গীতসংহিতা 27:12 - Chakma Bible

¹² মর্ শত্রুগুনোর ইদু মরে ছাড়ি ন-দিচ্, কিত্যে মিজে সাক্ষিগুনে মঅ বিরুদ্ধে থিয়্যেয়োন্; তারার্ নিযেজর্ লগে নিগিলি এজের্ অত্যেচার কধানি।

গীতসংহিতা 27:12 ပူးပေါင်းရင်းမြစ်များ

গীতসংহিতা 140:8

ও লগেপ্রভু, পাজিগুনোর্ মন আওজ্‌চানি তুই পূরোণ গুরি ন-দিচ্; তারা কুজুরোমিগানি ফোলেবাত্তে ন-দিচ্, যেনে তারা বাড়্‌বো গুরিয়্যে ন-অন্।

গীতসংহিতা 25:19

রিনি চাহ্, মর্ শত্রু কুদুক্কুন; তারা মরে কি জদবদে ঘিনান্।

গীতসংহিতা 31:8

তুই শত্রুগুনো আঢত্ মরে আক্‌সোই ন-রাগাচ্, বরং এক্কান খুলো জাগাত্ মরে থিয়্যেই রাগেয়োচ্।

গীতসংহিতা 35:11

অত্যেচারিগুনে মিজে সাক্ষি দিবাত্তে উজেই এত্তন্, আর মুই যিয়েনি হবর্ ন-পাং সে পৌইদ্যেনে মরে পুযোর্ গত্তন্।

গীতসংহিতা 35:25

মনে মনে তারারে কবাত্তে ন-দিচ্, “গম ওইয়্যে! যিয়েন মুই চেইয়োং সিয়েনোই ওইয়্যে।” তারারে কবাত্তে ন-দিচ্, “আমি তারে শেজ্ গুরি দিয়্যেই।”

গীতসংহিতা 38:16

কিত্যে মুই কোইয়োং, যেক্কেনে মঅ টেঙান্ বিজিদি যেবঅ সেক্কেনে সিয়েন্দোই তুই তারারে ফুত্তি গুরিবাত্তে ন-দিচ্, মঅ বিরুদ্ধে বড়াই গুরিবাত্তে ন-দিচ্।

গীতসংহিতা 41:11

মুই হবর্ পাং তুই মঅ উগুরে হুজি, কিয়া শত্রুগুনে মর্ বিরুদ্ধে জিদেনার রঅ ন-ছাড়দন্।

গীতসংহিতা 41:2

লগেপ্রভু তারে রোক্ষ্যে গুরিবো আর বাঁজেই রাগেব; দেজত্ তে সুগি অবঅ। তা শত্রুগুনোর আঢত্ তে তারে তুলি ন-দিবো।

যাত্রা 20:16

কারঅ বিরুদ্ধে মিজে সাক্ষী ন-দুয়ো।

প্রেরিত্‌ 26:11

তারারে সাজা দিবাত্যে মুই প্রায় এক সমাজ-ঘরত্তুন্ অন্য সমাজ-ঘরত্ যেদুং আর যীশুর্ বিরুদ্ধে কধা কবাত্যে মুই তারা উগুরে জোর্ গুরিদুং। তারা উগুরে মর্ এদক্ রাগ এলঅ যে, তারা উগুরে অত্যেচার্ গুরিবাত্যে মুই বিদেজর্ শঅরানিত্ সং যেদুং।

প্রেরিত্‌ 9:1

ইন্দি শৌলে প্রভুর শিচ্চ্যগুনোরে মারে ফেলেব বিলি দর্ দেগার্। দামেস্ক শঅরর্ সমাজ-ঘরানিত্ দিবাত্যে তে দাঙর্ ধর্মগুরুবো ইধু যেইনে চিধিগান চেলঅ। যিদুক্কুন্ মান্‌জ্যে যীশুর পধেদি চলন্, তারা মরদ্ ওক্‌ কি মিলে ওক্‌, তারারে পেলে যেন তারারে বানিনে যিরূশালেমত্ আনি পারে সেই খেমতাগানত্তে তে সেই চিধিগান চেইয়্যে।

দ্বি’লম্বর বিররণ 19:16

যুনি কনজনে খেতি গুরিবার মনভাবপোই কারঅ বিরুদ্ধে কনঅ অন্যায় কামর আবিত্তি আনে,

১ শমূয়েল 26:19

মর্‌ মহারাজ, মর্‌ প্রভু, ইক্কিনে দোয়্যে গুরিনে তর্‌ চাগরবোর্‌ কধানি শুন্‌। যুনি লগেপ্রভুই তরে মর্‌ বিরুদ্ধে থিয়্যেই রাগায় সালে মর্‌ গোজ্যে উৎসর্ব তাইদু গুঝি নেযাইদে ধোক্ক্যেন্‌ ওক্। মাত্তর্‌ যুনি মান্‌জ্যে সিয়েন্‌ গুরি থান্‌ সালে তারা উগুরে যেনে লগেপ্রভুর অভিশাব লামি এজে, কিত্যে তারা এচ্চ্যে লগেপ্রভুর দিয়্যে সোম্বোত্তিত্‌ মর্‌ যে ভাক্‌কো আঘে সিয়োত্তুন্‌ মরে ধাবেই দিবার্‌ চেট্ট্যা গত্তন্‌। তারা কদন্দে, ‘আদি যঅ, দেব-দেবেদার পূজো যেইনে গরঅ।’