গীতসংহিতা 30:3 - Chakma Bible

³ ও লগেপ্রভু, তুই মরে মরণর জাগাত্তুন্ তুলি আন্যচ্; তুয়ই মরে বাঁজে রাগেয়োচ্ যেনে সেই গাত্তোত্ মত্তুন্ লামা ন-পড়ে।

গীতসংহিতা 30:3 ပူးပေါင်းရင်းမြစ်များ

ইয়োব 33:28

মরণর জাগাত্ লামানার আধত্তুন তে মঅ পরাণান মুক্তো গোজ্যে; মুই পহর্ দেগঙর্।

গীতসংহিতা 107:20

তার কধা পাদেইনে তে তারারে গম্ গুরিলো; তে গোরত্তুন্ তারারে উদ্ধোর্ গুরিলো।

গীতসংহিতা 116:8

ও লগেপ্রভু, তুয়ই মরণত্তুন্ মঅ পরাণান্, চোগো পানিত্তুন মঅ চোগ্‌কুনোরে, আর বিজিদি যেইয়্যে আঢত্তুন্ মঅ টেঙানিরে রোক্ক্যে গোজ্যস্।

গীতসংহিতা 16:10

কিয়া তুই মরে মরণ জাগাত্ ফেলেই ন-রাগেবে, তর্ ভক্তবোর্ কিয়্যেগানরে তুই বর্‌বাদ্ অবাত্তে ন-দিবে।

গীতসংহিতা 28:1

ও লগেপ্রভু, মর্ আশ্রয়-মুড়োবো, মুই তরে ডাগঙর্। তুই মঅ কধালোই কানান্ ঢাগি ন-থেচ্, কিত্যে তুই যুনি জুরো গুরি থাচ্ মাত্তর্ যিগুনে মরণর জাগাত্ লামি যেইয়োন্ তারা ধোক্ক্যেন মর্ দজা অবঅ।

গীতসংহিতা 56:13

কিত্তেই মরণত্তুন তুই মঅ পরাণান রোক্ক্যে গোজ্যস্ আর পড়ানাত্তুন্ মরে বাজেয়োচ্, যেনে জিংকানির পহ্‌রলোই মুই গোজেন মুজুঙোত্ আঢা-উদো গুরি পারং।

গীতসংহিতা 71:20

যুনিয়ো তুই মঅ উগুরে বোউত্ দুঘ্ আর দযা আন্যচ্, তো তুই আরঅ মঅ পরাণান জেদা গুরি দিবে; মাদি তলেত্তুন্ তুলি আনেদে ধোক্ক্যেন গুরি আরঅ তুই মরে তুলি আনিবে।

গীতসংহিতা 86:13

মঅ উগুরে তর্ অমকদ কোচ্‌পানার শেজ্ নেই; মরণর বেগত্তুন্ তলে জাগানত্তুন্ তুই মঅ পরাণান রোক্ষ্যে গোজ্যস্।

যিশাইয় 38:16

ও প্রভু, তঅ কধা আর কাম্‌বোই দঅ মানুচ্ বাঁজি থান্; ইয়েনি ভিদিরে মঅ আত্মাগান জেদা থেবঅ। তুই মঅ কিয়্যেগান ফিরেই দিইনে মরে বাঁজিবাত্তে দিবে।