গীতসংহিতা 25:9 - Chakma Bible

⁹ তে নম্রগুনোরে গম পধেদি চালেই নেযায় আর তার্ পথ্‌তান পৌইদ্যেনে শিক্ষ্যে দে।

গীতসংহিতা 25:9 ပူးပေါင်းရင်းမြစ်များ

গীতসংহিতা 119:35

তর্ উগুমোর পধেন্দি মরে চালা, কিত্তে সিয়েনিলোই মুই হুজি অং।

গীতসংহিতা 119:66

মর্ যেনে গম বিচেরবুদ্ধি আর জ্ঞান অয় সেনত্তে তুই মরে শিগেই দে; তর্ বেক উগুমানি মুই বিশ্বেজ্ গরং।

গীতসংহিতা 143:10

তঅ আওজ্ মজিম কাম গুরিবাত্তে তুই মরে শিগেই দে, কিত্তে তুয়ই মর্ গোজেন; তর্ ভালেদি গরেদে আত্মালোই মরে সং পধেদি চালা।

গীতসংহিতা 147:6

লগেপ্রভু নম্র মানুচ্চুনোরে ধুরি রাগায়, মাত্তর্ পাজি মানুচ্চুনোরে মাদিত্ ফেলেই দে।

গীতসংহিতা 149:4

কিত্তে লগেপ্রভু তা মানুচ্চুন্দোই হুজি অয়; তে নম্র মানুচ্চুনোরে উদ্ধোর্ গুরিনে সর্মান গরে।

গীতসংহিতা 22:26

নম্র মানুচ্চুনোর্ হেইনে ঈল্ অবঅ; যিগুনে লগেপ্রভুর আওজ্ মজিম্ চলন্ তারা তার্ বাঈনী গুরিবাক্। তারা জিংকানিবর্ জেদা থেবাক্।

গীতসংহিতা 23:3

তে মরে নুয়ো গুরিনে বল্ দে; তার্ নিজো নাঙান্ রোক্ষ্যে গুরিবাত্তে মরে ন্যায়র্ পধেদি চালায়।

গীতসংহিতা 27:11

ও লগেপ্রভু, তর্ পথ্‌তান্ মরে দেগেই দে; মর্ শত্রুগুনোর্ কারনে সং পধেন্দি মরে চালেই নেযা।

গীতসংহিতা 73:24

তর্ উগুম্মোই তুই মরে চালেবে, আর যেরেন্দি তর্ মহিমালোই মরে মানি লবে।

গম্ উপদেজ্ 8:20

মুই ন্যায়র পধেদি চলং, ন্যায়বিচেরর পথ্‌তান্ ধুরি চলং।

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

যিহিষ্কেল 36:27

তমা ভিদিরে মুই মর্ আত্মাগান থিদেবর্ গুরিম আর এমন গুরিম যেনে তুমি মর্ বেক সুদোমানি পালঅ। সেক্কে তুমি মর্ রীদি-সুদোমানি মানি চলদে মনযোগি অবা।

সফনিয় 2:3

ও দেজর্ বেক্ নম্র মানুচ্চুন, তুমি যিগুনে লগেপ্রভুর উগুম মজিম্ কাম গরঅ, তুমি তার্ আওজ্ মজিম্ গমেডালে আর নম্রগুরি চলঅ; সেক্কে লগেপ্রভুর রাগর্ দিন্নোত্ অয়ত তুমি আশ্রয় পেবা।

মথি লেখ্যে গম্ হবর্ 5:5

যিগুনোর হাচ্চ্যেক্‌কানি চিদে তারা বর্‍‍‍পেইয়্যে, কিয়া পিত্‌থিমীগান তারার্ অবঅ‍‍‍।

যোহন 14:6

যীশু থোমারে কলঅ, “মুয়ই পথ, সত্য আর জিংকানি। মঅ মাধ্যমে ন-গেলে কনজনে বাবা ইধু যেই ন-পারে।

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

গালাতীয় 5:23

নম্র আর নিজোরে দঙানা। ইয়েনির্ বিরুদ্ধে কনঅ আইন নেই।

ইব্রীয় 10:20

খ্রীষ্ট আমাত্যে এক্কান নূয়ো আর জেদা পথ্ মেলি দিয়্যে, যেন আমি পদ্দা ভিদিরেদি, অত্তাৎ তার্ কিয়্যেগানর্ মাধ্যমে গোজেন মুজুঙোত্ আঝির্ ওই পারিই।

যাকোব 1:21

ইয়েনত্যে বেক্ ফি-বলাগানি আর যেদক্কানি বজং জিনিস এজঅ তমা জিংকানিত্ আঘে সিয়েনি দূর্ গরঅ। গোজেন কধানির্ বীজ্ যিয়েনি তমা মন ভিদিরে লাগা ওইয়্যে সিয়েনি চিদে ওইনে মানি লঅ। পাপত্তুন্ তমারে উদ্ধোর্ গুরিবার্ খেমতা এ কধানির্ আঘে।

১ পিতর 3:15

বরং খ্রীষ্টরে তমা মন ভিদিরে প্রভু ইজেবে জাগা দুয়ো। তমার্ আজা-ভরসা পৌইদ্যেনে যুনি কেঅ পুযোর্ গরন্ সালে তারে জোব্ দিবাত্যে নিত্য যুক্কোল্ থেয়ো, মাত্তর্ ইয়েনর্ জোব্‌পান্ চিদে আর ভোক্তি গুরিনে দুয়ো।

১ পিতর 3:4

বরং যিবের্ দোল্ জিনিচ্‌সান ভস্ত ওই ন-যেবঅ সে নরম আর শান্ত- খাচ্চ্যদ্‌তোই তমা মনানিরে সাজঅ। গোজেনর্ চোগেদি সিয়েনই বেশ্ দামী।