গীতসংহিতা 28:1 - Chakma Bible

¹ ও লগেপ্রভু, মর্ আশ্রয়-মুড়োবো, মুই তরে ডাগঙর্। তুই মঅ কধালোই কানান্ ঢাগি ন-থেচ্, কিত্যে তুই যুনি জুরো গুরি থাচ্ মাত্তর্ যিগুনে মরণর জাগাত্ লামি যেইয়োন্ তারা ধোক্ক্যেন মর্ দজা অবঅ।

গীতসংহিতা 28:1 ပူးပေါင်းရင်းမြစ်များ

ইয়োব 33:28

মরণর জাগাত্ লামানার আধত্তুন তে মঅ পরাণান মুক্তো গোজ্যে; মুই পহর্ দেগঙর্।

গীতসংহিতা 142:1

মুই গুজুরি গুজুরি লগেপ্রভু ইদু কানঙর্; মুই রঅ ছাড়ি ছাড়ি লগেপ্রভু ইদু কোজোলী গরঙর্।

গীতসংহিতা 142:2

মঅ দুঘোর্ কধানি মুই তা মুজুঙোত্ কঙর্, মঅ কষ্টর্ কধানি তা মুজুঙোত্ কঙর্।

গীতসংহিতা 143:7

ও লগেপ্রভু, তুই মরে যাদিমাদি জোব্ দে, কিত্তে মঅ পরাণানে যেন নিগিলি যাত্তে ধোক্ক্যেন্; মইদু তঅ মুয়োন ফিরেই ন-রাগেচ্, গোরত্ যিগুনোরে লামাদন্ মুই তারা ধোক্ক্যেন্ যেন ন-অং।

গীতসংহিতা 18:2

লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

গীতসংহিতা 22:2

ও মর্ গোজেন, দিনোত্ মুই তরে ডাগং, মাত্তর্ তুই জোব্ ন-দুয়োচ্; রেদোত্‌অ মুই জুরো গুরি ন-থাং।

গীতসংহিতা 3:4

মুই রঅ ছাড়িনে লগেপ্রভুরে ডাগং, আর তে মরে তার্ সুদ্ধো-সাংগ মুড়োবোত্তুন্ জোব্ দে।

গীতসংহিতা 30:4

ও লগেপ্রভুর ভক্তগু্‌ন্, তুমি তা নাঙে গীদ্ গঅ, তার্ পবিত্রতাগানর্ বাঈনী গরঅ;

গীতসংহিতা 30:9

“মর্ মরণত্ বা মরণর জাগাত্ যানাগান কি লাভ? ধূল্যেগানে কি তর্ বাঈনী গুরিবো বা তর্ বিশ্বেজ্‌ছান ফগদাং গুরিবো?

গীতসংহিতা 35:22

ও লগেপ্রভু, তুই ইয়েনি দেগেয়োচ্, তুই জুরো গুরি ন-থেচ্; ও প্রভু, তুই মর্ কায় কুরে থাগ্।

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

গীতসংহিতা 42:9

মর্ গোজেনর ইদু, মর্ আশ্রয়-মুড়োবোর ইদু, মুই এ কধাগান কোম্, “কিত্তেই তুই মরে ভুলি যেইয়োচ্? কিত্তেই মত্তুন্ শত্রুর অত্যেচারে মনত্ দুখ্ গুরিনে বেড়া পুরিবো?”

গীতসংহিতা 5:2

ও মর্ রাজা, ও মর্ গোজেন, তঅ সাহায্যত্তে মঅ কানানিয়ান্ তুই শুন্, কিয়া মুই তইদু তবনা গরঙর্।

গীতসংহিতা 69:15

পানি বান যেন মঅ উগুরেন্দি বেই ন-যায়, গভিন পানিগানে যেন মরে তলাত্ ন-ফেলায়; মরণ জাগানর মুয়োন যেন মত্তেই বানা ন-অয়।

গীতসংহিতা 77:1

মুই রঅ ছাড়িনে গোজেন মুজুঙোত্ কানঙর্; মুই গোজেন ইদু রঅ ছাড়ঙর্ যেনে তে সিয়েনি শুনিনে জোব্ দে।

গীতসংহিতা 83:1

ও গোজেন, তুই জুরো গুরি বোই ন-থেচ্; ও গোজেন, তুই মুয়োন বানি ন-রাগেচ্, সাড়্ দিচ্।

গম্ উপদেজ্ 1:12

তারা যেবাবোত্যেগুরি পুরো কিয়্যেগান্দোই জেদাবাদে মরণ জাগাত, অত্তাৎ সে গাত্তোত্ লামন্দোই, সেবাবোত্যেগুরি এজঅ, আমি তারারে জেদাবাদে পুরো গিলি ফেলেই;

যিশাইয় 26:4

তুমি উমরত্তে লগেপ্রভু উগুরে বিশ্বেজ্ গরঅ, কিত্তে লগেপ্রভু, সেই লগেপ্রভুই উমরত্তে আশ্রয়-মুড়ো।

যিশাইয় 38:18

মরণ জাগায়ানে দঅ তরে বাঈনী গুরি ন-পারে, আর মরণানেয়ো তর্ নাঙ্-গিনেদে গান গেই ন-পারে। যিগুনে সে গাঢত্ লামন তারা তর্ এগেমর্ ভর্‌‌পুনঙান আজা গুরি ন-পারন্।