গীতসংহিতা 32:7 - Chakma Bible

⁷ তুয়ই মর্ পৌল্যেই থেবার জাগা। তুই মরে দুঘোত্তুন্ রোক্ষ্যে গোজ্যস্। উদ্ধোরর হুজিয়ে-গানে তুয়ই মরে ঘিরি রাগেয়োচ্।

গীতসংহিতা 32:7 ပူးပေါင်းရင်းမြစ်များ

২ শমূয়েল 22:1

লগেপ্রভু যেক্কে দায়ূদোরে শৌল আর তার অন্য শত্রুগুনোর্‌ আঢত্তুন্‌ উদ্ধোর্ গুরিলো সেক্কে তে লগেপ্রভুর নাঙে এ গান্নো গেইয়্যে:

গীতসংহিতা 119:114

তুয়ই মর্ আশ্রয় আর মর্ ঢাল; তঅ কধানি উগুরে মুই আজা রাগেয়োং।

গীতসংহিতা 143:9

ও লগেপ্রভু, মঅ শত্রুগুনো আঢত্তুন্ তুই মরে উদ্ধোর্ গর্, কিত্তে মুই তইদু আশ্রয় লোইয়োং।

গীতসংহিতা 18:5

মরণ দুড়িত্ মুই বানা হেইয়োং, মত্তেই মরণ ফাল্ পাদা ওইয়্যে।

গীতসংহিতা 27:5

কিত্যে দযার্ দিনোত্ তার্ সেই আশ্রয়লোই তে মরে গমেডালে রাগেব, তার্ সে তাম্বুলানত্ মরে লুগেই রাগেব, আর মুড়ো উগুরে মরে তুলি রাগেব।

গীতসংহিতা 31:20

তুই তারারে তর্ চোগো আন্দলত্ রাগেইনে মান্‌জ্যর্ কুজুরোমিত্তুন্ লুগেই রাগা; কোল্-কোজ্যেত্তুন্ তর্ আশ্রয়লোই তারারে সোরেই রাগা।

গীতসংহিতা 32:10

পাজি মানুচ্চোর বোউত্ দুখ্‌পা পড়ে, মাত্তর্ যে লগেপ্রভু উগুরে বিশ্বেজ্ গরে লগেপ্রভুর গভীন্ কোচ্‌পানায় তারে ঘিরি রাগায়।

গীতসংহিতা 40:3

তে মর্ মুয়োনত্ দিলো নূয়ো গান, আমা গোজেনর নাঙ্ গিনেদে-গান। ভালোক্ জনর চোগোত্ সিয়েন্ পড়িবো আর তারার্ মনত্ ভোক্তিবলা দর্ অবঅ; তারা লগেপ্রভু উগুরে বিশ্বেজ্ গুরিবাক্।

গীতসংহিতা 5:12

ও লগেপ্রভু, যিগুনে তর্ ভক্ত তারা উগুরে হামাক্কাই তর্ আশিদ্‌বাদ আঘে; তঅ দোয়্যেলোই তুই তারারে ঢাল ধোক্ক্যেন্ গুরি ঘিরি রাগেয়োচ্।

গীতসংহিতা 9:9

যিগুনে অত্যেচারত্ পড়ি আগন্ লগেপ্রভু যেন তারার্ আশ্রয় অয় আর দুঘোত্ ঘর ধোক্ক্যেন অয়।

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

গীতসংহিতা 98:1

তুমি লগেপ্রভুর নাঙে নুয়ো গীদ্ গঅ, কিত্তে তে ভালোক্কানি আমক্ অবার কাম গোজ্যে; তার খেমতা, অয়, তার পবিত্র দাঙর্ খেমতালোই তে উদ্ধোর্ গোজ্যে।

যিরমিয় 36:26

সিয়েনর বদলে তে লিগিয়্যে বারূক আর ভাববাদী যিরমিয়রে ধুরি আনিবাত্তে রাজার পুয়ো যিরহমেল, অস্রীয়েলর পুয়ো সরায় আর অব্দিয়্যেলর পুয়ো শেলিমিয়রে উগুম দিলো। মাত্তর্ লগেপ্রভু তারারে লুগেই রাগেল।

কলসীয় 3:3

তুমি দঅ মুরি যেয়ো আর তমার্ জিংকানিগানি খ্রীষ্ট সমারে গোজেন ইধু লুগেয়্যে আঘে।

ফগদাং পেইয়্যে 7:10

তারা দাঙর্ গুরি রঅ ছাড়িনে কলাক্: “যিবে সিংহাসনত্ বৈ আঘে, আমার সেই গোজেন আর ভেড়া-ছবো আঢত্ পাপত্তুন্ উদ্ধোরান আঘে।”

বিচের গুরিয়্যেগুন 5:1

সেদিন্যে দবোরা আর অবীনোয়মর পূঅ বারকে এ গান্নো গেলাক্‌: