গীতসংহিতা 27:1 - Chakma Bible

¹ লগেপ্রভুই মর্ পহ্‌র্ আর মর্ উদ্ধোর গুরিয়্যে, মুই কারে দোরেম্? লগেপ্রভু মরে রোক্ষ্যে গুরিবো বেক্ দযানিত্তুন, মুই কনমতে ন দোরেম্।

গীতসংহিতা 27:1 ပူးပေါင်းရင်းမြစ်များ

ইয়োব 29:3

মঅ মাধাবো উগুরে সেক্কেনে তা বাত্তিবো জুলিদো, আর তা পহ্‌‌‌‌রে মুই আন্ধারত্ আদাউদো গুরিদুঙ্।

গীতসংহিতা 11:1

মুই দঅ লগেপ্রভু ইদু আশ্রয় নেযেয়োং। তুমি কিত্তে কত্তে, “পেগো ধোক্ক্যেন্ উড়িনে তমা মুড়োবোত্ ধেই যঅ”?

গীতসংহিতা 118:21

মুই তরে ভালেদি জানেম, কিত্তেই তুই মঅ কধাগান শুন্যচ্; মঅ উদ্ধোরান্ তইদু আঘে।

গীতসংহিতা 118:6

লগেপ্রভু মঅ তপ্পে আঘে, মুই নঅ-দোরেম্; মান্‌জ্যে মরে কি গুরি পারন্?

গীতসংহিতা 18:28

তুই মর্ জিংকানি-চেরাগ্‌কো জ্বালেই রাগা; মর্ গোজেন লগেপ্রভু মর্ আন্ধারানরে পহ্‌র্ গর্।

গীতসংহিতা 18:29

তর্ বলে মুই সৈন্য দলুনো উগুরে ঝাবেই পড়ি পারং, আর মঅ গোজেনর বলে ঝাম্ দিইনে দেবালান পার্ ওই পারং।

গীতসংহিতা 18:46

লগেপ্রভু জেদা। মর্ আশ্রয়-মুড়োবোর বাঈনী ওক্। মর্ উদ্ধোর্ গুরিয়্যে গোজেন সর্মানান্ বাড়োক্।

গীতসংহিতা 19:14

ও লগেপ্রভু, মর্ আশ্রয়র-মুড়ো, মর্ উদ্ধোর্ গুরিয়্যে, মর্ মুয়োর কধানি আর মর্ মনর্ চিদেগানিয়ে তরে যেন হুজি গরে।

গীতসংহিতা 3:8

উদ্ধোর্ গরানা লগেপ্রভুর্ কাম। তঅ নিজো মানুচ্চুনো উগুরে তঅ আশিদ্‌বাদ্‌তান লামি এজোক্।

গীতসংহিতা 43:2

তুয়ই মর্ আশ্রয়-তাম্বুল ধোক্ক্যেন্ গোজেন; কিয়া তুই মরে ছাড়ি যেইয়োচ্? কিত্তেই মত্তুন্ শত্রুগুনোর অত্যেচারে মনত্ দুখ্ গুরিনে বেড়া পুরিবো?

গীতসংহিতা 62:2

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই পুরোপুরি গুরিনে উদিই ন-যেম্।

গীতসংহিতা 62:6

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই থির্ থেম।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 2:5

ও যাকোবর বংশধরুন্, এজঅ; আঢঅ, আমি লগেপ্রভুর পহ্‌রে আঢাউদো গুরিই।

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

মথি লেখ্যে গম্ হবর্ 8:26

সেক্কে তে তারারে কলঅ, “কম্-বিশ্বেসীগুন, কিত্তে তুমি দরর্?” ইয়েনর্ পরেদি তে উদিনে বোইয়্যের্ আর সাগরানরে ধমক্ দিলো। সেক্কে বেক্কানি অলর্ ওই গেলঅ।

লূকে লেখ্যে গম্ হবর্ 2:30

কিয়া মান্‌জ্যরে পাপত্তুন্ উদ্ধোর্ গুরিবাত্তে বেক্ মানুচ্চুনোর্ চোগো মুজুঙোত্ তুই যে বেবস্থা গোজ্যস্, মুই সিয়েন দেখ্যং।

লূকে লেখ্যে গম্ হবর্ 3:6

মান্‌জ্যরে পাপত্তুন্ উদ্ধোর্ গুরিবাত্তে গোজেনে যিয়েনি গোজ্যে, বেক্ মানুচ্চুনে সিয়েনি দেগিবাক্।’ ”

যোহন 1:9

তেয়ই আঝল্ পহ্‌র, যে পত্তি মান্‌জ্যরে পহ্‌র দান গরে, তে পিত্‌থিমীত্ এজের্।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

২ করিন্হীয় 12:9

মাত্তর্ তে মরে কোইয়্যেদে, “মর্ দোয়্যেগান্ তর্ পক্ষে যদেষ্ট; কিয়া বল্‌পোজ্জ্যেগানর্ মাধ্যমে মর্ বলান্ পুরোপুরি গুরিনে ফগদাং অয়।” সেনত্যে মর্ বল্‌গোজ্জ্যেগান পৌইদ্যেনে মুই অমকদ হুজি ওইনে বাড়্ গুরিম, যেন খ্রীষ্টর্ খেমতাগান্ মঅ উগুরে থায়।

দ্বি’লম্বর বিররণ 7:18

মাত্তর্‌ তুমি তারারে ন-দোরেয়ো। ফরৌণ আর গোদা মিসর্‌ দেজ উগুরে তমা গোজেন লগেপ্রভু কি গোজ্যে সিয়েনি পুরি ন ফেলেইয়ো।

দ্বি’লম্বর বিররণ 7:21

তুমি তারারে ন-দোরেয়ো, কিত্যে তমা গোজেন লগেপ্রভু যিবে তমা ভিদিরে আঘে, তে দাঙর্‌ আর ভোক্তিলোই ভোজ্যে দর্‌ জাগেয়্যে গোজেন।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

ইব্রীয় 13:6

ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।

ফগদাং পেইয়্যে 7:10

তারা দাঙর্ গুরি রঅ ছাড়িনে কলাক্: “যিবে সিংহাসনত্ বৈ আঘে, আমার সেই গোজেন আর ভেড়া-ছবো আঢত্ পাপত্তুন্ উদ্ধোরান আঘে।”