গীতসংহিতা 28:7 - Chakma Bible

⁷ লগেপ্রভু মর্ বল্ আর মর্ ঢাল ধোক্ক্যেন্; মর্ মনানে তা উগুরে বিশ্বেজ্ গরে, সেনত্তে মুই এজাল্ পেইয়োং; সেনত্তে মঅ মনান্ হুজিয়ে ভুরি উঠ্যে, আর মুই গান্‌দোই তারে ভালেদি জানেম।

গীতসংহিতা 28:7 ပူးပေါင်းရင်းမြစ်များ

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

গীতসংহিতা 13:5

মাত্তর্ মুই তর্ কোচপানা উগুরে বিশ্বেজ্ গোজ্যং; তুই মরে রোক্ষ্যে গুরিবে বিলিনে মঅ মনান্ হুজি।

গীতসংহিতা 13:6

লগেপ্রভু মরে ভালেদি গোজ্যে, সেনত্তেই মুই তা নাঙে গীত্ গেম্।

গীতসংহিতা 19:14

ও লগেপ্রভু, মর্ আশ্রয়র-মুড়ো, মর্ উদ্ধোর্ গুরিয়্যে, মর্ মুয়োর কধানি আর মর্ মনর্ চিদেগানিয়ে তরে যেন হুজি গরে।

গীতসংহিতা 21:1

ও লগেপ্রভু, তর্ বলান্ দেগিনে রাজা হুজি অয়; তুই তারে জিদেই দিলে তে কত্তমান হুজি অয়।

গীতসংহিতা 22:4

তঅ উগুরে বিশ্বেজ্ গুরিদাক্ আমা পুরোণী মানুচ্চুনে; তারা বিশ্বেজ্ গুরিদাক্, আর তুই তারারে রোক্ষ্যে গুরিদে।

গীতসংহিতা 28:8

লগেপ্রভু তা মানুচ্চুনোর বল্; তেয়ই তার্ অভিষেগ্ গোজ্যে মানুচ্চুনোর রোক্ষ্যেগুরিয়্যে তাম্বুলো ধোক্ক্যেন্।

গীতসংহিতা 3:3

মাত্তর্ ও লগেপ্রভু, তুই মর্ চেরোকিত্তে ঢাল্ ওই আগজ্। তুয়ই মর্ বাঈনী গুরিবার গোজেন; মর্ নিগিজ্যে মাঢাবো তুয়ই অজল্ গোজ্যস্।

গীতসংহিতা 3:4

মুই রঅ ছাড়িনে লগেপ্রভুরে ডাগং, আর তে মরে তার্ সুদ্ধো-সাংগ মুড়োবোত্তুন্ জোব্ দে।

গীতসংহিতা 33:21

অয়, তারে ঘিরি রোইয়্যেদে আমা মনর্ রঙ্গ-ফুত্তিগানিয়ে, কিত্যে আমি তার্ পবিত্রতাগান উগুরে বিশ্বেজ্ গুরিই।

গীতসংহিতা 37:39

গোজেন ভক্তগুনোর্ উদ্ধোর অনাগান লগেপ্রভু ইত্তুন্ এজে; দজার্ সময়োত্ তেয়ই তারার্ আশ্রয়।

গীতসংহিতা 40:3

তে মর্ মুয়োনত্ দিলো নূয়ো গান, আমা গোজেনর নাঙ্ গিনেদে-গান। ভালোক্ জনর চোগোত্ সিয়েন্ পড়িবো আর তারার্ মনত্ ভোক্তিবলা দর্ অবঅ; তারা লগেপ্রভু উগুরে বিশ্বেজ্ গুরিবাক্।

গীতসংহিতা 43:2

তুয়ই মর্ আশ্রয়-তাম্বুল ধোক্ক্যেন্ গোজেন; কিয়া তুই মরে ছাড়ি যেইয়োচ্? কিত্তেই মত্তুন্ শত্রুগুনোর অত্যেচারে মনত্ দুখ্ গুরিনে বেড়া পুরিবো?

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

গীতসংহিতা 46:2

যুনিয়ো পিত্‌থিমীগান গির্‌গিরে উদে, মুড়ো-মুড়িগুন সাগরর্ সংমোধ্যে যেইনে পড়ন্দোই, যুনিয়ো বা পানিগান গুজুরি উদে আর ফেনালোই ভুরি উদে আর তার তুবলানর্ ঠেলালোই মুড়ো-মুড়িগুন জাগা লড়ন্, তো আমি ন-দোরেবং।

গীতসংহিতা 69:30

মুই গীদ্ গেইনে গোজেনরে নাঙ্ গিনিম্; ভালেদি জানেইনে তার বাঈনী গুরিবোং।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গীতসংহিতা 91:4

তার ডুয়োনিলোই তে তরে ঢাগি রাগেব, তার ডুয়োগানির তলে তুই আশ্রয় পেবে; তার বিশ্বেজ্‌ছান তর্ ঢাল আর কিয়্যে রোক্ষ্যেগুরিয়্যে ঢাল অবঅ।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

ফগদাং পেইয়্যে 15:3

তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।