গীতসংহিতা 30:12 - Chakma Bible

¹² যেনে মঅ মনান্ অলর্ গুরি ন-থায় বরং তঅ নাঙে গান গুরিবো। ও লগেপ্রভু, মর্ গোজেন, মুই জিংকানিবর্ তরে ভালেদি জানেম।

গীতসংহিতা 30:12 ပူးပေါင်းရင်းမြစ်များ

পত্থম 49:6

তারার ভিদিরে ভিদিরে কুজুরোমিগানিত্ মর্‌ কনঅ ভাগ্‌ নেই, মুই তারা দলত্‌ নয়। তারা রাগে মানুজ্‌ খুন্‌ গোজ্যন, আর নিজো মনে মন্‌‌জক্কা গুরি গোরু টেঙ রক্কুন্‌ কাবি দুয়োন্‌।

ইষ্টের 8:16

যিহূদীগুনোত্তে সময়ান অলদে অমকদ হুজির্‌, ফূত্তির্‌ আর সর্মানর।

ইষ্টের 9:22

ইয়েনর্‌ ভেদ্‌তান্ অলঅ, এ দ্বিবে দিনোত্‌ যিহূদীগুনে তারার্‌ শত্রুগুনোর আঢত্তুন্‌ মাব্‌ পেইয়োন আর সে মাজত্‌ তারার্‌ দুঘ্‌ আর আবিলেচ্‌ হানাগান্ মেইট্‌বান পালেইনে বুদুলি যেইয়্যে। তে তারারে লিগিলো যেনে তারা সেই দিনুনোত্‌ মেইট্‌বান আর হুজির দিন আহ্‌ একজন আরেকজনর ইদু খানা পাদেবার আর নাদামানুচ্চুনো ইদু বক্‌শিজ্‌ দিবার দিন বিলিনে পালান্‌।

গীতসংহিতা 13:6

লগেপ্রভু মরে ভালেদি গোজ্যে, সেনত্তেই মুই তা নাঙে গীত্ গেম্।

গীতসংহিতা 145:2

পত্তিদিন্ মুই তরে নাঙ্ গিনিম; জিংকানিবর্ তরে বাঈনী গুরিম।

গীতসংহিতা 16:9

ইয়েনত্যে মঅ মনত্ হুজি, মঅ মনানে ফুত্তি গরের্ আর মর্ কিয়্যেগানে গমেডালে থেবঅ;

গীতসংহিতা 44:8

গোজেনরে নিইনে আমি আমিঝে বার্‌বো গুরি এস্যেই; জিংকানিবর আমি তর্ বাঈনী গুরিবোং।

গীতসংহিতা 57:8

ও মর্ মনান, জাগি উঠ্; গীতার আর হারমোনি, জাগি উঠ্; মুই রেদ্‌তোরে কাদেই দিম।

গীতসংহিতা 71:14

মাত্তর্ মুই নিত্য তঅ উগুরে ভরসা গুরিম, তর্ বাঈনী উগুরে বাঈনী গুরি গুরি থেম্।

গীতসংহিতা 71:23

মুই যেক্কেনে তর্ নাং গিনেদে-গান গেম্ মর্ মুয়োনে সেক্কে রঅ ছাড়িনে রঙ্গ-ফুত্তি গুরিবো; মর্ মনানে তর্ নাং গিনেদে-গান গেবঅ, কিত্তেই তুই মরে উদ্ধোর্ গোজ্যস্।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

লূকে লেখ্যে গম্ হবর্ 19:40

যীশু তারারে কলঅ, “মুই তমারে কঙর্, ইগুনে যুনি জুরো গুরি থান্ সালে পাত্তরুনে জগার্ পারি উদিবাক্।”

প্রেরিত্‌ 4:20

আমি যিয়েন দেক্ক্যেই আর শুন্ন্যেই সিয়েন ন-কোইনে দঅ থেই ন-পারির্।”

ফগদাং পেইয়্যে 7:12

“আমেন। নাঙ্ গিনেনা, বাঈনী গরানা, জ্ঞান, ভালেদি জানানা, সর্মান, খেমতা আর বল্ উমরত্যে আমা গোজেনরই ওক্‌। আমেন।”