গীতসংহিতা 28:4 - Chakma Bible

⁴ তারার্ কামর্ ফল, তারার্ ভান্ন্যেই কামর্ ফল, তুই তারারে দিচ্; তারার্ আঢ্‌তানিয়ে যে কামানি গরের্ সিয়েনর ফলুন্ তারারে দে; তারার্ যিয়েনি পাওনা সিয়েনি তারারে দে।

গীতসংহিতা 28:4 ပူးပေါင်းရင်းမြစ်များ

২ শমূয়েল 3:39

রাজা ইজেবে মরে অভিষেগ্ গরা অলেয়ো এচ্চ্যে মুই বল্‌পোজ্যে আর সরূয়ার পূয়োগুনোরে মুই দোঙেই ন-পারঙ্। লগেপ্রভু যেনে অন্যেয় গুরিয়্যেগুনোরে অন্যেয়র্‌ কাম মজিম সাজা দে।”

ইষ্রা 9:13

“আমা ভান্ন্যেই কাম আর আমা দাঙর্ পাপত্যে আমা উগুরে ইয়েনি ঘদের্, মাত্তর্ তো ও আমার্ গোজেন, আমা পাপর পাওনা মজিম তুই আমারে কম্ সাজা দুয়োচ্ আর আমার কিজু মান্‌‌জ্যরে বাঁজি থাগদে দুয়োচ্।

গীতসংহিতা 103:10

আমা পাপর্ সাজা যেত্তমান্ আমার পাওনা সেত্তমান্ তে আমারে ন-দে; আমা অন্যেয় মজিম অ সাজা ন-দে।

গীতসংহিতা 21:10

পিত্‌‌থিমীর বুগোত্তুন্ তারার্ বংশধরুনোরে তুই ভস্ত গুরি ফেলেবে; ভস্ত গুরি দিবে তারার্ বংশবো মানেয় ভিদিরেত্তুন।

গীতসংহিতা 5:10

ও গোজেন, তুই তারারে দুষি বিলিনে ফগদাং গর্; তারার্ কুজুরোমিলোই তারার্ দযা ওক্। তারার্ গুণি ন-পুরেইয়্যে দুষোত্যে তুই তারারে ধাবেই দে, কিয়া তারা তঅ বিরুদ্ধে উল্লোমি গোজ্যন্।

গীতসংহিতা 62:12

ও প্রভু, তইদু অমকদ কোচ্‌পানা আঘে; তুই পত্তিজনরে তার কাম মজিম্ ফল দি থাচ্।

আবিলেচ্ 3:64

ও লগেপ্রভু, তারার্ কাম মজিম্ তুই তারারে ফল দে।

যিহিষ্কেল 38:10

সেদিন্যে তঅ মনত্ নানান্ চিন্তে এবঅ আরঅ তুই এক্কান কুজুরোমি মনত্ আনিবে।

রোমীয় 11:22

সেনত্তে গোজেনে যে কত্তমান্ দোয়্যেলু আর আগাত্ত্যে সিয়েন একবার্ ভাবি চাহ্। যিগুনে পড়ি যেইয়োন্ তারা উগুরে তে দরমর, মাত্তর্ তঅ উগুরে তে দোয়্যেলু-খালিক্ যুনি তুই তার্ দোয়্যে ভিদিরে থাচ্। সেধোক্ক্যেন্ ন-অলে তরেয়ো কাবি ফেলা অবঅ।

২ তীমথিয় 4:14

যে আলেক্‌সান্দরে তামা কাম গরে তে মরে বোউত ক্ষতি গোজ্জ্যে। তে যিয়েন গোজ্জ্যে সিয়েনর হেনা প্রভু শুজিবো।

ফগদাং পেইয়্যে 18:6

তে অন্যগুনো সমারে যেবাবোত্যে বেবহার গোজ্জ্যে তা সমারেয়ো সেবাবোত্যে বেবহার গর্; তা কামানির্ পুরোপুরি ফল তারে দে। যে গলজ ভিদিরে তে অন্যগুনোত্যে ভান্ন্যেই মিজেদ, সিয়েনত্ তার পুরোপুরি সাজা মিজেইনে তারে হেবাত্যে দে।

ফগদাং পেইয়্যে 22:12

যীশু কত্তে, চঅ, মুই যাদিমাদি এজঙর্ আর পত্তিজনরে তার্ কাম মজিম দিবার বক্‌শিজ মঅ সমারে আঘে।