গীতসংহিতা 24:5 - Chakma Bible

⁵ তে লগেপ্রভু ইত্তুন্ আশিদবাদ্ পেবঅ; তে যে তার্ আওজ্ মজিম্ চলের্ তার্ উদ্ধোর গুরিয়্যে গোজেনে সিয়েন্ গোজেই দিবো।

গীতসংহিতা 24:5 ပူးပေါင်းရင်းမြစ်များ

গীতসংহিতা 50:23

যিবের জিংকানিত্ ভালেদিগানই অলঅ তার উৎসর্ব তেয়ই মরে সর্মান গরে; যে মঅ পধেন্দি আঢে তারে মুই উদ্ধোর গুরিম।”

গীতসংহিতা 68:19

ধন্য প্রভু, তে পত্তিদিন আমা ভারানি বুয়োর্; তেয়ই আমার উদ্ধোর্ গুরিয়্যে গোজেন।

গীতসংহিতা 72:17

তার সুনাঙান জিংকানিবর থিদেবর্ ওক্; বেলানে যেদকদিন পহর্ দিবো সেদকদিন তার সুনাঙান্ অদে অদে থোক্। তা মাধ্যমে যেন বেক জাদ্‌তুনে আশিদ্‌বাদ পান; তারা তারে ভালেদি জানাদোক্।

গীতসংহিতা 88:1

ও লগেপ্রভু, মর্ উদ্ধোর গুরিয়্যে গোজেন, মুই দিনে-রেদে তইদু কানঙর্।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিশাইয় 51:8

কিত্তে কাবড় ধোক্ক্যেন গুরি আর পশম ধোক্ক্যেন গুরি পুগে তারারে হেই ফেলেব। মাত্তর্ মর্ সততাগান উমরত্তে থেবঅ; মর্ দিয়্যে উদ্ধোরান্ বংশর পর বংশ ধুরি থিদেবর্ অবঅ।”

যিশাইয় 54:17

তর্ বিরুদ্ধে বানেয়্যে কনঅ আত্যের্ ন-টিগিবাক্; তরে দুষি গোজ্যে পত্তি মান্‌জ্যর যুক্তি খোন্দেইনে তুই তারারে দুষি গুরিবে। ইয়েনই অলঅ লগেপ্রভুর্ চাগরুনোর অধিকার আর তারার্ যগাজ্যে পাওনা।”

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 3:14

গোজেনে অব্রাহামরে যে বর্ দিয়্যে সেই বরান্ খ্রীষ্ট যীশুর্ মাধ্যমে যেন অযিহূদীগুনেয়ো পেই পারন্, আর যেন আমি বিশ্বেজর্ মাধ্যমে এগেম্-গোজ্জ্যে পবিত্র আত্মারে পেই পারিই, সেনত্যে খ্রীষ্ট সেই অভিশাব্‌পান নিজো উগুরে নেযেয়্যে।

গালাতীয় 3:9

সালে দেগা যায়, গোজেনরে বিশ্বেজ্ গুরিনে অব্রাহামে যেধোক্ক্যেন বর্ পেইয়্যে ঠিগ্ সেধোক্ক্যেন গুরি সে পরেত্তুন্ ধুরি যিগুনে গোজেনরে বিশ্বেজ্ গোজ্জ্যন্ তারায়ো সেই বর্ পাদন্।

গালাতীয় 5:5

মাত্তর্ আমারে যে নিদ্দুজি বিলিনে মানি লুয়ো অবঅ, সেই ঘেচ্চ্যেকগুরি বিশ্বেজ্‌চান্দোই পবিত্র আত্মার মাধ্যমে আমি বাজ্জ্যে আঘিই;

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।