গীতসংহিতা 24:8 - Chakma Bible

⁸ এই বাঈনী গুরিবার্ রাজাবো কন্না? তে লগেপ্রভু, যিবে বেগত্তুন্ খেমতাবলা আর দাঙর্; সেই লগেপ্রভু, যিবে যুদ্ধোত্ দাঙর্।

গীতসংহিতা 24:8 ပူးပေါင်းရင်းမြစ်များ

গীতসংহিতা 50:1

খেমতাবলা গোজেন, লগেপ্রভু গোজেন, কধা কোইয়্যে; পূগত্তুন্ পোজিমেন্দি সং পিত্‌থিমীর বেক্কুনোরে তে ডাক্যে।

গীতসংহিতা 93:1

লগেপ্রভু রাজা; তে জোল্‌জোল্যে রাজ্‌পোজাক উজ্যে, তে বল্লোই কমর্‌বো বান্যে; পিত্‌থিমীগান দরমরগুরি থিদেবর্ ওইয়্যে; সিয়েন কনদিন্‌অ ন-লুড়িবো।

যাত্রা 15:3

তা নাঙান লগেপ্রভু, তে বীর যোদ্ধা।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

কলসীয় 2:15

তে আগাজর্ বেক ভান্ন্যেই শাসনগুরিয়্যে আর খেমতার্ অধিকারীগুনোর খেমতা বর্‌বাদ গোজ্জ্যে। আর এবাবোত্যেগুরি তে খ্রীষ্টর্ ক্রুশোর্ মাধ্যমে তারা উগুরে জিত্যে আর বেক্কুনো মুজুঙোত্ তারারে অসর্মান গোজ্জ্যে।

ফগদাং পেইয়্যে 6:2

যিবে তা উগুরে বৈ এলঅ তা আঢত্ এক্কান ধনু এলঅ। তারে এক্কো মুকুট দিয়া অলঅ আর তে জিত্যেদে ধোক্ক্যেন নিগিলিনে জয় গত্তে গত্তে গেলঅ।