গীতসংহিতা 27:6 - Chakma Bible

⁶ যিদুক্কুন্ শত্রুয়ে মরে ঘিরিনে ধোজ্যন্ তারাত্তুন্ বেশ্ সেক্কেনে মর্ সর্মানান্ বাড়িবো; মুই তা ঘরত্ হুজিয়ে রঅ ছাড়ি ছাড়ি নানান্ বাবোত্যে উৎসর্ব গুরিম; মুই লগেপ্রভুর নাঙে গীত্ গেম্ আর তার নাঙ্ গিনেদে গান গেম্।

গীতসংহিতা 27:6 ပူးပေါင်းရင်းမြစ်များ

পত্থম 40:13

এ তিন দিনো ভিদিরে ফরৌণে তরে ইয়োত্তুন্‌ নিগিলেই নিইনে পুরোণি কামত্‌ অদে অদে লাগেব। পানীয় দিয়্যে ইজেবে তুই আগ ধোক্ক্যেন গুরি আরঅ ফরৌণ আদত্‌ গলচ্চো তুলি দিবে।

পত্থম 40:20

এই তিন্‌ দিনোত্‌ ফরৌণে তা তলেদি যে মানুচ্চুনে কাম্‌ গুরিদাক্‌ তারারে এক্কো হানা হাবেল। সেদিন্যে এলঅ তার্‌ জর্মদিন। ফরৌণে সেদিন্যে তার্‌ পানীয় ভাগগুরি দিয়্যেগুনোর নেতাবোরে আর রুটি বানেয়্যেগুনোর নেতাবোরে নিগিলেনে সে মানুচ্চুনো মুজুঙোত্ আনিলো।

২ শমূয়েল 22:1

লগেপ্রভু যেক্কে দায়ূদোরে শৌল আর তার অন্য শত্রুগুনোর্‌ আঢত্তুন্‌ উদ্ধোর্ গুরিলো সেক্কে তে লগেপ্রভুর নাঙে এ গান্নো গেইয়্যে:

২ শমূয়েল 22:49

তে শত্রুগুনোর আঢত্তুন্ মরে রোক্ষ্যে গোজ্যে। ও গোজেন, তুই মরে শত্রুগুনোর উগুরে তুল্যচ্‌, অত্যেচারী মানুচ্চুনোর আঢত্তুন্ তুয়ই মরে রোক্ষ্যে গোজ্যস্‌।

২ শমূয়েল 7:9

তুই যেদক্কানি জাগাত্‌ যেইয়োচ্‌ মুইয়ো সিদু তঅ লগে যেইয়োং আর তঅ মুজুঙোত্তুন্‌ তর্‌ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্তিমীর্ নাঙ্‌গিন্যে মানুচ্চুনোর নাঙানি ধোক্ক্যেন্‌ নাঙ্ তাই পাড়া গুরিম্।

২ রাজাবলী 25:27

যিহূদার রাজা যিহোয়াখীনোর বন্দী অনার্‌ সাত্রিশ বজরত্‌ ইবিল-মরোদকে বাবিলো রাজা অলঅ। তে সে বজরত্‌ বার মাস সাদেশ্‌ দিনোত্‌ যিহোয়াখীনরে জেলোত্তুন্‌ ইরি দিলো।

১ বংশধর 22:18

“তমা গোজেন লগেপ্রভু কি তমা সমারে নেই? তে কি বেক্কানিন্দি তরে সুগ-শান্দি নঅ-দে? তে দঅ এ দেজর্‌ মানুচ্চুনোরে মঅ আদত্‌ তুলি দিয়্যে আর দেজ্‌ছান লগেপ্রভু আর তা মানুচ্চুনোর্‌ অধীন্‌ ওইয়্যে।

গীতসংহিতা 107:22

তারা ভালেদি জানেবার-উৎসর্ব গোরোদোক্, রঙ্গ-ফুত্তির্ গীদ্ গেইনে তার বেক কামানির কধা কোদোক্।

গীতসংহিতা 110:7

তারারে লড়াদে লড়াদে পধত্ তে ছড়া পানি হেবঅ, সেক্কে দরমর ওইনে যেরেন্দি তে জিদিবো।

গীতসংহিতা 119:108

ও লগেপ্রভু, মুই নিজোর আওজে যে নাঙ্ গিনিবার উৎসর্ব গরং সিয়েন তুই গুজি লঅ, আর তর্ সুদোমানি মরে শিক্ষ্যে দে।

গীতসংহিতা 138:5

তারা লগেপ্রভুর কামানিলোই গীদ্ গেবাক্, কিত্তে লগেপ্রভুর মহিমাগান গম্।

গীতসংহিতা 21:1

ও লগেপ্রভু, তর্ বলান্ দেগিনে রাজা হুজি অয়; তুই তারে জিদেই দিলে তে কত্তমান হুজি অয়।

গীতসংহিতা 21:13

ও লগেপ্রভু, তর্ বল্লোই তুই ফগদাং অ; আমি তর্ খেমতাগানরে নাঙ্ গিনিবোং আর গান গেবং।

গীতসংহিতা 3:3

মাত্তর্ ও লগেপ্রভু, তুই মর্ চেরোকিত্তে ঢাল্ ওই আগজ্। তুয়ই মর্ বাঈনী গুরিবার গোজেন; মর্ নিগিজ্যে মাঢাবো তুয়ই অজল্ গোজ্যস্।

গীতসংহিতা 3:4

মুই রঅ ছাড়িনে লগেপ্রভুরে ডাগং, আর তে মরে তার্ সুদ্ধো-সাংগ মুড়োবোত্তুন্ জোব্ দে।

গীতসংহিতা 47:1

ও বেক্ জাদ্‌তুন, তুমি আঢতালি দুয়ো; গোজেনর নাঙে হুজিয়ে রঅ ছাড়।

গীতসংহিতা 57:8

ও মর্ মনান, জাগি উঠ্; গীতার আর হারমোনি, জাগি উঠ্; মুই রেদ্‌তোরে কাদেই দিম।

গীতসংহিতা 81:1

গোজেন, যিবে আমার বল্, তুমি তা নাঙে হুজির্ রঅ ছাড়অ; যাকোবর গোজেনর নাঙে জয় জয় গরঅ।

গীতসংহিতা 95:1

এজঅ, আমি লগেপ্রভুর নাঙে হুজির গীদ্ গেই; আমা রোক্ক্যেগুরিয়্যে মুড়োবোর নাঙে রঙ্গ-ফুত্তি গুরিই।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিরমিয় 31:7

লগেপ্রভু কোইয়্যেদে, তুমি যাকোবত্তে হুজি মনে গিদ্ গঅ; বেগত্তুন সেরা জাদত্তে হুজির্ রঅ গরঅ। তুমি নাঙ্ গিনিনে কঅ, ও লগেপ্রভু, তঅ মানুচ্চুনোরে, ইস্রায়েলর বাঁজি থেইয়্যে মানুচ্চুনোরে উদ্ধোর্ গর্।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

ফগদাং পেইয়্যে 15:3

তারা গোজেনর্ চাগর মোশির আর সেই ভেড়া-ছবোর্ এ গান্‌নো গাদন্: “বেগত্তুন্ খেমতাবলা প্রভু গোজেন, কত্তমান দাঙর্ আর আমক্ অবার্ তর কামানি! ও বেক্‌ জাদ্‌তুনোর্ রাজাবো, কত্তমান ন্যায় আর সত্য তঅ পধতান্!

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।