গীতসংহিতা 26:1 - Chakma Bible

¹ ও লগেপ্রভু, মুই যে ন্যায়র পধেদি আগং সিয়েন তুই দেগেই দে, কিত্যে মুই গমেডালে চলং; মুই থির্ গুরিনে লগেপ্রভু উগুরে বিশ্বেজ্ গরং।

গীতসংহিতা 26:1 ပူးပေါင်းရင်းမြစ်များ

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

ইয়োব 2:3

সেক্কে লগেপ্রভু শদান্‌নোরে কলঅ, “মঅ‌ চাগর্‌ ইয়োব ইন্দি কি তুই রিনি চেইয়োচ্‌? পিত্‌থিমীত তা ধোক্ক্যেন্ আর কনজন নেই। তে নিদ্দুজি আর গম্‌। তে মরে ভোক্তি গুরিনে দরায় আর ভান্ন্যেইয়ত্তুন্‌ দূরোত্‌ থায়। যুনিয়ো তে এনেবাদে তারে নাশ গুরিবাত্তে মরে উচ্ছোমি তুলি দিয়্যে তো তে এজঅ‌ কনঅ দুজ্‌ ন-গরে।”

ইয়োব 4:6

তুই যে গোজেনরে ভোক্তি গুরিনে দরাজ্‌ সেক্কে কি তুই আশ্বাজ্ ন-পাজ? তুই যে নিদ্দুযি সিয়েন্‌ কি তর্‌ আজা নয়?

গীতসংহিতা 121:3

তে তঅ টেঙান্ বিজিদি যেবাত্তে ন-দিবো; যিবে তরে চুগি দে তে ঘুমোত্ ঢুলি ন-পুরিবো।

গীতসংহিতা 15:2

তেয়ই যগাজ্যে, যিবে গমেডালে জিংকানি কাদায়, গম কাম্ গরে, মনত্তুন্ সত্য কধা কয়,

গীতসংহিতা 21:7

লগেপ্রভু উগুরে রাজা বিশ্বেজ্ গরে; দাঙর্ গোজেনর অমকদ কোচ্‌‌পানাগানে তারে থির্ রাগেব।

গীতসংহিতা 25:2

ও মর্ গোজেন, তঅ উগুরে মুই বিশ্বেজ্ গরং, তুই মরে লাজত্ পড়িবাত্তে ন-দিচ্; মর্ শত্রুগুনে যেনে মঅ বেপারানিলোই রঙ্গ-ফুত্তি গুরিবার সুযোগ ন-পান।

গীতসংহিতা 25:21

মর্ গম আর ন্যায় কামানিয়ে মরে রোক্ষ্যে গোরোক্, কিত্যে মুই তঅ উগুরে মর্ আজাগান রাগেয়োং।

গীতসংহিতা 26:11

মাত্তর্ মুই গমেডালে আঢা-উদো গরং; মরে তারার্ আঢত্তুন্ উদ্ধোর্ গর্; আর মঅ উগুরে দোয়্যে গর্।

গীতসংহিতা 28:7

লগেপ্রভু মর্ বল্ আর মর্ ঢাল ধোক্ক্যেন্; মর্ মনানে তা উগুরে বিশ্বেজ্ গরে, সেনত্তে মুই এজাল্ পেইয়োং; সেনত্তে মঅ মনান্ হুজিয়ে ভুরি উঠ্যে, আর মুই গান্‌দোই তারে ভালেদি জানেম।

গীতসংহিতা 31:14

মাত্তর্ ও লগেপ্রভু, তঅ উগুরে মুই বিশ্বেজ্ গুরি আগঙ্; মুই কঙত্তে, “তুয়ই মর্ গোজেন।”

গীতসংহিতা 35:24

ও লগেপ্রভু, মর্ গোজেন, তর্ ন্যায়লোই মরে বিচের্ গর্; মরে তারার্ ঘিনাইদে ধোক্ক্যেন্ অবাত্তে ন-দিচ্।

গীতসংহিতা 37:31

তারার গোজেনর উগুমানি তারা মনানিত্ আঘে; তারার টেঙানি বিজিদি ন-যেবঅ।

গীতসংহিতা 4:5

যগাজ্যে মনভাব্‌পোই তুমি উৎসর্বর অনুষ্ঠানানি গরঅ, আর লগেপ্রভু উগুরে নির্ভর গরঅ।

গীতসংহিতা 43:1

ও গোজেন, তুই উজিত্ মজিম বিচের গর্, আর এ ভোক্তিনেইয়্যে জাদ্‌‌তুনোর বিরুদ্ধে মর্ পক্ষ ওইনে কধা কঅ; দগাবাজ্ আর পাজি মানুচ্চুনোর আঢত্তুন্ তুই মরে বাঁজা।

গীতসংহিতা 54:1

ও গোজেন, তর্ খেমতালোই তুই মরে উদ্ধোর গর্; মুই যে ন্যায়পদত্ আগং সিয়েন তর্ খেমতালোই তুই দেগেই দে।

গীতসংহিতা 62:2

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই পুরোপুরি গুরিনে উদিই ন-যেম্।

গীতসংহিতা 62:6

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই থির্ থেম।

গীতসংহিতা 7:8

লগেপ্রভু যেনে তারারে বিচের্ গরে। ও লগেপ্রভু, মর্ ন্যায় কাম্ আর গম্ কাম মজিম্ তুই মরে বিচের্ গর্।

গীতসংহিতা 94:18

যেক্কেনে মুই ভাবিদুং মঅ টেঙান বিজিদি যার্, সেক্কে ও লগেপ্রভু, তর্ অমকদ কোচ্‌পানাগানে মরে ধুরি রাগায়।

গম্ উপদেজ্ 20:7

গোজেন ভক্ত মান্‌জ্যে গমেডালে চলে; বর্ পেইয়্যে তার বংশগুন!

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

ইব্রীয় 10:23

বিশ্বেজি ইজেবে আমার যে আজা আঘে, এজঅ, আমি থির্ ওইনে তা কধানি স্বিগের্ গুরি থেই, কিয়া যিবে এগেম্ গোজ্জ্যে তে বিশ্বেজ্‌বলা।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

২ পিতর 1:10

ইয়েনত্যে ভেইলগ, গোজেনে যে ঘেচ্চ্যেকগুরি তমারে ডাক্ক্যে আর বেঈ লোইয়্যে সিয়েন যদবদে অবাত্যে আরঅ বেচ্ আওজি অ। ইয়েনি গুরিলে তুমি কনদিনঅ উজোট্ ন-হেবা।

১ শমূয়েল 2:9

তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।

১ শমূয়েল 24:15

লগেপ্রভুই যেনে বিচের্‌ গুরিনে মর্‌ আহ্‌ তর্‌ পৌইদ্যেনে রায় দে। তেয়ই যেনে মর্‌ কামানি দেগিনে মর্‌ পক্ষেন্দি থিয়্যেই আর তর্‌ আঢত্তুন্‌ মরে রোক্ষ্যে গরে।”