গীতসংহিতা 26:8 - Chakma Bible

⁸ ও লগেপ্রভু, যে ঘরত্ তুই বজত্তি গরচ্, তর্ মহিমাগান্ যিয়েনত্ থায়, সে জাগায়ান মুই কোচ্‌‌পাং।

গীতসংহিতা 26:8 ပူးပေါင်းရင်းမြစ်များ

২ শমূয়েল 15:25

বেক্‌ মানুচ্চুন নিগিলি যানার পরেন্দি রাজা সাদোকরে কলঅ, “গোজেনর সুন্দুক্কো শঅরত্‌ ফিরেই নেযা। লগেপ্রভু যুনি মরে কোচপানার্‌ চোগেন্দি দেগে সালে তে মরে ফিরেই আনিবো আর এ সুন্দুক্কো আর তার থেবার জাগাগান আরঅ মরে চেবাত্তে দিবো।

১ বংশধর 29:3

এ পবিত্র তবনা-ঘরানত্তে মুই যিয়েনি থুবেয়োং সিয়েনি বাদেয়ো মর্‌ গোজেন ঘরান উগুরে মর্‌ কোচ্‌পানার্‌ কারনে ইক্কিনে মুই মর্‌ নিজোর্‌ সোনা আর রূবো দুয়োঙর্‌।

২ বংশধর 5:14

সে মেঘত্তে ধর্মগুরুগুনে তারার্‌ সেবা-কামানি গুরি ন-পারিলাক্‌, কিত্তে লগেপ্রভুর মহিমায় গোজেন ঘরান পেলেপেলে ওই যেইয়্যে।

২ বংশধর 7:1

শলোমনর্ তবনাগান থুম্‌ অলে স্বর্গত্তুন্‌ আগুন্‌ লামি এইনে পূজ্যে আর অন্য উৎসর্বর জিনিসছানিরে পুড়ি ফেলেল আর উবোসনা-ঘরান লগেপ্রভুর্‌ মহিমায় পরিপূরণ অলঅ।

২ বংশধর 7:2

সেনত্তেই ধর্মগুরুগুনে সিয়েনত্‌ সোমেই ন-পারিলাক্‌।

গীতসংহিতা 122:9

আমা গোজেন লগেপ্রভু ঘরান্ সিদু আঘে বিলিনে মুই যিরূশালেমর ভালেদি গুরিবার চেট্ট্যা গুরিম।

গীতসংহিতা 42:4

কানানিলোই মুই যেক্কেনে নিজোরে মনত্ তুলোং, সেক্কেনে মত্তুন্ মনত্ পড়ে কেধোক্ক্যেন্ গুরি ভালোক্কুন পরব্ পালেয়্যে গুনোরে নিইনে মুই হুজির আর ভালেদির্ রঅ ছাড়দে ছাড়দে মিছিল গুরিনে গোজেনর ঘরত্ যেদুং।

গীতসংহিতা 84:10

অন্য জাগাত্ আজার দিন কাদানাত্তুন্ তঅ ঘর উদোনত্ এক্কো দিন কাদানা বোউত্ গম; পাজি মানুচ্চুনোর তাম্বুলো ভিদিরে বজত্তি গরানাত্তুন্ বরং মর্ গোজেন ঘর দোরানর ইদু থিয়্যেই থানাগান্ বোউত্ গম।

যিশাইয় 38:20

লগেপ্রভু মরে রোক্ষ্যে গোজ্যে, সেনত্তে আমা জিংকানির বেক্ দিনুনোত্ লগেপ্রভুর ঘরত্ তারর্ বাজনা সমারে আমি গান গেবং।”

যিশাইয় 38:22

সেক্কে হিষ্কিয় পুজোর্ গোজ্যেদে, “মুই যে লগেপ্রভুর ঘরত্ উদি পারিম্ সিয়েনর চিহ্নোগান কি?”

যিহিষ্কেল 3:12

সে পরেদি গোজেনর আত্মাগানে মরে তুলি নিলো, আর মুই মঅ পিজেদি জোরে কোইয়্যে এ কধাগান শুনিলুং, “লগেপ্রভুর থেবার্ জাগানত্ তার্ মহিমার বাঈনী ওক্।”

লূকে লেখ্যে গম্ হবর্ 2:46

যেরেদি তিন দিন পরেদি তারা তারে উবোসনা-ঘরত্ পেলাক্। তে মাষ্টরুনো সংমোধ্যে বোইনে তারার্ কধানি শুনের্ আর তারারে নানান্ কধা পুযোর্ গরের্।

লূকে লেখ্যে গম্ হবর্ 2:49

যীশু তারারে কলঅ, “তুমি কিত্তে মরে তোগেইয়ো? তুমি কি হবর্ ন-পহ্ যে, মঅ বাব ঘরত্ মত্তুন্ থাহ্ পুড়িবো?”