গীতসংহিতা 28:9 - Chakma Bible

⁹ ও লগেপ্রভু, তঅ মানুচ্চুনোরে তুই রোক্ষ্যে গর্, তর্ সোম্বোত্তিগানরে তুই আশিদ্‌বাদ গর্; তুই তারার্ পালক অ আর উমরত্যে তারারে বুয়োই নেযা।

গীতসংহিতা 28:9 ပူးပေါင်းရင်းမြစ်များ

২ শমূয়েল 21:3

দায়ূদ গিবিয়োনীয়গুনোরে পুযোর্‌ গুরিলো, “মুই তমাত্তে কি গুরিম? কেধোক্ক্যেন গুরি মুই ক্ষতিপূরণ গুরি পারং যেনে তুমি লগেপ্রভুর সোম্বোত্তিগানি ইস্রায়েলীয়গুনোরে বর্ দুয়ো।”

২ শমূয়েল 7:7

যিদুক্কুন নেতা উগুরে মুই মঅ মানুচ্‌ ইস্রায়েলীয়গুনোরে পালেবার্‌ ভারান্‌ দুয়োং, নানান্‌ জাগাত্‌ ইস্রায়েলীয়গুনো সমারে ঘুরিবার অক্তত্‌ মুই সে নেতাগুনোরে কাররে ন-কং, কিত্তেই তারা এরস তক্তালোই মল্লাই ঘর ন-বানান্‌।

১ রাজাবলী 8:51

কিত্তে ইস্রায়েলীয়গুনে দঅ তর্‌ মানুচ্‌, তর সোম্বোত্তি যিগুনোরে তুই মিসর দেজত্তুন্‌ নিগিলেই আন্ন্যচ্‌, নিগিলেই আন্ন্যচ্‌ লুয়ো গোলেয়্যে চুলো ভিদিরেত্তুন।

১ রাজাবলী 8:53

ও প্রভু লগেপ্রভু, আমা পূরোণি মানুচ্চুনোরে মিসরত্তুন্‌ নিগিলে আনিবার অক্তত্‌ তঅ চাগর্‌ মোশিরে দিইনে তর্‌ কধা মজিম তর্‌ নিজোর সোম্বোত্তি অবাত্তে পিত্তিমীর্‌ বেক্‌ জাদ্‌তুনো ভিদিরেত্তুন্‌ তুই ইস্রায়েলীয়গুনোরে যুদো গুরি নেযেয়োচ্‌।”

ইষ্রা 1:4

গোজেনর্ যিদুক্কুন্ মানুচ্ এজঅ বাঁজি আগন তারা ‍যিয়োদোই বজত্তি গুরিদাক্ সাৎ তারা ভিদিরে যিগুনে যিরূশালেমত্ যেবাত্তে চায় তারার্ পাড়াল্যেগুনে যেনে তারার্ সনা-রূবো, জিনিসপাদি আর য়েমান দিইনে সাহায্য গরন্ আর যিরূশালেমত্ গোজেনর্ ঘরত্যে নিজের আওজে বক্‌শিজ্ দুয়োন।

গীতসংহিতা 14:7

ইস্রায়েলীয়গুনোর্ উদ্ধোরান সিয়োন ভিদিরেত্তুন্ এজোক্; লগেপ্রভু যেক্কেনে তা মানুচ্চুনোর্ অবস্থাগান ফিরেব সেক্কেনে যাকোবর বংশগুনে ফুত্তি গুরিবাক্- ইস্রায়েলীয়গুনে হুজি অবাক্।

গীতসংহিতা 25:22

ও গোজেন, ইস্রায়েলরে তার বেক্ দুখকানিত্তুন্ উদ্ধোর্ গর্।

গীতসংহিতা 78:71

তারে দুধবলা পাদি ভেড়াগুনোরে চেইচিদিবার কামত্তুন্ আনিলো, যেন তে প্রভুর মানুচ্চুনোরে, অত্তাৎ যাকোবর বংশবোরে, যিগুন তার সোম্বোত্তি সেই ইস্রায়েল জাদ্‌তোরে চোরেই পারন্।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 46:3

