8 লগেপ্রভু তা মানুচ্চুনোর বল্; তেয়ই তার্ অভিষেগ্ গোজ্যে মানুচ্চুনোর রোক্ষ্যেগুরিয়্যে তাম্বুলো ধোক্ক্যেন্।
ও লগেপ্রভু, মর্ খেমতাবলা উদ্ধোর্গুরিয়্যে, যুদ্ধোত্ তুয়ই মঅ মাঢাবো ঢাগি রাগাচ্।
লগেপ্রভু আর তার্ মশীহর্ বিরুদ্ধে পিত্থিমীর রাজাগুনে একসমারে থিয়্যেদন্ আর শাজন্গুরিয়্যেগুনে গুমুরো তেম্মাং গত্তন্।
ইক্কিনে মুই হবর্ পাং, লগেপ্রভু তার্ অভিষেগ্ গোজ্যে মানুচ্চুনোরে রোক্ষ্যে গরে; তার্ ডেন্ আত্তোই রোক্ষ্যে গুরিবার বলান্দোই তে পবিত্র স্বর্গত্তুন তার্ অভিষেগ্ গোজ্যে মান্জ্যর্ ডাগনিলোই ইজিরে দিবো।
কয়েকজনে তারার্ রথ্তানিলোই বাড়্ গরন, কয়েকজনে গরন্ তারার্ ঘোড়ালোই, মাত্তর্ আমি গুরিই আমা গোজেন লগেপ্রভুর।
প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;
শমূয়েলে সেক্কে তেলর বাঁশিবো নেযেইনে তা ভেইয়ুনোত্তুন্ তারে অভিষেগ গুরিলো। সে দিনোত্তুন্ ধুরি লগেপ্রভুর আত্মাগান দায়ূদো উগুরে এলঅ। ইয়েনর পরেন্দি শমূয়েলে রামাত্ ফিরি গেলঅ।