গীতসংহিতা 31:2 - Chakma Bible

² মঅ কধাগান শুন্; মরে উদ্ধোর্ গুরিবাত্তে তুই যাদিমাদি আয়। মরে রোক্ষ্যে গুরিবাত্তে তুই মর্ আশ্রয়-মুড়ো অগি আর মর্ ঘর্ অগি।

গীতসংহিতা 31:2 ပူးပေါင်းရင်းမြစ်များ

২ শমূয়েল 22:3

মঅ গোজেনে মর্‌ অজল্ মুড়োবো, সিবে ভিদিরে মুই আশ্রয় নেযাং। তেয়ই মর্‌ ঢাল, মর্‌ রোক্ষেগুরিয়্যে শিং, মর্‌ অজল্ চিগোন্‌ ঘরান, মর্‌ থেবার্‌-জাগায়ান। অত্যেচারী মানুচ্চুনোর আঢত্তুন্‌ তুই মরে রোক্ষ্যে গর্‌।

ইয়োব 7:21

কিত্তে তুই মঅ দুজ্‌ছান আর মঅ পাপ্পানি খেমা ন-গরচ্‌? মত্তুন্‌ দঅ যাদিমাদি মাদিত্‌ ঘুম্‌ যাহ্ পুরিবো; তুই মরে তোগেবে, মাত্তর্‌ মুই ন-থেম্‌।”

গীতসংহিতা 102:2

মঅ দজাত্ তুই মুয়োন্ ফিরেই ন-রাগেচ্। মঅ কধাগান শুন; মুই ডাগিলে শমক্ দেদে তুই দেরি ন-গুরিচ্।

গীতসংহিতা 130:2

ও প্রভু, মুই ডাগিলে শুনিচ্; মর্ এ কোজোলি গুরি কানানিগান তুই শুনিচ্।

গীতসংহিতা 143:7

ও লগেপ্রভু, তুই মরে যাদিমাদি জোব্ দে, কিত্তে মঅ পরাণানে যেন নিগিলি যাত্তে ধোক্ক্যেন্; মইদু তঅ মুয়োন ফিরেই ন-রাগেচ্, গোরত্ যিগুনোরে লামাদন্ মুই তারা ধোক্ক্যেন্ যেন ন-অং।

গীতসংহিতা 25:2

ও মর্ গোজেন, তঅ উগুরে মুই বিশ্বেজ্ গরং, তুই মরে লাজত্ পড়িবাত্তে ন-দিচ্; মর্ শত্রুগুনে যেনে মঅ বেপারানিলোই রঙ্গ-ফুত্তি গুরিবার সুযোগ ন-পান।

গীতসংহিতা 40:17

মুই দুঘী আর অভাবী, মাত্তর্ মঅ পৌইদ্যেনে প্রভু চিদে গরে। মর্ গোজেন, তুই দেরি ন-গুরিচ্; তুয়ই দঅ মর্ এযালদিয়্যে আর উদ্ধোরগুরিয়্যে।

গীতসংহিতা 62:7

মর্ উদ্ধোর আর মান-সর্মানান গোজেন উগুরে নির্ভর গরের; গোজেনে মর্ বল্, মর্ অজল মুড়ো, তেয়ই মর্ আশ্রয়র জাগা।

গীতসংহিতা 69:17

তঅ চাগর্‌বোর ইন্দিত্তুন তর্ মুয়োন তুই ফিরেই ন-রাগেচ্; মুই দযাত্ পোজ্যং, মরে যাদিমাদি জোব্ দে।

গীতসংহিতা 7:2

সিয়েন ন-অলে সিংহ ধোক্ক্যেন গুরি তারা মরে ছিনি ফেলেবাক্; তারা মরে কট্টা কট্টা গুরি ফেলেবাক্, মরে বাজেবার্ কনজন ন-থেবাক্।

গীতসংহিতা 79:1

ও গোজেন, অন্য জাদ্‌তুনে তর্ সোম্বোত্তিগানি আক্রমন গোজ্যন্, তারা সিদু চোমেয়োন্দি; তঅ সুদ্ধো-সাংগ ঘরান্ তারা অসিজি গোজ্যন্; যিরূশালেমানরে তারা ভস্তর কুড়্ বানেয়োন্।

গীতসংহিতা 86:1

ও লগেপ্রভু, মঅ কধাগান শুন আর মরে জোব্ দে, কিত্তেই মুই দুখি আর নাদা মানুচ্।

গীতসংহিতা 90:1

ও প্রভু, বংশর পর বংশ ধুরি তুয়ই আমার থেবার জাগা।

গীতসংহিতা 91:9

“ও লগেপ্রভু, তুয়ই মর্ আশ্রয়র জাগা।” তুই ঠিগ্ গোজ্যস্‌ছে দাঙর্ গোজেনে তর থেবার জাগা;

গীতসংহিতা 94:22

মাত্তর্ লগেপ্রভু মর্ ঘর; মর্ গোজেনে মর্ আশ্রয়র-মুড়ো।

গম্ উপদেজ্ 22:17

জ্ঞানীগুনোর কধানি শুনো, তারা যিয়েনি কোইয়োন সিয়েনি শুনো; মুই তরে যে শিক্ষ্যেনি দুয়োং সিয়েনি তুই মনযোগ দে।

যিশাইয় 33:16

সে মানুচ্চো গমেডালে বজত্তি গুরিবো আর তার আশ্রয় অবদে মুড়োমুড়ি ঘরান্। তারে হানার্ যগান্ দিয়্যে অবঅ আর তে হামাক্কায় পানি পেবঅ।

লূকে লেখ্যে গম্ হবর্ 18:8

মুই তমারে কঙর্, তে তারা পক্ষে ন্যায় বিচের্ গত্তে দেরি ন-গুরিবো। মাত্তর্ মান্‌জ্যপুয়োবো যেক্কে এবঅ সেক্কে কি তে পিত্‌থিমীত্ বিশ্বেজ্ দেগিবো?”

যোহন 6:56

যে মর্ য়েরাগান্ আর লো-গান্ খায় তে মঅ ভিদিরে থায় আর মুইয়ো তা ভিদিরে থাং।

দ্বি’লম্বর বিররণ 32:31

শত্রুগুনোর জিরেবার-মুড়োবো আমার জিরেবার-মুড়োবো ধোক্ক্যেন নয়, ইয়েন আমার শত্রুগুনোরঅ রায়।

১ যোহন 4:12

কেঅ কনদিন্অ গোজেনরে ন-দেগে। যুনি আমি একজন আরেকজনরে কোচ্‌পেই সালে বুঝো যেবঅ যে, গোজেনে আমা মনভিদিরে আঘে আর তা কোচ্‌পানাগান আমা মনভিদিরে পুরোপুরি গুরিনে কাম গরের্।