গীতসংহিতা 25:7 - Chakma Bible

⁷ মর্ গাবুরো অক্তত্ পাপ্পানি আর তর্ বিরুদ্ধে উল্লোমির কধানি তুই মনত্ ন-রাগেচ্; তর্ ন-পুরেইয়্যে কোচ্‌‌পানালোই তুই মরে মনত্ রাগেচ্, কিয়া ও লগেপ্রভু, তুই মংগলময়।

গীতসংহিতা 25:7 ပူးပေါင်းရင်းမြစ်များ

ইয়োব 13:26

তুই দঅ মর্‌ বিরুদ্ধে তিদে কধা লেখ্যচ্‌, মর্‌ গাবুজ্যের্ পাবর্‌ ফল মরে ভুগোর্‌।

ইয়োব 20:11

গাবুজ্যে বল্লোই ভর্‌পুনং তার্‌ আড়ুন তা লগে ধূল্যেলোই পড়ি থেবাক্‌।

গীতসংহিতা 106:3

বর্ পেইয়্যে তারা, যিগুনে দোল্ বিচের গরন্ আরে নিত্য ন্যায় কাম গরন্।

গীতসংহিতা 106:4

ও লগেপ্রভু, তঅ মানুচ্চুনোরে মেয়্যে দেগেবার অক্তত্ মরে ভুলি ন-যেচ্; তারারে উদ্ধোর্ গুরিবার সময়োত্ মন্দি আঢ্ বাবেই দিচ্।

গীতসংহিতা 109:14

তারার পুরোণি মানুচ্চুনোর অন্যেয়র কধানি লগেপ্রভুর মনত্ থোক্; তারার মা গুনোর পাপ্পানি বাদ দিয়া ন-ওক্।

গীতসংহিতা 109:16

তারা দোয়্যে গুরিবার কধা কনদিন্‌অ মনে ন-গরন্, তো দুঘী, নাঢা আর আজা নেইয়্যে মানুচ্চুনোরে মারে ফেলেবাত্তে অত্যেচার গুরিদাক্।

গীতসংহিতা 109:26

ও লগেপ্রভু মর্ গোজেন, মরে বল্ দে; তর্ কোচ্‌পানালোই মরে রোক্ক্যে গর্।

গীতসংহিতা 119:124

তর্ এ চাগরুনো সমারে তর্ কোচ্‌পানাগান বেবহার গর্, আর তর্ সুদোমানি মরে শিক্ষ্যে দে।

গীতসংহিতা 31:16

তর্ চাগর্‌বো উগুরে তর্ দোয়্যে পহর্ ধোক্ক্যেন গুরি পোড়োক্; তর্ থুম্ ন-ওইয়্যে কোচ্‌পানালোই তুই মরে রোক্ষ্যে গর্।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

গীতসংহিতা 6:4

ও লগেপ্রভু, মন্দি ফিরি আয়, মরে উদ্ধোর্ গর্; তর্ অমকদ কোচ্‌‌পানার দোয়্যেলোই, মরে রোক্ষ্যে গর্।

গীতসংহিতা 79:8

পুরোণি মানুচ্চুনোর অন্যেয়ানি তুই আমা বিরুদ্ধে ন-ধুরিচ্; তুই যাদিমাদি তর্ মেয়্যেগান আমারে দেগা, কিত্তে আমি চেরোকিত্যেত্তুন্ কুল ন-পেইয়্যে ওইয়্যেই।

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 48:11

মুই যিয়েনি গরং সিয়েনি মর্ নিজোত্তে, বানা মর্ নিজোত্তে গরং। মর্ নিজোর বাঈনী ন গরানাগান্ মুই কেধোক্ক্যেন গুরি অবাত্তে দি পারং? মর্ বাঈনীগান্ মুই অন্যরে পেবাত্তে দি ন-পারং।

যিশাইয় 64:9

ও লগেপ্রভু, তুই এদক্ বেশ্ রাগ ন-গুরিচ্; আমা পাপ্‌পানি জনম্মো ইদোত্ ন-রাগেচ্। আমি কোজোলি গুরির্, তুই আমা ইন্দি রিনি চাহ্, কিত্তে আমি বেক্কুনে তঅ মানুচ্।‌

যিরমিয় 3:25

এজঅ, আমি আমার লাজ্ গরেপারা কামানি ইধু পুরি থেই, আমা অগমানানিয়ে আমারে ঢাগি ফেলোক্। চিগোনত্তুন্ ধুরি এচ্চ্যে সং আমি আমার গোজেন লগেপ্রভুর বিরুদ্ধে পাপ গুরি এজির্, আর আমা পুরোণি মানুচ্চুনেয়ো সিয়েনি গোজ্যন। আমি আমার গোজেন লগেপ্রভুর বাধ্য ন-ওই।”

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যোহন 5:14

ইয়েন পরেদি যীশু সে মানুচ্চোরে উবোসনা-ঘরত্ দেগিনে কলঅ, “চাহ্, তুই গম্ ওইয়োচ্। পাপ জিংকানি আর ন-কাদেচ্, যেন তর্ আর ক্ষতি ন-অয়।”

যোহন 5:5

আটত্রিশ বজর্ ধুরিনে পীড়েত্ ভুগের্ সেবাবোত্যে এক্কো মানুচ্অ সিয়েনত্ এলঅ।

ইব্রীয় 8:12

সেনত্যে মুই তারার্ অন্যেয়ানি ক্ষেমা গুরিম, তারার্ পাপ্‌‌পানি আর কনদিনঅ মনত্ ন-রাগেম।”