গীতসংহিতা 29:3 - Chakma Bible

³ পানি উগুরে লগেপ্রভুর রঅবো শুনো যায়; আগাজ বাজ্ পড়ানার রবোলোই বাঈনী গুরিবার গোজেনে গুজুরি উদে; বেক্ পানিগান উগুরে আগাজ বাজ রবোত্ রোইয়্যেদে লগেপ্রভুর গুজুরোনিবো।

গীতসংহিতা 29:3 ပူးပေါင်းရင်းမြစ်များ

ইয়োব 36:33

তা দেবাবোর গুজুরোনিগানে ঝড় এবার্ হবরান দে; য়েমানর পালুনেয়ো ঝড় পড়িবার হবরান জানান্।

ইয়োব 40:9

তর্ কি গোজেন ধোক্ক্যেন বল্ আঘে? তর্ রঅবো কি তা গুজুরোনিবো ধোক্ক্যেন?

গীতসংহিতা 104:3

তর্ স্বর্গর থেবার জাগানর গড়াগান্ তুই দেবাবো পানিগান উগুরে থিদেবর্ গোজ্যস্; তুই মেঘ্‌কানরে গোজ্যস্ তর্ রথ; তুই বোইয়্যের ডুয়োগানিলোই ভর্ গুরিনে আঢাউদো গরচ্।

যাত্রা 19:16

তিন দিনোত্‌ বেন্যেমাদান্ মেঘ গুজুরো ধুরিলো আর ঝিমিলেনি অলঅ‌ আর মুড়োবো উগুরে এককট্টা ঘন মেঘ দেগা দিলো। ইয়েন বাদেয়ো অমহদ দাঙর দাঙর গুরি শিঙের্ রঅ শুনো গেলঅ। এদক্কানি দেগিনে শুনিনে তাম্বুলো ভিদিরে বেক্‌ মানুচ্চুনে গির্‌গিরেই উদিলাক্।

যাত্রা 9:28

তুই লগেপ্রভু ইধু কোজোলী গর্‌। আগাজ বাজ্ আর শিল্‌ পড়ানা জদবদে ওইয়্যে। এবেরা মুই তমারে যেবাত্তে দিম। ইধু আর তমাত্তুন্‌ থাহ্ ন-পড়িবো।”

যাত্রা 9:33

ইয়েন পরেদি মোশি ফরৌণ ইত্তুন্‌ গেলগোই। শঅরত্তুন্‌ নিগিলিনে তে লগেপ্রভু ইধু আঢ্‌তানি মিলিনে তবনা গুরিলো। সেক্কে আগাজ বাজ্ পড়ানা আর শিল্‌ পড়ানা থামেল। মাদি উগুরে ঝড় পড়ানায়ো থামেল।

যোহন 12:29

যে মানুচ্চুনে সিয়েনত্ থিয়্যেই এলাক্ তারা সিয়েন্ শুনিনে কলাক্, “সিয়েন মেঘ গুজুরোনি।” কেঅ কেঅ আরঅ কলাক্, “কন্ স্বর্গদূতে তা সমারে কধা কলঅ।”

প্রেরিত্‌ 7:2

জোবত্ স্তিফানে কলঅ, ও মর্ ভেইয়ুন্ আর বাব্‌লগ্, মঅ কধাগান শুনো। আমা পূরোণি মানুচ্ অব্রাহামে হারণ শঅরত্ বজত্তি গুরিবার আগেদি যেক্কে মেসোপতেমিয়া দেজত্ এলঅ সেক্কে বাঈনী গুরিবার গোজেনে তারে দেগা দিইনে কোইয়্যেদে,

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 16:18

সেক্কে দেবা ঝিমিলেনি উয়ো ধুরিলো, দর্‌গরেপারা আবাজ্ অনা আর দেবা পেরাগ পড়া ধুরিলো আর এমন্‌ দর্‌গরেপারা ভূজোল্ বেলঅ যিয়েন পিত্‌থিমীত মানুচ্‌ সৃট্টির পরেত্তুন্ ধুরি আর কনদিন্‌অ দেগা ন-যায়। সেই ভুজোলান্ অমকদ দর্‌গরেপারা এলঅ।

ফগদাং পেইয়্যে 19:6

সে পরেদি মুই ভালোক্কুন্ মান্‌জ্যর্ ঝাগঅ রঅ, জোরে বেঈ যেইয়্যে গঙার পানি রঅ আর জোরে দেবা পেরাগ রঅ ধোক্ক্যেন গুরি কোইয়্যে এ কধাগান শুনিলুং, “হাল্লেলূয়া! আমার বেগত্তুন্ খেমতাবলা প্রভু গোজেনে রাজাগিরি গরানা আরাম্ভ গোজ্জ্যে।

ফগদাং পেইয়্যে 4:5

সেই সিংহাসনানত্তুন্ ঝিমিলেনি, দর্‌গরেপারা রঅ আর দেবাপেরাগর্ আবাজ্ নিগিলের্। সিংহাসনান মুজুঙোত্ সাত্‌টো বাট্টি জ্বলের্। সেই বাট্টিগুন গোজেনর্ সাত্‌টো আত্মা।

ফগদাং পেইয়্যে 8:5

সেক্কে সেই স্বর্গদূত্‌তো ডালি পূজোবোত্তুন্ আগুন লোইনে সেই ধূব্ কদরাবো ভোরেল আর পিত্‌থিমীত ফেলেই দিলো। সেক্কে আগাজ বাজ্ পড়েদে রঅ আর অন্য বাবোত্যে রঅ অলঅ, আর ঝিমিলেল আর ভূজোল্ বেলঅ।

১ শমূয়েল 7:10

শমূয়েলে যেক্কে পুজ্যে-উৎসর্বর অনুষ্ঠানান্‌ গোজ্যে সেই অক্তত্‌ ইস্রায়েলীয়গুনোর লগে যুদ্ধো গুরিবাত্তে পলেষ্টীয়গুনে উজেই এলাক্। মাত্তর্‌ সেদিন্যে লগেপ্রভু পলেষ্টীয়গুনোর বিরুদ্ধে আগাজ বাজ্‌ পড়েদে ধোক্ক্যেন জদবদে গুজুরি উদিলো। সেক্কে দরে তারার দল্লো ভাঙি গেলঅ আর তারা ইস্রায়েলীয়গুনো ইদু উদিই গেলাক্।