গীতসংহিতা 30:11 - Chakma Bible

¹¹ আবিলেচ্ গরানার অনুষ্ঠানত্তুন্ তুই মরে নাচর্ উৎসবত্ আন্যচ্; আবিলেচ্ গরানার কাবড়ানি খুলিনে তুই মরে ফুত্তি গুরিবার কাবড়ানি উরেয়োচ্,

গীতসংহিতা 30:11 ပူးပေါင်းရင်းမြစ်များ

পত্থম 37:35

তার অন্য বেক্‌ পুয়ো-ঝি গুনে তারে বুঝেবার্‌ চেলাক্, মাত্তর্‌ কনঅ বুঝোনার কধা তে নঅ শুনিলো। তে কলঅ, “আবিলেচ্ গত্তে গত্তে মুই মরণ জাগাত্‌ মঅ পুয়োবো ইধু যেম।” এবাবোত্যেগুরি যাকোবে যোষেফত্যে কানিলো।

পত্থম 45:28

তে কলঅ, “মর্‌ পুয়ো যোষেফে যে এজঅ বাঁজি আঘে সিয়েনোই যদেষ্ট। মুরিবার্‌ আগেন্দি মুই যেইনে তারে একবার্‌ রিনি চেম্।”

২ শমূয়েল 6:14

দায়ূদে মসীনার এফোদতো উরিনে লগেপ্রভুর মুজুঙোত্‌ বলপড়ে সং নাজা ধুরিলো।

২ বংশধর 20:12

ও আমার্‌ গোজেন, তুই কি তারারে বিচের্‌ ন-গুরিবে? এই যে দাঙর্‌ সৈন্যদল্লো আমারে আক্রমণ গুরিবাত্তে এজের্‌ তারা মুজুঙো-মুজুঙি অবার্‌ বলান্‌ আমার নেই। কি গরা পুরিবো সিয়েন্‌ আমি ন-জানিই, মাত্তর্‌ আমি বানা তইন্দি চেই আগিই।”

২ বংশধর 20:3

সেক্কে যিহোশাফটে দোরেইনে ঠিগ্‌ গুরিলোদে, তে লগেপ্রভু ইদু বল্‌ চেবঅ। তে যিহূদা দেজর্‌ পুরো জাগানিত্‌ উবোজ্‌ বিলিনে জানেই দিলো।

২ বংশধর 20:9

যুনি কনঅ দজা আমা উগুরে এজে-সিয়েন্‌ যুদ্ধো, সাজা, ভানা বা ভাদঅ রাদ্‌ ওক্‌- মাত্তর্‌ আমি সেক্কে এ ঘরান মুজুঙোত্‌, অত্তাৎ তঅ মুজুঙোত্‌ থিয়্যেম্‌, কিত্তে তুই এ ঘরানত্‌ বজত্তি গরচ্‌। আমা দুগোর্‌ সময়োত্‌ আমি তমা ইদু কানিবোং, আর তুই আমা কধাগান শুনিনে আমারে উদ্ধোর্‌ গুরিবে।

নহিমিয় 8:10

নহিমিয় কলদে, “তুমি যেইনে গম্‌ গম্‌ হানা আর মিষ্টি রস্‌ খঅ আর যিগুনোর্‌ কনঅ হেবার্‌ নেই তারারে কিজু কিজু পাধেই দুয়ো। এচ্ছ্যে দিন্নো অলদে আমা লগেপ্রভুর নাঙে পবিত্র। তুমি মনত্‌ দুঘ্ ন-আন্য, কিত্যে লগেপ্রভুর দিয়্যে হুজিগান্‌ অলদে তমার্‌ বল্‌।”

ইষ্টের 9:22

ইয়েনর্‌ ভেদ্‌তান্ অলঅ, এ দ্বিবে দিনোত্‌ যিহূদীগুনে তারার্‌ শত্রুগুনোর আঢত্তুন্‌ মাব্‌ পেইয়োন আর সে মাজত্‌ তারার্‌ দুঘ্‌ আর আবিলেচ্‌ হানাগান্ মেইট্‌বান পালেইনে বুদুলি যেইয়্যে। তে তারারে লিগিলো যেনে তারা সেই দিনুনোত্‌ মেইট্‌বান আর হুজির দিন আহ্‌ একজন আরেকজনর ইদু খানা পাদেবার আর নাদামানুচ্চুনো ইদু বক্‌শিজ্‌ দিবার দিন বিলিনে পালান্‌।

গীতসংহিতা 149:3

তারা নাজি নাজি তারে বাঈনী গোরোদোক্, খঞ্জনি আর বীণা বাজেইনে গোজেন নাঙে নাঙ্ গিনেদে গীদ্ গাদোক্;

গীতসংহিতা 150:4

ঝোন্‌ঝোনি বাজেইনে নাজি নাজি তারে নাঙ্ গিনো, গিটার আর বাশী বাজেইনে তারে নাঙ্ গিনো।

গীতসংহিতা 27:7

ও লগেপ্রভু, মুই ডাগিলে তুই শুনিচ্, মঅ উগুরে দোয়্যে গর্, মুই ডাগিলে জোব্ দিচ্।

গীতসংহিতা 30:5

কিয়া তা রাগকান্ বেশ্ ন-থায়; তার্ দোয়্যেলোই জিংকানি পাহ্ যায়। বানা কানদে কানদে রেত্তো কাদি যায়, মাত্তর্ বেন্যে পোত্যে হুজিগান্ এজে।

গীতসংহিতা 4:7

বোউত্ গুলোগুলি আর নুয়ো আংগুর-রস পেলে মানুচ্চুনোর যেধোক্ক্যেন্ মনানি হুজি অয়, তাত্তুনো বেশ্ রঙ্গ-ফুত্তিলোই তুই মঅ মনান্ ভোরেই রাগেয়োচ্।

উপদেশক 3:4

কানিবার্ সময় আর হা্‌জিবার্ সময়, আবিলেচ্ গুরিবার্ সময় আর নাজিবার্ সময়,

যিশাইয় 25:3

সেনত্তে খেমতাবলা জাদ্‌তুনে তরে বাঈনী গুরিবাক‌্ আর চিৎগিলে নেইয়্যে জাদ্‌‌‌‌তুনোর শঅরানি তরে ভোক্তি গুরিনে দোরেবাক্।

যিশাইয় 25:8

মরণানরে তে উমরত্তে ভস্ত গুরিবো। প্রভু লগেপ্রভু বেক্কুনোর চোগো পানিগান পুজি দিবো আর বেক্ পিত্‌থিমীগানত্তুন্ তা মানুচ্চুনোর অসর্মানান্ দূর গুরিবো। লগেপ্রভু এ কধাগান কোইয়্যেদে।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

যিরমিয় 52:33

যিহোয়াখীনে জেলখানার কাবড়্-চুগোরানি খুলি ফেলেল আর জিংকানির্ বাদবাগি দিনুন্ দোলেডালে রাজা সমারে হানা-দানা গুরিনে কাদেই দিলো।

লূকে লেখ্যে গম্ হবর্ 15:22

মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

যোহন 16:20

মু‌ই তমারে ঘেচ্চ্যেক্‌গুরি কঙর্, তুমি কানিবা আর দুঘে ভাঙি পরিবা মাত্তর্ জগদর্ মানুচ্চুনে ফুত্তি গুরিবাক্। তুমি দুঘ্ পেবা, মাত্তর্ যেরেদি তমার্ সেই দুঘ্‌কান্ আর ন-থেবঅ; সিয়েনর্ বদলে তুমি হুজী অবা।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”