গীতসংহিতা 31:1 - Chakma Bible

¹ ও লগেপ্রভু, মুই তইদু আশ্রয় নেযেয়োং; মরে কনদিন্‌অ লাজত্ পড়িবাত্তে ন-দিচ্; তর্ ন্যায়বিচেরর্ জোরে মরে তুই রোক্ষ্যে গর্।

গীতসংহিতা 31:1 ပူးပေါင်းရင်းမြစ်များ

গীতসংহিতা 143:1

ও লগেপ্রভু, মর্ তবনাগান শুন্, মর্ কোজোলী গুরি কানানিগান তুই শুন্; তর্ বিশ্বেজ্‌‌চানে আর গম্ কামানিয়ে মরে জোব্ দে।

গীতসংহিতা 25:2

ও মর্ গোজেন, তঅ উগুরে মুই বিশ্বেজ্ গরং, তুই মরে লাজত্ পড়িবাত্তে ন-দিচ্; মর্ শত্রুগুনে যেনে মঅ বেপারানিলোই রঙ্গ-ফুত্তি গুরিবার সুযোগ ন-পান।

গীতসংহিতা 43:1

ও গোজেন, তুই উজিত্ মজিম বিচের গর্, আর এ ভোক্তিনেইয়্যে জাদ্‌‌তুনোর বিরুদ্ধে মর্ পক্ষ ওইনে কধা কঅ; দগাবাজ্ আর পাজি মানুচ্চুনোর আঢত্তুন্ তুই মরে বাঁজা।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

দানিয়েল 9:16

ও প্রভু, তর্ ন্যায্যতা মজিম তর্ শঅর্, অত্তাৎ তর্ সুদ্ধো-সাংগ মুড়ো যিরূশালেমত্তুন্ তর্ অমকদ অহুজিগান আর রাগ্‌‌‌‌কান দূর্ গুরি দে। আমা পাপ্পানিত্তে আর আমা পূরোণি মানুচ্চুনোর অন্যেয়ত্তে আমা চেরোকিত্তে মানুচ্চুনো ইধু যিরূশালেম আর তঅ মানুচ্চুনে ঈচ্ গরেদে মানুচ্ ওইয়োন।

রোমীয় 10:11

পবিত্র বোইবো কয়, “যে কেঅ তা উগুরে বিশ্বেজ্ গরে তে আজা-নেইয়্যে ন-অবঅ।”

রোমীয় 5:5

এ আশাগানে আমারে লাজত্ ন-ফেলায়, কিয়া গোজেনে তার্ দিয়্যে পবিত্র আত্মালোই আমা মনানি তার্ কোচ্‌পানালোই ভোরেই দিয়্যে।