গীতসংহিতা 31:7 - Chakma Bible

⁷ তর্ গভিন্ কোচ্‌পানা পেইয়োং বিলিনে মুই ফুত্তি গুরিম, হুজি ওম; কিত্যে তুই দঅ মর্ দুখ্‌কানি দেখ্যচ্, আর মর্ দুঘোর্ কধানি হবর্ পাজ্।

গীতসংহিতা 31:7 ပူးပေါင်းရင်းမြစ်များ

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

ইয়োব 10:9

ইদোত্‌ তুল্‌, মাদি পিলে ধোক্ক্যেন্ গুরিনে তুই মরে বানেয়োজ্‌; ইক্কিনে তুয়ই কি আরঅ মরে ধূল্যে ধোক্ক্যেন্ গুরিবে?

ইয়োব 23:10

মাত্তর্ মুই কন্ পধেদি আঢঙর্ সিয়েন তে হবর্ পায়; তে মরে জগা চেলে মুই আজল্ সনা ধোক্ক্যেন্ ওম্।

গীতসংহিতা 1:6

কিত্যে গোজেন ভক্তগুনো উগুরে লগেপ্রভুর খিয়েল্ আঘে, মাত্তর্ পাজি মানুচ্চুনোর্ আঢিবার্ পদথ্ আগেদে ভস্ত অনা।

গীতসংহিতা 10:14

মাত্তর্ ও গোজেন, দুঘ্-কট্টগানিয়ে তঅ চোগ্‌কুনোরে ফাকি দি নঅ-পারন্; তুই নিজো আঢে ইয়েনর্ বেবস্থা গর্। অসহায়ানে দঅ তঅ আঢত্ নিজোরে তুলি দে; মা-বাপ নেইয়্যেগুনোরে তুই সাহায্য গুরি থাচ্।

গীতসংহিতা 119:153

মর্ দুঘ্‌কান্ চাহ্, মরে রোক্ক্যে গর্, কিত্তে মুই তঅ উগুমান্ ভুলি ন-যাং।

গীতসংহিতা 13:5

মাত্তর্ মুই তর্ কোচপানা উগুরে বিশ্বেজ্ গোজ্যং; তুই মরে রোক্ষ্যে গুরিবে বিলিনে মঅ মনান্ হুজি।

গীতসংহিতা 142:3

যেক্কেনে মুই আজা নেইয়্যে অং সেক্কেনে তুয়ই মর্ জিংকানির পথ্‌তান পৌইদ্যেনে হবর্ পাজ্; মর্ যেবার পদথ্ মান্‌জ্যে মত্তে ভিদিরে ভিদিরে ফাল্ পাদি রাগেয়োন্।

গীতসংহিতা 25:18

রিনি চাহ্ মর্ দুখ্ আর অমকদ দুঘো ইন্দি; মর্ বেক্ পাপ্পানি তুই ক্ষেমা গর্।

গীতসংহিতা 71:20

যুনিয়ো তুই মঅ উগুরে বোউত্ দুঘ্ আর দযা আন্যচ্, তো তুই আরঅ মঅ পরাণান জেদা গুরি দিবে; মাদি তলেত্তুন্ তুলি আনেদে ধোক্ক্যেন গুরি আরঅ তুই মরে তুলি আনিবে।

গীতসংহিতা 9:13

ও লগেপ্রভু, মঅ উগুরে দোয়্যে গর্; চাহ্, মঅ শত্রুগুনে কিবাবোত্যে গুরিনে মরে অত্যেচার গত্তন্। মরণর্ দোরোত্তুন্ তুই মরে তুলি আন্,

গীতসংহিতা 90:14

নুয়ো গুরি তর্ অমকদ কোচ্‌পানালোই আমা আওজ্‌ছানি পুরেই দে, যেনে আমি হুজিয়ে গীদ্ গেই পারিই আর হুজিয়ে জিংকানি কাদে পারিই।

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

যিশাইয় 63:16

ও লগেপ্রভু, তুই দঅ আমা বাপ্। যুনিয়ো অব্রাহামে আমারে হবর্ ন-পায় বা যাকোবে আমারে স্বিগের্ ন-গরে, তো তুয়ই আমা বাপ্; তুই উমরর্ উদ্ধোর্ গুরিয়্যে-ইয়েনই তর্ নাঙান।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

আবিলেচ্ 3:50

যেদক্ বিলোন্ সং লগেপ্রভু স্বর্গত্তুন্ তলেদি রিনি ন-চায়।

আবিলেচ্ 5:1

ও লগেপ্রভু, আমা উগুরে যিয়েনি ঘোট্যে সিয়েনি ইদোত্ তুলি চাহ্; তুই রিনি চাহ্, আমা অগমানানি চাহ্।

১ করিন্হীয় 8:3

মাত্তর্ যে গোজেনরে কোচ্‌পায়, গোজেনে তারে জানে।

গালাতীয় 4:9

মাত্তর্ ইক্কিনে তুমি গোজেনরে চিন্ন্য; সিয়েনত্তুন্ বরং এ কধাগান কলে ঠিগ্ অবঅ, গোজেনে তমারে চিন্ন্যে। সালে কেধোক্ক্যেন গুরিনে তুমি আরঅ জগদর্ সেই নানান্ বাবোত্যে খেমতা নেইয়্যে আর ন-ফলেদে সুদোম ইন্দি ফিরোর্?

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”