গীতসংহিতা 25:3 - Chakma Bible

³ যে তঅ উগুরে আজা রাগায় তে লাজত্ ন-পড়িবো, মাত্তর্ যিগুনে অকারনে কুজুরোমি গরন্ তারা লাজত্ পড়িবাক্।

গীতসংহিতা 25:3 ပူးပေါင်းရင်းမြစ်များ

পত্থম 49:13

সবূলূন বড়্‌গাঙ পাড়ত্‌ বজত্তি গুরিবো; তে জাহাজ্‌ছানি ভিড়েবার্‌ বন্দর অবঅ; তা দেজর্‌ দুযিগান সীদোন ইন্দি যেবঅ।

১ বংশধর 10:13

লগেপ্রভু উগুরে অবিশ্বেজি ওইয়্যে বিলিনে শৌল মুরি গেলঅ। তে লগেপ্রভুর কধানি মানি ন-চলে; এন্‌ কি, লগেপ্রভু ইত্তুন্‌ সল্লা ন-চেইনে তে বজং আত্মা সমারে মিজেয়্যে মান্‌জ্যত্তুন্‌ সল্লা নেযেয়্যে। সেনত্তে লগেপ্রভু তা মরণ ঘোদেল আর রেজ্যগান্‌ যিশয় পুয়ো দায়ূদ আদত্‌ তুলি দিলো।

গীতসংহিতা 109:3

তারা মরে ঈচ্ গরেদে কধালোই বানি ফেল্যন্, এনেবাদে মরে আক্রমন গোজ্যন্।

গীতসংহিতা 119:78

মিজে কধা কোইনে মরে দজাত্ ফেলেবাত্তে বাড়্‌বো গুরিয়্যেগুনে লাজত্ পোড়োদোক্; মাত্তর্ মুই তর্ সুদোমানি পৌইদ্যেনে ধ্যান গুরিম।

গীতসংহিতা 123:2

গিরোজ্‌সো ইন্দি যেধোক্ক্যেন চাগরুনোর চোগ্ থায় আর চাগরানিগুনোর্ চোগ্‌কুন থান গিরোজ্‌সো মোক্কো আঢ্‌তান ইন্দি, সেধোক্ক্যেন আমা চোগ্‌কুন থেবদে গোজেন লগেপ্রভু ইন্দি, যেদকদিন সং তে আমারে দোয়্যে ন-গরে।

গীতসংহিতা 132:18

মুই তা শত্রুগুনোরে লাজ্ পাইদ্যে পজাক্ উরেই দিম, মাত্তর্ তা মাঢাবোত থেবঅ জোল্ জোল্যে মুকুট।”

গীতসংহিতা 22:6

মাত্তর্ মুই দঅ বানা এক্কো পুগো ধোক্ক্যেন্, মানুচ্ নয়; মানুচ্চুনে মরে ঈচ্ গরন্ আর মান্‌‌জ্যে মরে ঈচ্ গুরিদাক্।

গীতসংহিতা 27:14

তুমি লগেপ্রভুর উগুরে আজা রাগেয়ো; মনবল্ আন আর বুগোত্ সাহস বান আর লগেপ্রভু উগুরে আজা রাগ।

গীতসংহিতা 31:17

ও লগেপ্রভু, মুই দঅ তরে ডাক্কোং, তুই মরে লাজত্ পড়িবাত্তে ন-দিচ্; পাজি মানুচ্চুনে বরং লাজত্ পোড়োদোক্, তারা জুরো গুরিনে মরণর জাগানত্ পড়ি থাদোক্।

গীতসংহিতা 31:18

বার্‌বো আর ঘিনাইদে মনভাবপোই যিগুনে গোজেন ভক্তগুনো বিরুদ্ধে অসর্মানর কধা কন্, তারার্ মিজেকধালোই ভরা মুয়োনি নাঢা যোক্।

গীতসংহিতা 33:20

আমি লগেপ্রভুত্তে বাজ্জেই আগিই; তেয়ই আমার এযাল্‌দিয়্যে আর আমা ঢাল।

গীতসংহিতা 35:26

মর্ দজা দেগিনে যিগুনে হুজি অন্ তারা বেক্কুনে লাজত্ পোড়োদোক্ আর অগমান ওদোক্; যিগুনে মঅ উগুরে নিজোরে তুলি ধরন্ তারা লাজত্ আর অগমানত্ পোড়োদোক্।

