গীতসংহিতা 32:10 - Chakma Bible

¹⁰ পাজি মানুচ্চোর বোউত্ দুখ্‌পা পড়ে, মাত্তর্ যে লগেপ্রভু উগুরে বিশ্বেজ্ গরে লগেপ্রভুর গভীন্ কোচ্‌পানায় তারে ঘিরি রাগায়।

গীতসংহিতা 32:10 ပူးပေါင်းရင်းမြစ်များ

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

গীতসংহিতা 140:11

ইংসে-নিন্দে গুরিয়্যেগুনে যেনে দেশ ভিদিরে অধিকার ন-পান; অত্যেচার্ গুরিয়্যেগুনোর্ পিজে পিজে দজাগান্ আমিঝে থেবঅ।

গীতসংহিতা 146:5

বর্‌পেইয়্যে সেই মানুচ্চো, যাকোবর গোজেন যিবের সাহায্যগুরিয়্যে, গোজেন লগেপ্রভু উগুরে যিবের্ আজা।

গীতসংহিতা 147:11

মাত্তর্ যিগুনে তারে ভোক্তিগুরি দরান্ আর তার অমকদ কোচ্‌পানা উগুরে আজা রাগান্, তারারে নিইনে লগেপ্রভুর যেত্তমান্ হুজি।

গীতসংহিতা 16:4

যিগুনে দেবেদাগুনোরে বক্‌শীজ্ দিইনে নিজোর্ গুরি নেযান্ তারার্ দুখ্‌কানি বাড়িবো। তারা লোর্ যে ঢালন-উৎসর্ব গরন মুই সিয়েন্ ন-গরং; দেবেদাগুনোর্ নাঙানিয়ো মুই মুয়োত্ ন-আনিম।

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 34:8

যগা চাহ্ লগেপ্রভু মংগলময়; বর্‌পেইয়্যে সেই মানুচ্চো, যিবে তাইদু আশ্রয় নেযায়;।

গীতসংহিতা 40:4

বর্‌পেইয়্যে সেই মানুচ্চো, যে লগেপ্রভু উগুরে বিশ্বেজ্ গরে, যে তারা ইন্দি ন-ফিরে যিগুনে বার্‌বো আর মিজে কধালোই থায়।

গীতসংহিতা 5:12

ও লগেপ্রভু, যিগুনে তর্ ভক্ত তারা উগুরে হামাক্কাই তর্ আশিদ্‌বাদ আঘে; তঅ দোয়্যেলোই তুই তারারে ঢাল ধোক্ক্যেন্ গুরি ঘিরি রাগেয়োচ্।

গীতসংহিতা 84:12

ও বেগত্তুন্ খেমতাবলা লগেপ্রভু, যে তমা উগুরে বিশ্বেজ্ গরে তে বর্‌পেইয়্যে।

গম্ উপদেজ্ 13:21

ফীবলাগানে পাপীগুনো পিজে পিজে এজে, মাত্তর্ ভালেদিগান অলঅ গোজেন ভক্তগুনোর্ পাওনা।

গম্ উপদেজ্ 16:20

যে মানুচ্চো গোজেনর কধা শুনে তার ভালেদি অয়, আর যে লগেপ্রভু উগুরে বিশ্বেজ্ গরে তে বর্ পেইয়্যে।

উপদেশক 8:12

পাপী মান্‌জ্যে যুনিয়ো একশত্তান্ ভান্ন্যেই কাম্ গুরিনে ভালোক্ দিন বাঁজি থায় তো মুই হবর্ পাং গোজেনরে যিগুনে ভোক্তিগুরিনে দরান্ তারার্ ভালেদি অবঅ।

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিশাইয় 57:21

মঅ গোজেনে কত্তে, “পাজিগুনোর্ কনঅ সুগ্-শান্দি নেই।”

১ তীমথিয় 6:10

নানান্ বাবোত্যে ভান্ন্যেয়র্ গোড়াত্ রোইয়্যেদে টেঙা-পৌইজ্যে উগুরে কোচ্‌‌পানা। ভালোক্ জনে টেঙা-পৌইজ্যের্ লুভে খ্রীষ্টীয় ধর্ম-বিশ্বেজত্তুন্ সুরি যেইনে নিজো উগুরে বোউত্ দুঘ্ ডাগি আন্ন্যন্।