গীতসংহিতা 27:11 - Chakma Bible

¹¹ ও লগেপ্রভু, তর্ পথ্‌তান্ মরে দেগেই দে; মর্ শত্রুগুনোর্ কারনে সং পধেন্দি মরে চালেই নেযা।

গীতসংহিতা 27:11 ပူးပေါင်းရင်းမြစ်များ

গীতসংহিতা 119:10

মুই মনদি তরে বিজিরে চাঙর্ তরে জানিবাত্তে মনান্ আওজ্ গরের্; তর্ উগুমোর্ বারেন্দি যেবাত্তে মরে ন-দিচ্।

গীতসংহিতা 139:24

তুই চাহ্ মইদু এমন্ কিজু আঘে নাহি যিয়েনিয়ে দুখ্ দে; তুই মরে শেজ্ ন-ওইয়্যে জিংকানির পধেন্দি চালা।

গীতসংহিতা 25:12

কন্না সেই মানুচ্চো, যে লগেপ্রভুরে ভোক্তি গরে? কন্ পথ্‌তান্ তাত্তুন্ বেঈ নেযা পড়িবো সিয়েন তুই তারে দেগেই দিবে।

গীতসংহিতা 25:9

তে নম্রগুনোরে গম পধেদি চালেই নেযায় আর তার্ পথ্‌তান পৌইদ্যেনে শিক্ষ্যে দে।

গীতসংহিতা 26:12

মুই সং জাগাত্ থিয়্যেই আগং; মুই বেক্কুনো মুজুঙোত্ লগেপ্রভুর বাঈনী গুরিম।

গীতসংহিতা 5:8

ও লগেপ্রভু, মর্ ভালোক্কুন্ শত্রু আগন বিলিনে তর্ ন্যায়র্ পধেদি তুই মরে পরিচালনা গর্; তঅ পথ্‌তান্ মঅ মুজুঙোত্ উজু গুরি দে।

গীতসংহিতা 5:9

মঅ শত্রুগুনোর কনঅ কধা বিশ্বেজ্ গরা ন-যায়, তারা মনত্ আগেদে ভস্ত অইদে মনভাব, তারা মুয়োনি যেন মেল্যে গোর ধোক্ক্যেন্, জিল্লোই তারা থেঝেরামাজ্যে কধা কন্।

গীতসংহিতা 54:5

শত্রুগুনে মরে যে অমংগল গোজ্যন্ সিয়েনি তে তারা ইদু ফিরেই দিবো; ও প্রভু, তর্ বিশ্বেজ্‌চান্দোই তুই তারারে ভস্ত গুরি দে।

গীতসংহিতা 64:6

তারা অন্যেয় গুরিবার ফন্দি গুরিনে কন্দে, “আমি চেরোকিত্তে চিন্তে গুরিনে এক্কান সল্লা গোজ্যেই।” ঘেচ্চেকগুরি মান্‌জ্যর্ মনানি আর মনর্ ভিদিরেগান তোগেইনে পাহ্ ন-যায়।

গীতসংহিতা 86:11

ও লগেপ্রভু, তর্ পথ্‌তান পৌইদ্যেনে মরে শিক্ষ্যে দে, যেনে মুই তর্ সত্যলোই চলি পারং; তরে ভোক্তি গুরিবাত্যে মর্ দ্বিভাগ ওইয়্যে মনানরে তুই এগত্তর্ গর্।

গম্ উপদেজ্ 15:19

আল্‌সি মান্‌জ্যর পথ্‌তান দ্বিকিত্তেদি কাদা বেড়া দিয়্যে পধ ধোক্ক্যেন, মাত্তর্ গম্ মান্‌জ্যর পথ্‌তান যেন রাজপদ ধোক্ক্যেন।

গম্ উপদেজ্ 8:9

যিগুনোর বিচেরবুদ্ধি আঘে তারা ইদু মঅ কধাগান দোল্; যিগুনোর জ্ঞান আঘে তারা ইদু সিয়েনি দোল্ কধা।

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

লূকে লেখ্যে গম্ হবর্ 20:20

সেনত্যে তারা যীশুরে চোগে চোগে রাগেলাক্ আর এস্পাই পাধেই দিলাক্। যীশুরে তার্ নিজো কধা ফালত্ ফেলেবাত্যে সেই এস্পাইয়ুনে গম্ মান্‌‌‌‌জ্যর ভান্ গরা ধল্ল্যাক্, যেন তারা তারে আঝল্ শাসনগুরিয়্যেবোর্ বিচেরত্ ফেলেই পারন্।