গীতসংহিতা 37:34

লগেপ্রভু উগুরে আজা রাগা, তা পধেন্দি আঢিচ্; তে তরে দাঙর্ গুরিবো যেনে তুই দেজর্ ভাগ্ পাজ্। পাজিগুনে ভস্ত অলে তুই সিয়েন দেগিবে।

গীতসংহিতা 6:10

মঅ শত্রুগুনে বেক্কুনে লাজত্ পরিবাক্ আর দোরেবাক্; তারা ফিরি যেবাক্, আদিক্ক্যেন্‌গুরি লাজত্ পুরিবাক্।

গীতসংহিতা 62:1

মর্ মনানে অলর্ গুরি বানা গোজেনরে বাজ্জেই আঘে, কিত্তেই তে মর্ উদ্ধোরগুরিয়্যে।

গীতসংহিতা 62:5

ও মর্ মনান্, তুই অলর্ গুরি বানা গোজেনরে বাজ্জেই থাক্, কিত্তেই তে তরে আশা দান গরে।

গীতসংহিতা 69:4

যিগুনে অকারনে মরে ঈচ্ গরন, তারা জনেদি মর্ চুলানিত্তুন্‌অ বেশ্। যিগুনে মরে ভস্ত গুরি ফেলেবাত্তে চান তারা বেশ্ বোলিবন্দ; তারা মিজে মিজে মর্ শত্রু ওইয়োন। মুই যিয়েন চুর্ ন-গরং সিয়েন্‌অ মত্তুন ফিরেই দিয়্যে পোজ্যে।

গীতসংহিতা 69:6

ও প্রভু, বেগত্তুন খেমতাবলা লগেপ্রভু, যিগুনে তরে বাজ্জেই আগন্ মত্তেই তারা যেন লাজ্ ন-পান। ও ইস্রায়েলর গোজেন, যিগুনে তরে জানিবাত্তে আওজ্ গত্তন্ তারা যেন মত্তে অসর্মান ন-অন্।

গীতসংহিতা 71:13

মর্ বিপক্কগুনে লাজত্ পোড়োদোক্ আর ভস্ত ওদোক্; যিগুনে মরে দযাত্ ফেলেবার চেট্টাদ্ আগন্ তারা ঈচ্ গরা হেইনে আর অগমানে নাঢা যাদোক্।

যিশাইয় 25:9

সেদিন্যে মান্‌জ্যে কবাক্কে, “চঅ, ইবেয়ই আমা গোজেন; আমি তা আজায় এলং যেনে তে আমারে উদ্ধোর্ গরে। ইবেয়ই লগেপ্রভু; আমি তা আজায় এলং। এজঅ, আমি তা উদ্ধোর-কামত্তে ফুত্তি গুরিই আর হুজি ওই।”

যিশাইয় 40:31

মাত্তর্ যিগুনে লগেপ্রভু উগুরে আজা রাগান্ তারা নুয়ো গুরি বল্ পেবাক্। তারা ঈগল পেগো ধোক্ক্যেন্ ডুয়ো মিলিনে অজলত্ উড়িবাক্; তারা দাবা দিলে বল্‌পোজ্যে ন-অবাক্, তারা আঢিলে বল্‌‌‌‌পোজ্যে ন-অবাক্।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

আবিলেচ্ 3:25

লগেপ্রভু উগুরে যিগুনে আজা রাগান আর তা উগুরে নির্ভর গরন্ তারারে তে ভালেদি গরে।

মীখা 7:7

মাত্তর্ মুই লগেপ্রভু উগুরে আজা রাগেম, মর্ উদ্ধোর্ গুরিয়্যে গোজেনত্তে বাজ্জেই থেইম্। মর্ গোজেনে মঅ কধা শুনিবো।

যোহন 15:25

ইয়েন ওইয়্যে যেন তারার্ আইন-কানুনোত্ লেগা এ কধাগান্ পূরোণ্ অয়, তারা অকারণে মরে ঘিনেয়োন্।

রোমীয় 8:25

মাত্তর্ যিয়েন পাহ্ ন-অয় সিয়েনত্যে যুনি আমার্ আজা থায় সালে সিয়েনত্যে আমি ধৈয্য ধুরিনে বাজ্জেই থেই।