ও যাকোবর বংশ, ইস্রায়েলর বংশর বাঁজি থেইয়্যে মানুচ্চুন্, তুমি মঅ কধাগান শুনো। পেদত্ এবার অক্তত্তুন্ ধুরি আর জর্মর পরেত্তুন্ ধুরি মুই তমা ভারান্ বুয়োঙর্।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

যিরমিয় 31:7

লগেপ্রভু কোইয়্যেদে, তুমি যাকোবত্তে হুজি মনে গিদ্ গঅ; বেগত্তুন সেরা জাদত্তে হুজির্ রঅ গরঅ। তুমি নাঙ্ গিনিনে কঅ, ও লগেপ্রভু, তঅ মানুচ্চুনোরে, ইস্রায়েলর বাঁজি থেইয়্যে মানুচ্চুনোরে উদ্ধোর্ গর্।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

মীখা 7:14

ও লগেপ্রভু, তুই মুগোর্ আঢত্ গুরিনে তঅ মানুচ্চুনোর গরগ্‌‌‌কুনোরে চরাচ্। তারা দঅ তর্ নিজোর্ পাল। তারা চেরোকিত্তে বোল্‌‌‌বোল্যে চড়াইদ্যে ভূই থেলেয়ো তারা গায় গায় ধূল্যেচর চাগালাত্ বজত্তি গরদন্। ভালোক্ দিন আগে যেবাবোত্যেগুরি চড়িদাক্ সেবাবোত্যেগুরি তারা যেন বাশন আর গিলিয়দত্ চড়িনে বেড়েই পারন।

মথি লেখ্যে গম্ হবর্ 2:6

যিহূদা দেজর্ বৈৎলেহম, যিহূদা ভিদিরে তুই কনমতে চিগোন্ নয়, কিয়া তঅ ভিদেরেত্তুনই এমন এক্কো শাজন্‌‌গুরিয়্যে এবঅ যিবে মঅ ইস্রায়েল জাদরে পরিচালনা গুরিবো।”

ইফিষীয় 1:18

মুই আরঅ তবনা গরং যেন তমার মনর্ চোগ্‌কুন খুলো যায়, যেন তার্ ডাগানার্ কারনে তমা মনত্ যে আজা জাগি উঠ্যে সিয়েনি তুমি বুঝি পারঅ; আর সে লগে ইয়েন-অ বুঝি পারঅ যে, তা ইধু তা মানুচ্চুনে কত্তমান এক্কান দাঙর্ সোম্বোত্তি আর আমি যিগুনে বিশ্বেজি আমা মনত্ তার্ কত্তমান দাঙর্ বল্ কাম গরের্।

দ্বি’লম্বর বিররণ 32:9

লগেপ্রভুর পাওনা ভাগই অলঅ তার মানুচ্চুন; যাকোব, অয়, ইস্রায়েল জাদ্‌তো অলঅ তার পাওনা সোম্বোত্তি।

দ্বি’লম্বর বিররণ 9:26

তাইদু মুই ইয়েন্‌ কোইনে তবনা গোজ্যং, ও প্রভু লগেপ্রভু, তঅ মানুচ্চুনোরে তুই ভস্ত গুরি ন-ফেলেচ্‌। তারা দঅ তরই সোম্বোত্তি যিগুনোরে তুই তর্‌ দাঙর্‌ বল্লোই উদ্ধোর্‌ গোজ্যস্‌ আর তর্‌ বোলী আত্তান্‌ বেবহার্‌ গুরিনে মিসর দেজত্তুন্‌ নিগিলেই আন্যচ্‌।

দ্বি’লম্বর বিররণ 9:29

মাত্তর্‌ ইগুনে দঅ তরই মানুচ্‌, তরই সোম্বোত্তি যিগুনোরে তুই তর্‌ আত্‌তান বাড়ে দিইনে দাঙর্‌ বল্লোই নিগিলেই আন্যচ্‌।