গীতসংহিতা 24:7 - Chakma Bible

⁷ ও শঅরর্ গেট্টুন, তমা মাঢাগুন আরঅ উগুরে তুলো; ও আগঅ দিনোর দোরানি, তমা হুক্‌কুন্ বেক্কুন্ খুলি যাদোক্; বাঈনী গুরিবার রাজাবো ভিদিরে সোমেব।

গীতসংহিতা 24:7 ပူးပေါင်းရင်းမြစ်များ

২ শমূয়েল 6:17

লগেপ্রভুর সুন্দুক্কো আনিনে মানুচ্চুনে সিবে দায়ূদোর বানেই-রাগেয়্যে তাম্বুলো ভিদিরে এক্কান জাগাত্‌ রাগেলাক্। দায়ূদে সেক্কে লগেপ্রভুর নাঙে পুজ্যে আর উদোলোলি-উৎসর্বর অনুষ্টান গুরিলো।

১ রাজাবলী 8:11

সে মেঘ্‌কানত্তে ধর্মগুরুগুনে সেবা-কাম গুরিবাত্তে ন-পারিলাক্, কিত্তেই লগেপ্রভুর মহিমালোই তা ঘরান্‌ ভুরি যেইয়্যে।

১ রাজাবলী 8:6

সে পরেন্দি ধর্মগুরুগুনে লগেপ্রভুর সুদোম-সুন্দুক্কো ঠিগ জাগানত্‌, তবনা-ঘরর্ ভিদিরে গুদিবোত্‌, অত্তাৎ দাঙর্ পবিত্র জাগানত্‌ করূবপুনোর মিলি দিয়্যে ডুয়োগানির্‌ তলে নেযেইনে রাগেলাক্।

গীতসংহিতা 132:8

ও লগেপ্রভু, উদ্, তঅ জিরেবার জাগানত্ আয়; তুই আয়, আর তর্ খেমতার সুন্দুক্কো এজোক্।

গীতসংহিতা 21:1

ও লগেপ্রভু, তর্ বলান্ দেগিনে রাজা হুজি অয়; তুই তারে জিদেই দিলে তে কত্তমান হুজি অয়।

গীতসংহিতা 21:5

তর্ দিয়্যে জিদেনাগান তার্ সর্মানান বাজ্যে; তুই তারে দুয়োচ্ বাঈনী আর মহিমাগান্।

গীতসংহিতা 97:6

দেবাবো তার ন্যায়র কধা ফগদাং গোজ্যে, আর বেক জাদ্‌তুনে তার বাঈনী গরানাগান্ দেখ্যন্।

যিশাইয় 26:2

তুমি গেট্‌তুন খুলি দুয়ো‌ যেনে গম্ আর বিশ্বেজি সে জাদ্‌তো সোমেই পারে।

যিশাইয় 62:10

তুমি উজেই যঅ, গেদো ভিদিরেদি উজেই যঅ, মানুচ্চুনোত্তে পথ যুক্কোল্ গরঅ। তুমি রাজপথ যুক্কোল্ গরঅ, যুক্কোল্ গরঅ। বেক্ পাত্তরুন সোরেই দুয়ো; জাদ্‌‌তুনোত্তে এক্কান বাবতা তুলো।‌

মীখা 4:8

ও ভেড়া গরগর্ চুগিদার-ঘরান, ও সিয়োন-ঝিবোর্ ঘরান, আগ রেজ্যগান তইধু ফিরেই দিয়্যে অবঅ; রাজা আরঅ যিরূশালেমত্ রাজাগিরি গুরিবো।”

হগয় 2:7

মুই বেক্ জাদ্‌‌তুনোরে লাড়েম আর সেক্কে তারা তারার্ ধন-সোম্বোত্তিগানি ইধু আনিবাক্। সেক্কে মুই এ ঘরান্ সয়-সাগোজ্যেলোই ফেলেং ফেলেং গুরিম।

হগয় 2:9

আগ ঘরর্ সয়-সাগোজ্যেত্তুন্ ইক্কিনে ঘরর্ সয়-সাগোজ্যেগান আরঅ বেশ্ অবঅ। এ জাগানত্ মুই ভালেদি আনিম। মুই বেগত্তুন্ খেমতাবলা গোজেন লগেপ্রভু এ কধাগান কঙর্।’ ”

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

মার্ক 16:19

শিচ্চ্যগুনো মুজুঙোত্ এই বেক্ কধানি কনার্ পরেদি প্রভু যীশুরে স্বর্গত্ তুলি নেযা অলঅ। সিধু তে গোজেনর্ ডেনেদি বুজিলো।

১ করিন্হীয় 2:8

এ যুগোর্ নেতাগুনো ভিদিরে কনজনে সিয়েন ন-বুঝোন্; যুনি সিয়েন বুঝিদাক্ সালে সেই মহিমাবলা প্রভুরে ক্রুশোত্ ন-দিদাক্।

যাকোব 2:1

মর্ ভেইয়ুন, তুমি যেক্কেনে আমার মহিমালোই ভরা প্রভু যীশু খ্রীষ্ট উগুরে বিশ্বেজ্ গরঅ সেক্কে পত্তিজনরে সং চোগেদি রিনি চঅ।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

ফগদাং পেইয়্যে 4:11

“আমার প্রভু আর গোজেন, তুই বাঈনী, সর্মান আর খেমতা পেবার যগাজ্যে, কিয়া তুয়ই বেক্কানি সৃট্টি গোজ্জ্যস্; আর তরই আওজে সিয়েনি বেক্কানি সৃট্টি ওইয়্যে আর থিগি আঘে।”