‌ অব্রাহামর গোজেন লগেপ্রভুরে ভালেদি জানেলুং, কিত্তে তেয়ই মরে দোল্ পথতান্‌ দেগেইনে আন্যে যেনে মুই মঅ গিরোজ্‌সো ভেইবো ঝিবোরে তা পুয়োবোত্তে নেযেই পারঙ্‌।

২ শমূয়েল 22:33

গোজেনে মর্ দরমর আশ্রয়; তে মঅ আঢিবার পথ্‌তান্‌ দোল্‌ গোজ্যে।

১ রাজাবলী 8:36

মাত্তর্‌ তুই স্বর্গত্তুন্‌ সিয়েন্‌ শুনিজ্‌ আর তঅ চাগরুনোরে, অত্তাৎ তঅ মানুচ্‌ ইস্রায়েলীয়গুনোর পাপ্পানি খেমা গুরি দিচ্‌। জীংকানিগানত্‌ দোলেডালে চুলিবাত্তে তারারে শিক্ষ্যে দিচ্‌ আর সোম্বোত্তি ইজেবে যে দেজ্‌ছান তুই তারারে দুয়োচ্‌ সে দেজ্‌ছানর উগুরে ঝড় দি দিচ্‌।

গীতসংহিতা 143:8

বেন্যেমাদান্ তুই মরে কোচ্‌পানার কধা শুনেচ্, কিত্তে মুই তঅ উগুরে বিশ্বেজ্ গুরি আগং; কন্ পধেদি যাহ্ পুরিবো সিয়েন মরে দেগা; কিত্তে মঅ মনান্ মুই তইন্দি দুয়োঙর্।

গীতসংহিতা 25:12

কন্না সেই মানুচ্চো, যে লগেপ্রভুরে ভোক্তি গরে? কন্ পথ্‌তান্ তাত্তুন্ বেঈ নেযা পড়িবো সিয়েন তুই তারে দেগেই দিবে।

গীতসংহিতা 33:18

মাত্তর্ লগেপ্রভু উগুরে যিগুনোর ভক্তিবলা দর্ আঘে, যিগুনে তার্ অমকদ কোচ্‌পানাগান উগুরে আজা রাগান্, তারার্ উগুরে তার খিয়েল্ আঘে;

গীতসংহিতা 34:11

পুয়ো-ছাগুন্, এজঅ, মঅ কধানি শুনো, মুই তমারে শিগেম্ কেধোক্ক্যেন্ গুরি লগেপ্রভুরে ভোক্তি গরা পরে।

গম্ উপদেজ্ 3:1

মঅ পুয়োবো, তুই মঅ শিক্ষ্যেনি ভুলি ন-যেচ্, বেক্ মনান্ দিইনে তুই মঅ উগুমানি পালা;

যিশাইয় 48:17

লগেপ্রভু, তমা উদ্ধোরগুরিয়্যে, ইস্রায়েলর সেই সুদ্ধো-সাংগ মানুচ্চো এ কধাগান কোইয়্যেদে, “মুই তমা গোজেন লগেপ্রভু; তমা উপকারত্তে মুই তমারে শিক্ষ্যে দুয়োঙ্। যে পধেদি তমাত্তুন্ চলা পুরিবো মুই সে পধেদি তমারে চালাং।

যিশাইয় 49:10

তারার পেট্ ন-পুরিবো, পানি তিরেস্অ ন-পেবঅ বা ধূল্যেচরর গরম বা বেলানর রোদে তারারে আঘাত গুরি ন-গুরিবো। তারা উগুরে যিবের্ মেয়্যে আঘে তেয়ই তারারে পথ্‌তান দেগেব আর পানির পয়নালা ইদু নেযেব।

গণাণা 9:22

দ্বিদিন ওক্‌ বা এক মাস ওক্‌ অথবা তাত্তুন বেশ্‌ সময় ওক্‌, যেদকবুলোন্‌ মেঘ্‌কান থেবার-তাম্বুলান উগুরে থেদঅ ইস্রায়েলীয়গুনে তাম্বুলান ফেলেইনে সিয়োদোই থেদাক, আঢা ন-মারিদাক্। মাত্তর্‌ মেঘ্‌কান সোরেই গেলে তারা আরঅ আঢানা আরাম্ভ গুরিদাক্।

মথি লেখ্যে গম্ হবর্ 11:29

মঅ জুঙোলান্ তমা উগুরে তুলি নেযঅ আর মত্তুন্ শিগো, কিয়া মঅ খাচ্চ্যত্তান্ নরম আর চিদে।