গীতসংহিতা 28:5 - Chakma Bible

⁵ লগেপ্রভুর আঢ্‌তানিয়ে যে কামানি গোজ্যে সিয়েনি উগুরে তারা মনযোগ ন-দুয়োন, সেনত্তেই তে তারারে ভস্ত গুরিবো, আরঅ ন-তুলিবো।

গীতসংহিতা 28:5 ပူးပေါင်းရင်းမြစ်များ

২ শমূয়েল 7:13

তর্‌ সে পূঅবোই মঅ গম্ নাঙানত্তে এক্কান ঘর বানেব। তার রাজ-সিংহাসনান্ মুই জিংকানিবর্‌ থিদেবর্ গুরিম।

২ শমূয়েল 7:27

“ও বেগত্তুন্‌ খেমতাবলা লগেপ্রভু, ইস্রায়েলীয়গুনোর গোজেন, তুই তঅ চাগর্‌বো ইদু এ পৌইদ্যেনে ফগদাং গুরিনে কোইয়োচ্‌, ‘মুই তত্তে এক্কো বংশ যুক্কোল্ গুরিম।’ সেনত্তেই তইদু এ তবনাগান গুরিবাত্তে তর্‌ এ চাগরবোর্‌ মনত্‌ সাহস ওইয়্যে।

১ রাজাবলী 11:38

যুনি তুই মর্‌ উঘুম্‌ মজিম্ কাম্‌ গরচ্‌ আর মর্‌ পধেন্দি আদচ্‌ আর মর্‌ চাগর্‌ দায়ূদো ধোক্কেন্‌ মর্‌ সুদোম আর উগুমানি পালেইনে মঅ চোগেন্দি যিয়েনি ঠিগ সিয়েনি গরচ্‌ সালে মুই তঅ সমারে থেম্‌। মুই দায়ূদো ধোক্কেন্‌ তঅ বংশত্‌ রাজপদথ্‌ থিদেবর্ গুরি দিম্‌ আর তঅ আঢত্‌ ইস্রায়েলরে দিম্‌।

গীতসংহিতা 10:5

নিত্য তে ফলাইদে পধেদি উজেই যায়; তা চোখকুন্ তর্ শাজন্-বেবস্থাগানরে লাঘ্ ন-পায়, কিয়া সিয়েন্ বোউত্ উগুরে; তার্ বেক্ শত্রুগুনোরে তে ঈচ্ গরে।

গীতসংহিতা 104:24

ও লগেপ্রভু, তুই ভালোক্কানি বানেয়োচ্; তর্ জ্ঞান্দোই সিয়েনি বানেয়োচ্; তর্ বানেয়্যে জিনিজে দুনিয়্যেগান ভরা।

গীতসংহিতা 8:3

মুই যেক্কে তঅ আঢ্‌‌তোই বানেয়্যে আগাজ ইন্দি রিনি চাং আর সিদু তর্ থিদেবর্ গোজ্যে চানান্ আহ্ তারাগুনোরে দেগং,

যিশাইয় 22:11

পুরোণ পোরো পানিগান রাগেবাত্তে তুমি দি দেবাল সংমোধ্যে এক্কান জাগা বানেয়ো। মাত্তর্ যিবে এ অবস্থাগান ঘোদেয়্যে তুমি তান্দি ন-চেলা, বা ভালোক্ দিন আগে যিবে এ বেক্কানি পরিকল্পনা গোজ্যে তা উগুরে তমার্ ভোক্তি ন-এলঅ।

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিশাইয় 45:12

মুয়ই পিত্‌থিমীগানরে বানেইনে তা উগুরে মানুচ্চুনোরে বানেয়োং; মুই নিজো আঢে আগাজ্‌চানরে বিজেই দুয়োং আর আগাজর বেলান্, চানান্ আর তারাগুনোরে বোজেই দুয়োং। ‌‌‌‌‌‌‍‌‌‌‌‌‌

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

যিশাইয় 45:8

ও আগাজ্‌‌‌ছান, তুই ভালেদি গুরিবাত্তে ঝড় ফেলাচ্; মেঘ্‌কানে ভালেদি ঢালি দোক্। পিত্‌‌‌‌‌থিমীর বুগ্‌‌‌‌‌কান খুলি যেইনে উদ্ধোরান ভাজি উদোক্ আর সিয়েন সমারে বাড়ি উদোক্ গম্ জিনিস্‌‌‌‌‌চান। মুই লগেপ্রভু ইয়েনর্ বেবস্থা গোজ্যং।

যিশাইয় 5:12

তারার হানা অক্তত্ থেবদে সুরবাহার আর বীণা, আহ্ থেবদে ঝোন্‌ঝোনি, বাশি আর আংগুর-রস; মাত্তর্ লগেপ্রভুর কাম উগুরে তারার্ কনঅ মনযোগ নেই, তা আঢ কাম উগুরে কনঅ খিয়েল্ নেই।

যিরমিয় 31:4

ইক্কিনে তে কোইয়্যেদে, “ও গাবুরী ইস্রায়েল, মুই তরে আরঅ শিগেইনে তুলিম, সেক্কে তুই আরঅ কাবিল্ ওই উদিবে। তুই আরঅ তর্ ঝোন্‌‌‌ঝোনি নিবে আর ফুত্তিগুরিয়্যেনোর লগে নাজিবাত্তে যেবে।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

গণাণা 23:23

যাকোব উগুরে কনঅ যাদুবিদ্যে ন-খাদেব; ইস্রায়েল উগুরে ন-খাদেবে কনঅ তন্ত্রমন্ত্র। যাকোব, অত্তাৎ ইস্রায়েল পৌইদ্যেনে ইক্কিনে এই কধানি কুয়া যায়, ‘গোজেনে যিয়েনি গোজ্যে সিয়েনি চাহ্।’

যোহন 12:37

যুনিয়ো তে তারা মুজুঙোত্ চিহ্নো ইজেবে এদক্কানি আমক্ কাম্ গোজ্যে তো মানুচ্চুনে তা উগুরে বিশ্বেজ্ ন-গরন্।

রোমীয় 1:20

গোজেনর্ যেদক্কানি গুণ চোগেদি দেগা ন-যায়, অত্তাৎ তার্ উমরর্ খেমতা আর গোজেনর গুণান্ সৃট্টির আরাম্ভত্তুন্ ধুরি গমেডালে ফুদি উঠ্যে। তার্ সৃট্টিত্তুন্ ধুরি মান্‌জ্যে সিয়েন গমেদালে বুঝি পারন্। ইয়েনর্ পরেদি মান্‌জ্যর্ আর কনঅ জোব্ দিবার নেই।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।